هذا الطبق للي تحب تكشخ قدام زوجها ..
تجيبين صدور دجاج خالية من العظم ..
وتفرديها بالمطرقة لما تصير زي شريحة الفيلية ,وبعدين تحطين عليها بهارات وترشين عليها فلفل احمر مجفف ,(واذا ماتحبينه مو لازم ) .وترجعي تضربيها شوي بالمطرقة ..
بعدين تكونين مجهزة حشوة,اي شي يطرأعلى بالك (اما خلطة خضار ) او جبن تشدر مع نعناع ,او اذا ماكان عندك شي جاهز ..احشيها شريحة طماطم +شريحة ليمون +بقدونس مفروم بس مش فرم ناعم او نعناع ....
حطي الحشوة بداخل كل شريحة ولفيها ..بعدين لك عدة خيارات ..
1- اما تلفينها اسطواني وتغلفينها بشريحتين من عجينة الجلاش ..وترشين عليها خلطة صلصة مع بهارات وثوم وبصل ..مطحونة كلها ..
2-او تلفينها اسطواني ..وتغلفينها بالشعيرية حقت الكنافة (اسنبلة مثلا ) يعني تصير من برا كأنها كنافة مبرومة ..,وترشين عليها نفس الخلطة السابقة ..وهذي سويتها مره شكلها اكثر من روعة ..كششششششخة مره .وكنت حاشيتها خضار .
3- او تحطي الحشوة على نصف الشريحة ,وتغطيها بالنصف الثاني فقط من دون لفها ..وبعدين ترشين عليها فلفل احمر مجفف ,لانها يعطيها لون حلو ..وتصفين القطع في صينية الفرن ,لاتنسي تحطين تحتها في الصينية شرائح بطاطا ,علشان ماتحترق وتمسحين عليها بالملعقة زبادي ..واذا طلعتيها من الفرن تحطين عليها جبن موزاريللا وترجعينها شوي للفرن لما تذوب الجبن ..
--------
التقديم :
مثلا انت وزوجك ..تجيبي طبقين ,وتحطين في كل طبق شوية رز (تحطينه اول في صحن عميق شوي وتقلبينه في صحن التقديم ,زي المطاعم يعني ) وبعدين توزعين القطع في كل صحن بطريقة مرتبة ..مع وضع شرائح من الليمون معها ..
وبالهنا والعافية ..
الروابط المفضلة