السلام عليكم بنات
حالتي حالة وانا كل ما اشوفها او اتذكرها يجن جنوني
عليها انا كلتها مرة وحدة بس ناسية كيف ممكن اعملها
بليز بنات ساعدوني كيف اعمل الملوخية المرافقة للدجاجة
المحمرة بالبهارات بعد سلقها يممممممممممممممممم
عليييها ساعدوني بنات الله يخليكم

اليكِ عزيزتي هذا الرابط ان شاءالله يفيدكِ

http://www.lakii.com/vb/showthread.php?t=250839

حبيبتى هاكتب لك طريقة تانية اسهل كتيييييييييير
هاتى الملوخية المجمدة ودى متقطعه جاهزة فى انواع كتيرة افضلها مونتانا وفرجللو وفارم فريتس

استنيها الاول لما تفك متحطيهاش مجمدة " وعشان متسيحيش كل الكيس وترجعى تجمدى تانى انا بكسرها وهى مجمدة اخد الجزء اللى عاوزاه واسيبه يسيح وارجع الباقى الفريزر
حطى السمن فى الحلة وبعدين حطى " توم مطحون" ولما يحمر حطى كزبرة مطحونة وقلبيها مع التوم وبعدين ضيفى الملوخية وحطيى الملح المطلوب وقلبي الملوخية فى التوم و الكزبرة وبعدين زودى الشوربة حبة حبة لحد ما توصل للسمك اللى تحبيه
واستنيها تغلى مرة واحدة
وبالهنا و الشفا

الغريب ياجماعه ان الواحد بعد السنين الطويله بيستفيد بجد من المنتدي - طول عمرنا كنا نحط الشوربه تغلي واحيانا بعض ناس يحطوا فيها حته تومه نيه وكسبره وبعدين يضيفوا الملوخيه يفوروها يعني وبعدين يحمروا الثومه والكسبره ويعملوا طشه الملوخيهويطفوا عليها لكن اسهل كتير الثومه وبعدينالملوخيه وبعدين الشوربه انا شخصيا
هااعملها كده وتسلم ايديك

انا برضة بعملها بنفس طريقتك يا اختى ام سعاد واول مرة اعرف ان ليها طريقة تانية

بصى يا ساتى انا هقولك على طريقة تانية سهلة برضو
\اولا تشترى ملوخية مونتانا او بسمة هتلاقيهافى كارفور ان شاء الله
تسلقى الفراخ و بعدين تحطى الملوخية و هى مجمدة فى حلة و تحطى عيها 2 كوب من مرقة الفراخ بس تكون سخنة
تسيبيها شوية لغاية ماتسيح و بعدين تولعى عليها النار لغاية ماتغلى
تكونى عاملة بقى الطشة اللى هى 4 فصوص توم مفروم و معلقة كبيرة كسبرة ناشفة و معلقة سمن تحمريهم على النار شوية و بعدين تحطيهم عليها و هى بتغلى و تسيبها تغلى دقيقتين كمان و تطفى
اما الفراخ بقى تطلعيها من المرقة و تدهنيها بالخليط ده (معلقة صلصة طماطم-ملح-فلفل اسود-معلقةزيت) و تحطيها تحت الشواية شوية او تحمريها فى طاسة تيفال على النار
بتكون رائعة و بالهنا و الشفا