محشــــــي اللفــــــت

كيفكم يا صبايا
اليوم عملت محشي لفت .. وأنا الصراحه ما بعرف حدا تاني غير أهل الخليل بيعمله

فهاي أكله فلسطينيه خليليه لعيونكم

المقادير

لانه ما كان موسم اللفت .. فكان صعب شوي اختيار الاحجام
2 كيلو لفت
نصف كوب شاي عباره عن سماق
4 ملاعق دبس رمان
علبة صغيره معجون طماطم
أكتر من ربع كيلو لحمه مفرومه بشوي
كوب أرز مصري
نص ضمة بقدونس
بهارات الحشوه .. زي ما بتعرفوها
(ملح .. فلفل أسود .. كمون .. بهار مشكل)
وكلها ملعقة متوسطه

الطريقه

قبل بيوم .. بنقع السماق في ماء مغليه

وعشان الوقت انا حضرت اللفت كمان قبل بيوم
نغسل اللفت (احنا راح نغسله اكتر من مره)

بنقطع الحافه الغامقه منه متل الكوسا
نقشره .. والحبه الكبيره نكمل تقشيرها لحد ما تصل للحجم اللي بدي اياه
أختي بتقسم الحبه الكبيره بالنص .. بتصير حبتين
بس عشان رمضان .. ما ناكل كتييير

والقشر الابيض .. بنخليه .. نطبخه مع اللب

بعد التقشير .. نبدأ تفريغ الحبات (تقوير)

ولانه حبات اللفت قاسي شوي ما بينفع المقوار اللي بيكون خشب من تحت
هاد أحسن مقوار للفت

تابعووني

طبعا اللب ما بنرمييه
احنا ما بنرمي شي .. راح ينطبخ

وهلا نحضر الحشوه

نكون غاسلين اللحمه
وناقعين الرز لمدة ربع ساعة بماء دافئ
نخلط اللحمه والرز مع البقدونس المفروم والبهارات
أنا نسيت اذكر في المقادير ملعقتين زيت للحشوه
نخلط المقادير كلها





ونبدأ نحشي الحبات .. بس ثلاثة ارباع الحبه
لان كمية اللحمه غالبة على الرز .. لو العكس بنحشي الحبة للنص بس

بنحضر كمية زيت .. ونحميها
نقلي اللفت فيها لحد ما يحمر .. لازم نقلب الحبه في الزيت عشان تحمر من كل الجوانب
وفتحة الحبه بتكون لفوق او على جنب

تابعووووني

اللب .. بنحط فيه ملعقة ملح .. ونعصره حتى يطلع الماء اللي فيه
(زي السبانخ)
في قدر كبيره شوي .. نحط ملعقة زيت
بنضيف اللب .. ونضل نقلبه في الزيت .. نغطي عليه ونخليه على نار هاديه
بس لازم نضل نقلبه كل شوي .. لحتى يحمر .. وما ينحرق

بنصف حبات اللفت فوقه

بنحضر الصلصه اللي راح تنحط فوقه
بنميل صحن السماق عشان ناخد الماء بس
في قدر بنحط ماء السماق على النار مع معجون الطماطم و دبس الرمان
لحد ما يغلي بعدين نضيفه فوق قدر اللفت

نخليه لحد ما يغلي .. بعدين نغطي عليه .. ونخليه على نار هاديه
لمدة نصف ساعه الى ثلاثة ارباع الساعه
طبعا دوقوا الملح .. اذا احتاج زيدوه

طبعا لما ينضج .. راح تتماسك الصلصه اكتر مع اللب
بنصف حبات اللفت في صحن التقديم
واللب في صحن لحال .. يقدم كمقبلات

الرز ما بيطلع من الحبات بالمره .. حتى بعد النضج .. لانه كان لثلاثة ارباعها

هي أكله يمكن غريبه عليكم شوي
بس كتييييييييييييير طيبه .. وبتكون حادقه من دبس الرمان والسماق
للعلم بس زوجي من غزه .. مابيعملوها .. فلما داقها عنا .. صار هو يجيب
اللفت .. ويقول اعملي محشي لفت

ان شاء الله تعجبكم يا غاليات
وهاد الصحن لميييييييييييين ؟؟؟

وكل عام وانتم بألف خييييييييييير

إلي أنااااااااااااااااااااااااااااا..

أولاً تسلم يداك على الشرح الأكتر من مفصل..خاصة وان الكثيرين ما بيعرفوا هالأكلة ولا حتى سامعين فيها..متلي أنا يعني..

تانياً والله بتشهي والله يعطيك القوة حبيبتي وانا أول مرة أسمع فيها...مع إني بحب اللفت كتيييييييييييير..

ما شاء الله رااااااااااااااااااااااااااااااااااااااااااااااااا ااااااااائع تسلم ايديك

تسلم ايديكِ حبيبتي ام المجد على الأكلات الطيبه

الصراحه اول مره اسمع بلفت محشي
بس شكله طيب كثيرررررررررر
تسلم ايدك يافنانه
صايره مبدعه طبخ يا ام المجد عشان هيك مختفيه

ما شاء الله عليكي يا فتووووش
والله هاي اكلة متعبة شوي
يعني حفر اللفت لحاله بهد الايدين
الله يعطييكي العافية
احنا بنعمل هالاكلة بسس الفرق بينا انه بنسويه على لبن
وبنطش عليه تومة وبنفرك نعنع ناشف
لكن هاي فكرة تانية بس من ويلي لفت هووون
يا رييييت
شهيتيني
يسلموا يا فنانة ...........

اكله غريبة اول مره اسمع فيها
احنا بغزة بنحشي الجزر الاحمر
والقرع بس اللفت لا ما سمعت فيها
وشكلها بتغلب شوي

يسلمو اديكي

لا والله يعطيك العافية حبيبتي فتووووووووووووش
باينتها طيبة كتير راح ابقى جربها أنا كمان أول مرة بسمع فيها
تسلم ايدييييييييييييكي