كلنا اكيد بنعرف نطبخ او يعني بنعرف نص نص وفينا طبعا فنانات في المطبخ

بس اكيد كلنا عندنا مشكله حنتغدي ايه النهارده ...كل ماسأل اهل البيت عاوزين تاكلوا ايه النهارده الجواب اللي مابيتغيرش ((اي حاجه ))

طيب مااي حاجه دي ليها اسم

تعالوا نكتب هنا كل يوم أكلنا ايه النهارده سفره كامله مهما كانت بسيطه لان بكده حنفكر بعض في اختيار اصناف مش بتيجي علي بالنا احيانا


وكمان ممكن نسأل عن اي صنف او ندور عليه


عن نفسي حناكل النهارده

....فراخ بانيه

.....مكرونه بالصلصه البيضاء

......سلطه خضراء

.....بتناجان مقلي

فكرة حلوة اوووووووووووووووي
انا النهاردة عملت اكلة سهلة اوووووووووي اخترعتها من فنانات لكى
جبت فرخة ونزعت جلدها وقطعتها 8 قطع
وجبت بصلة ترنشات وعليها ملعقة كبيرة قرفة وملعقة كبيرة مستردة وصويا صوص وكاتشب وملح وكسبرة ناشفة وقلبت كلة مع الفراخ
بعد كدة جبت صينية وغلفتها بالفويل وقطعت فيها ترنشات بطاطس وفلفل اخضر وحطيت خلطة الفرخ عليهم وقفلت الفويل وحطيتها في الفرن ساعة ونص
عملت جنبها ارز ابيض وسلطة خضرة
بس كانت هايلة و عجبت جوزي اووووووووووووووووي
وقالي انزلها في المنتدي

انا بأه جبت فرخه وخلتها كلها وتبلتها بالخل والملح والفلفل الاسود وبصله مبشوره ولمونه وسبتها فى التلاجه حوالى 4 ساعات بعدين عملتها بالبيض والبقسماط وحمرتها وطلع طعمها جنان احلى من البانيه الجاهز
وعملت جمبها مكرونه وسلطه وبطاطس محمره

فكره حلوه

انا كمان عملت فرخ على طريقه حماتى

هههههههههههه

تجيبو بصلتين وتضربوهم فالخلاط على لتر ميه وتوابل زى منتو عاوزين


فلفل اسود وملح ولمون( وفى تركيبه بهارات كده بنسميها بهار لحمه بيخلى اى اكل ريحته حلوه جدا جدا والطعم كمان)


المهم تحطو البصل على الفراخ بعد تنظيفها وتقطيعها ل8 قطع فى صينيه وتسويهم على النار شويه وبعدين تدخل الفرن

وبتبقى جميلخه جدا ومتحمره واحلى من الفراخ المشويه بكتير

حلو اوي التفاعل بتاعكم شكرا للجميع


حنتغدي ايه النهارده انا كان نفسي اخد حاجه من افكاركم الجميله اللي فوق دي بس ولو حستعملها في الايام القادمه ان شاء الله

النهارده كان كشري مصري

طريقه عمل الكشري ((انا بعمله بطريقه مختلفه بعض الشئ ))

عدس جبه نفس عيار الرز (كوب عدس وكوب رز) احنا بنحب طعم العدس ظاهر جدا
مكرونه اشكال مختلفه طويل علي قصير علي صغنن من كل فيلم اغنيه
شعريه للرز
(( مش بحط حمص فيه ناس بتحط حمص عندي في البيت مش بيحبوا))
بصله للارز



بالنسبه للصلصه
عصير طماطم او حتي علب لو حااستعمل علب لازم اضرب واحد طماطم معاها
ثوم +بلفل اخضر بيحرق+ خل وملح فلفل اسود+ رشه ليمون

بصل للوجه مهم في الطعم حسب رغبتكم عن نفسي بعمل من تلاته الي اربعه لان البيت عندي بيحب يدهول الطبق بالبصل المحروق

الطريقه

انا بتبع الطريقه السهله ((اعشق السهل))

في حله صغيره اغلي العدس غلوه
وبعد كده اصفيه من المايه

واجيب البصله وقبل ماتوصل للتحمير اللي انا عاوزاها اضيف الشعريه واقلبهم مع بعض لغايه مايبعي لونهم ازيد حاجه بسيطه من الذهبي

بعد كده اضيف الارز وبعدين العدس المسلوق المصفي والمايه حسب نوع الارز

اضيف الماء ومعلقه سمن

واترك الرز يستوي علي نار هاديه

اسلق المكرونه صراحه انا بسلوق كل نوع لواحده وبعد كده اصفيها كلها وفي حله فيها معلقه سمن او زيت اشوحها تشويها خفيفه اوي ماتسويش المكرونه اوي لان المكرونه المهموكه بتبقي مش حلوه

بصل الوجه : تيخرط البصل شرايح وبعد كده يوضع في الزيت حتي يغمق لونه بس حذاري انه يتحرق يااخد لون غامق اه بس مش محروق يبقي مقرمش بس تاخدي البصل ده ويوضع في مصفاه يصفي من الزيت وبعد كده بنجيب صنيه كبيره ونضع عليها ورق لشفط الزيت المتبقي ويفرد البصل في الصنيه اللي فيها الورق ده ويترك جانبا (بعد شويه بيبقي مقرمش وطعمه لذيذ)

الصلصه

بجيب توم مدقوق واضعه في الزيت حتي يصفر بعد كده اضع الصلصه حتي تتسبك بس مش بعد كده اخد جزء الصلصه دي احط عليها خل وفلفل بيحرق ورشه ليمونه كنت اكلتها في مطعم وعجبني الطعم
دي بيسموها الدقه
بكده يبقي عندي نوعين من الصلصه واحده بتحرق وواحده عاديه اللي عاوز يكتر من العادي اوك اللي عاوز يزود الشطه يزود

عن نفسي بقدم كل حاجه لوحدها الرز ابو شعريه المضاف اليه العدس وجانبيه المكرونه اللي انا لخبطها علي بعضها في طبق تاني والصلصه الدقه لوحدها والصلصه لوحدها


والف هنا وعافيه

كتبت بواسطة aumfayrouz

فكرة حلوة اوووووووووووووووي
انا النهاردة عملت اكلة سهلة اوووووووووي اخترعتها من فنانات لكى
جبت فرخة ونزعت جلدها وقطعتها 8 قطع
وجبت بصلة ترنشات وعليها ملعقة كبيرة قرفة وملعقة كبيرة مستردة وصويا صوص وكاتشب وملح وكسبرة ناشفة وقلبت كلة مع الفراخ
بعد كدة جبت صينية وغلفتها بالفويل وقطعت فيها ترنشات بطاطس وفلفل اخضر وحطيت خلطة الفرخ عليهم وقفلت الفويل وحطيتها في الفرن ساعة ونص
عملت جنبها ارز ابيض وسلطة خضرة
بس كانت هايلة و عجبت جوزي اووووووووووووووووي
وقالي انزلها في المنتدي

حاأعمل الأكله دي النهارده شكرا ياaumfayrouz

كتبت بواسطة deepocean

حلو اوي التفاعل بتاعكم شكرا للجميع


حنتغدي ايه النهارده انا كان نفسي اخد حاجه من افكاركم الجميله اللي فوق دي بس ولو حستعملها في الايام القادمه ان شاء الله

النهارده كان كشري مصري

طريقه عمل الكشري ((انا بعمله بطريقه مختلفه بعض الشئ ))

عدس جبه نفس عيار الرز (كوب عدس وكوب رز) احنا بنحب طعم العدس ظاهر جدا
مكرونه اشكال مختلفه طويل علي قصير علي صغنن من كل فيلم اغنيه
شعريه للرز
(( مش بحط حمص فيه ناس بتحط حمص عندي في البيت مش بيحبوا))
بصله للارز



بالنسبه للصلصه
عصير طماطم او حتي علب لو حااستعمل علب لازم اضرب واحد طماطم معاها
ثوم +بلفل اخضر بيحرق+ خل وملح فلفل اسود+ رشه ليمون

بصل للوجه مهم في الطعم حسب رغبتكم عن نفسي بعمل من تلاته الي اربعه لان البيت عندي بيحب يدهول الطبق بالبصل المحروق

الطريقه

انا بتبع الطريقه السهله ((اعشق السهل))

في حله صغيره اغلي العدس غلوه
وبعد كده اصفيه من المايه

واجيب البصله وقبل ماتوصل للتحمير اللي انا عاوزاها اضيف الشعريه واقلبهم مع بعض لغايه مايبعي لونهم ازيد حاجه بسيطه من الذهبي

بعد كده اضيف الارز وبعدين العدس المسلوق المصفي والمايه حسب نوع الارز

اضيف الماء ومعلقه سمن

واترك الرز يستوي علي نار هاديه

اسلق المكرونه صراحه انا بسلوق كل نوع لواحده وبعد كده اصفيها كلها وفي حله فيها معلقه سمن او زيت اشوحها تشويها خفيفه اوي ماتسويش المكرونه اوي لان المكرونه المهموكه بتبقي مش حلوه

بصل الوجه : تيخرط البصل شرايح وبعد كده يوضع في الزيت حتي يغمق لونه بس حذاري انه يتحرق يااخد لون غامق اه بس مش محروق يبقي مقرمش بس تاخدي البصل ده ويوضع في مصفاه يصفي من الزيت وبعد كده بنجيب صنيه كبيره ونضع عليها ورق لشفط الزيت المتبقي ويفرد البصل في الصنيه اللي فيها الورق ده ويترك جانبا (بعد شويه بيبقي مقرمش وطعمه لذيذ)

الصلصه

بجيب توم مدقوق واضعه في الزيت حتي يصفر بعد كده اضع الصلصه حتي تتسبك بس مش بعد كده اخد جزء الصلصه دي احط عليها خل وفلفل بيحرق ورشه ليمونه كنت اكلتها في مطعم وعجبني الطعم
دي بيسموها الدقه
بكده يبقي عندي نوعين من الصلصه واحده بتحرق وواحده عاديه اللي عاوز يكتر من العادي اوك اللي عاوز يزود الشطه يزود

عن نفسي بقدم كل حاجه لوحدها الرز ابو شعريه المضاف اليه العدس وجانبيه المكرونه اللي انا لخبطها علي بعضها في طبق تاني والصلصه الدقه لوحدها والصلصه لوحدها


والف هنا وعافيه

اقولك على طريقه لقلى البصل ويبقى مقرمقش ومش محروق وتحفه

تقطعى البصل حلقات وترشى عليه دقيق وتقلبيه كويس ولازم يتغطى كله بالقيق وتقليه
فى الزيت واتفرجى بأه على الجمال وادعيلى تانى حاجه بلاش ترمى الزيت لانك حتستعمليه فى الاكل

تالت حاجه العدس خليه لوحده اغلى شويه بعدين صفيه وشوحيه فى بصله متقليه فى زيت البصل اللى فات حتلاقيه استوى ومش معجن
الشعريه شوحيها فى زيت البصل برده وضيفى ميتاه والملح
الرز حطيه فى حلة العدس بعد ما يستوى وتشيليه وشوحيه فى زيت البصل وضيفى الميه والملح حتلاقيه خد لون شويه
والمكرونه لوحدها اسلقيها وبلاش تحطى عليها سمنه
بعد كده فى حله كبيره ضيفى كل الكشرى على بعض وحطى زيت البصل الباقى وقلبيه وسخنيه حتلاقيه جناااااااااان زيت كشرى المحلات
بعد كده اغرفى وضيفى البصل ع الوش وادعيلى

انا النهارده طابخه خضار مشكله شوحتها فى شوية زيت وعليها مرقه وصلصه وفلفل اسود ومعاها رز ابيض
وفراخ فى الفرن متبله ببصل ولمون وملح وفلفل وشوية زيت وسلطه



على فكره موضوعك جميل ياريت تفتحى واحد فى رمضان حتفطرو ايه النهارده علشان احنا بنتبهدل ومش بنبقى عارفين نعمل ايه كل يوم

yehia2007.................شكرا علي الوصفه ان شاء الله اجربها


النهارده

سمك مشوي

طماطم مخلله

ارز ابيض

انا النهردة عاملة مقلوبة
و هي عبارة عن ارز بالدجاج و البيتنجان المقلي

و تطبخ هكذا

نسلق الدجاج بالطريقة المعتادة مع اضافة البهارات الى ان يستوي
نقلي شرائح الباذنجان
نقع الارز ثم نصفيه

في الطنجرة القدر او الحلة

نرش القاع برشة ارز
ثم نضع الباذنجان فوق رشة الارز
ثم نضع باقي الارز
و نضع ماء سلق الدجاج ليستوي به الارز

نحمر الدجاج بالفرن



انتهي عند استواء الارز نقلب القدر على الصينية للتقديم

يقدم مع



السلطة الخضراء و اللبن

و صحتيييييييييييييييين