انا اليوم عامله انشاء الله شيشبرك مع رز اكيد بالنسبة للبن بخلط علبة لبن نعاج ولازم تكون نعاج لانها ازكى بتشتريه من محلات اللبن، و 2 كيلوا لبن مخيض ، بحط اللبن النعاج في الخلاط و بدوب ملعقة كبيرة نشا مع كاسة ماء و منخلطهم منيح و بضيفهم على اللبن المخيض و منحطهم على النار مع التحريك المستمر لحد ما يغلي و لما يغلي بترشي رشة عصفر و رشة كمون و مكعب ماجي و بديري الشيشبرك عليهم لحد ما يستوى وفي النهاية بتقدحي ثوم و يقدم مع رز
عجينة الشيشبرك كتير سهلة عبارة عن كاستين طحين و نصف كاسة ماء و رشة ملح و شوية زيت قلي ( ملعة صغير) و بتندعك لحتى يكون قوامها منيح و ما بتلزق بالايدي ازا لزقت رشي طحين لحتى تصير مناسبة بعدين بتنفرد على سطح علية طحين و بتقطع بالفنجان و كل قطعة بتحطي فيها اللحمة المفرومة الي بتكوني مقليتها مع بصل و بهارات مشكلة و ملح و حب هال وقرفة بتحشي كل قرص بشوية لحمة و بتنلف متل القطايف و بعديم بتجمعيها من الطرفين و لما تخلصي الكمية بتحطيها في صينية مرشوشة طحين و بتشويها شوي ، طبعا ممكن لما تبرد تفرزيها و بتستخدميها مر ة تانية
الروابط المفضلة