الكفتــه بالفــرن مع البطاطــا والطماطــم
السلام عليكم يا أحلى صبايا ... قبل كم يوم عملت صينية كفته بالفرن
وهاي اكله كتييير سهله
المقادير
احتجت لـ كيلو كفته مملحه ومبهره
3 - 4 حبات طماطم
حبتين بصل مقطع لاجنحه
حبتين بطاطا كبار
صلصة بندورة مذوبه في ماء مغلي مملحه ومبهره
الطريقة
بعد ما خلطت الكفته بالملح والبهار
مديتها في صينية الفرن .. وقسمتها لمربعات لسهوله التقطيع بعدين
وقطعت عليها البصل اجنحه والطماطم شرحات ... والبطاطا شرحات
وغمرتها بصلصة الطماطم .. ولفيتها بورق الالمنيوم (لاني بدي تضل صلصه عليها)
وممكن ما تلفيها .. وراح تنشف الصلصه شوي عليها
وحطيتها بالفرن لمدة ساعة تقريبا .. اختبري نضوجها طبعا
وبعدين شلت الالمنيوم وحمرتها من فوق
وعملت على جنب صحن رز أمريكي بالشعيريه
وطريقة تقديمها استلفتها من ام ليانه القمر
وهاي المنظر النهائي يا قمرات
وهاد الصحن لأول عضوه ترد علي
ان شاء الله يعجبكم أخواتي
والف صحه وهنا على قلوبكم
شعار₪وصفه متميزه₪ صينيــة كفتــــــة بالفـــــرن
اعذروني لغيابي 
*
*
رد مع الاستدلال
كتبت بواسطة ام ليانة
الروابط المفضلة