السلام عليكم حبيباتى
رمضان كريم ... الله يرزقنا المغفرة والعتق من النار جميعا
أريد أن أطرح عليكم موضوعا... ما رأيكم لو تعمل كل واحدة منيو لعزومة رمضان بحيث إن اللى عندها عزومة فى رمضان ما تفكر كتير تدخل هنا على طول وتنتقى من المنيوهات مع وضع الروابط للوصفات... إيه رأيكم؟ لأنى بصراحة فى رمضان بيكون عندى عزومات ومش بأعرف أعمل إيه ؟ وبأضيع وقت كبير فى إنتقاء الأصناف فما بالكم بعملها
والسلام عليكم ورحمة الله وبركاته

فكره حلوه وانا اول واحده تلرد عليكى وبقولك ان شاء الله اول يوم
انا بفكر انى اعمل بط ومحشى ورق عنب

ان شاءالله حبيبتي تستفيدين من موضوعنا القائمه الرمضانيه سنضع تقريبا كل يوم منيو كامل

http://www.lakii.com/vb/showthread.php?t=341215

السلام عليكم
شكرا لك أختى دفئ المشاعر لكن يا ريت لو كنتى حطيتى لنا طريقة عمل البط لأنى باحبه كتيييييير ومش باعرف أعمله
اختى حنان البحرين شكرا لك ولكن موضوعك لن يبدأ قبل العاشر من رمضان وأنا فى الحقيقة عندى عزومة اول يوم وعاوزة أجهز لها من دلوقتى مينفعش أنتظر موضوعك لهذا أريد مساعدات من الآن
وكـــــــل عـــــــام وأنتـــــــم بخـــــير ..... تقبــــل اللـــه منـــا ومنــــكم

اولا الله يبلغنا رمضان بالصحة والعافية
ثانيا
يسعدني أني اساهم معك والله يكتب لي أجر تفطير صائمين بالاختيار للوجبات :

السلطات :سلطة خضراء- سلطة لبن - سلطة البنجر - سلطة البطاطس بالمايونيز

المقبلات :حمص - بابا غنوج - ورق عنب

الشوربات :شوربة الكويكر - شوربة الخضار مع الشعيرية- شوربة العدس

المعجنات:سمبوسة لحم - سمبوسة جبن - فطاير منوعة ( سبانخ - جبن -نقانف- زعتر )

الطبق الرئيسي :رز برياني -سمك مشوي - مكرونة بالبشاميل

الحلويات :أم علي - كريم كراميل

العصائر والمشروبات: قمر الدين - برتقال طازج - كوكتيل

السلام عليكم ورحمة الله وبركاته
فكرة حلوة اوي وانا حساهم على قد ما اقدر لكن للأسف مش عندي صور للأكلات ولكنها موجودة بالمنتدى
انا برضه عندي كذا عزومة في رمضان حقولكم على اول عزومة لأني لحد دلوقتي مش عارفة حعمل ايه في الباقي:
السلطات : سلطة خضرا - سلطة طحينة - سلطة بنجر
الشوربة : كريمة الفراخ
المقبلات : ورق عنب - كانيلوني
الاطباق الجانبية : رز بالكاري - رز برام بالفرن - بامية باللحمة - ملوخية
الاطباق الرئيسية : حمام محشي رز بالكبد - كفتة مشوية - فراخ بانيه
الحلويات : تشيز كيك - قطايف بالقشطة - خشاف
العصاير : تانج برتقال - قمر الدين - تمر هندي
وأي سؤال عن اي صنف انا حاضرة

السلام عليكم صديقاتى وأخواتى :
سعيدة أنا كثييييييرا بمشاركاتكم الحلوة والله يجازيكم خيرا إن شاء الله لمساعدتى ومساعدة غيرى يا ريت لو الوصفات بتاعتكم تكتبوها أو يكون لها رابط على المنتدى لزيادة الإفادة وعلى العموم فهى وصفات شهية وجميلة
أختى صافى الود: ما شاء الله عليكى عزومتك شهيه كتييييير لكن ما هى شوربة الكويكر عذرا لجهلى وخيبتى فى المطبخ
وأريد أن أسأل ألا تتعارض المكرونة بالبشاميل مع السمك؟ بصراحة عمرى ما أكلت سمك مع لحوم وأكل عادى؟ شكرا لك كثيرا وإن شاء الله لك أجر مساعدة فى إفطار كل من يفطرون على عزومتك الشهيه

السلام عليكم أختى Bino
أسعدتنى مشاركتك كتير كتير
ممكن تكتبى لى سلاطة البنجر أو الرابط بتاعها ولو تكرمت كمان الأرز اللى فى البرام؟
يوم العزومة قرب ولغاية دلوقتى مش عارفة حتى أفكر ÷اعمل إيه؟
عندى سؤال ليكم كلكم.... هل ممكن أعمل السمبوسك بالجلاش؟ لأنى مش لاقية عجينة السمبوسك هنا خالص ولا فى المحل العربى ؟!!!
وشكــــــــــــــــرا لكن....

مفيش حد عنده أفكار يل حماعة ساعدونىىىى بمنيوهات

يسعدنى اشترك معاكم فى الموضوع ولو عايزة حاجة يا بط وكوسة انا موجودة وكله تمام-------------- بس على قدى
ههههههههه
المهم انت منين علشان اقولك اسم محل يبيع سمبوسك
وانا اعرف سلطة البنجر
تغسلى البنجر تمام وتشيلى الشراشيب بتاعته الجدور يعنى فوق وتحت
وتسلقيه فى اناء مليان ميه مغطيه
وتشكيه بالشوكة تغرس فيه ويبان السوا
بعد ما استوى تمام سويه خالص خالص
بردى الميه عليه علشان هتبتدى تفلفصيه من القشرة بتاعته بايدك سهل خالص القشرة بايدك هتطلع بسهولة وحاسبى تتبقع هدومك
وبعدها تقطعيه ترانشات او مكعبات زى ما تحبى يكون
وتعصرى ليمون وحبة ملح وزيت وتدخليه التلاجة يبرد وبالهنا
وابقى ادعيلى