السلام عليكم ورحمة الله وبركاته

شخبارك شنو مسوين بعد العيد
اليوم جبت لكم طريقة عمل رز بالكاجو مررره لذيذة و خفيفه

المقادير:
رز
كاجو ( او اي مكسرات انتي تحبينها في الرز )
زيت
البهارات الي تحطيينها في الرز مثلا( مسمار , هيل , قرفة او دارسين , زعفران , اذا تحبين تحطين اي شي ثاني مثلا ورق غار حطي الي تحبينه و تفضلينه او زبيب )
بصلتين
ملعقه كمون و ملح و فلفل اسود
بقدونس لتزين
ماء لغلي الرز طبعا

الطريقة :
نضع الماء في قدر لحد ما يغلي اذا غلا نضيف الزعفران
نغسل الرز
في قدر ثاني نضع شويه زيت (مقدار 3 ملاعق صغار) و اذا صار حار جدا نضيف الكاجو و نضيف المسمار و القرفه او الدارسين و الهيل و ورق الغار و الزبيب
ونخليهم في الزيت مع التقلب لمده دقيقتين

نعدها نضيف بصل مقطع جوانج مقدار بصله واحده على المكسرات و البهارات ونتركه يطبخ دقيقتين
بعدين تضيف الكمون والملح و بعدين نقلبه لمده ثواني

بعدها نضيف الزر المغسول (الرز ما يكون منقوع اذا حبيتي نتقعينه عادي مافي مشكله و اذا ما كنتي تبين تنقعينه عادي مو مكشلة )

و نخلط الرز مع المكونات الي في القدر حتى تمتزج البهارت بالرز
بعدها نضيف الماء المغلي مع الزعفران ( الماء يكون يغطي الرز و يزيد عليه بمقدار 4 سم او مقدار من الماء الي تتوقعين انه يسوي او يطبخ الرز لان الرز ما راح نشخله)
و نخلط المقادير و نغطيه و طبخيه زي اي رز عادي

نقلي بصل لتزين ( البصل المقطع جوانح )
و نقطع بقدونس لتزين
بعدما يستوي الرز نضعه في صحن و نزينه بالبصل و البقدونس

انا سويت معاه كباب لذذذذذذذذذذذذذيذ مرررررره انشااء الله راح اسويه مره ثانيه و انزله في المنتدى تكرم عيونكم يالغاليات

ان شاء الله يكون عجبكم الطبق و حاز على رضاكم

شكرا شكرا شكرا
طبق رائع تسلم ايدك

الله يسلمج عيوني

تسلم الايادي

تسلم الايادي

يسلموا هالايدين يا عسل

الله يسلمكم عيوني

يسلمواايديكي حبيبتي بس ما بيطلع الكاشو طري؟؟
انا بفضل اضعه في الاخير حتى يحافظ على قرشته , انتي شو رايك؟

الله يسلمك عيوني
ما يكون طري مره و احلى اذا كان طعمه محمص تقدرين تحمصينه و تحطينه في النهاية زي ما تحبيين

تسلم يدكِ حبيبتي على الطبق الشهي طريقه لذيذه