حفلة المحاشي (كوسا بلبن + ورق لسينة + لفت بالطحينة) تفضلوا
السلام عليكم جميعا,
اليوم كان عندي حفلة محاشي , كوسا بلبن , ولفت محشي بصلصة الطحينة وورق لسينة (بشبه الورق العنب لكن يكون اوراق من الارض ومش من الشجر)اللي بنطبخها زي ورق العنب بس مع رب بندورة وشرحات بندورة وثوم.
المهم يا عزيزاتي وهدفي من هذا البوست مش طريقة الطبخ او الوصفة بل اني ابين انه بالمكون الرئيسي نفسه ممكن نسوي عدة اصناف ونشكل ونرضي الجميع .
العامل المشترك هوه خلطة الحشي (رز ولحمة) , بالاصل زوجي طلب اللفت ولاني ما كثير بحبه , عملت الكوسا بلبن , ولانه زادت حشوة عملت اللسينة او ورق اللسان, اللي بشوف السفرة بقول اخذت وقت وجهد بس بالتخطيط الجيد ممكن تسوي كذا شغلة بوقت طبخة واحد , وهذا كثير مهم لستات البيوت الجداد , يعني برتب بعقلي اللي بدي اسويه مثلا ابدا بنقع الرز لانه بده وقت وفي هذا الوقت احفر الكوسا وافرم اللحمة وهكذا .......
ان شاء الله اكون افدتكم, ودمتم سالميييييييييين
رد مع الاستدلال
الروابط المفضلة