أخواتي الطبخات كل عام وأنتم بخير
رمضان على الأبواب وأنا نفسي اعمل الخرشوف في الفرن بس مش عارفة الطريقه كل ألي أعرفة أنو بينباع مجمد في السوبر ماركت وكمان مش عارفة المعلومه دي صح ولا لأ ياريت تساعدوني وتعلموني افضل طريقه ليه عوزه جوزي يأكل صوابعه وشكرااااااااااااااااااااااا

ياهلا بك عزيزتي اليكِ هذه الروابط ان شاءالله تفيدكِ

http://www.lakii.com/vb/showthread.php?t=268092&highlight=%C7%E1%CE%D1%D4% E6%DD



http://www.lakii.com/vb/showthread.p...CE%D1%D4%E6%DD

أختى الحبيبة لولى
بصى يا ستى هو الأحسن ليكى تشترى المجمد اللى فى السوبر ماركت ده وده بيكون عن وحدات خرشوف متقشرة لأن تقشيرة متعب جداً وبعدين تغلى ميه وتحطى فيها ملح وكمون وزيت ونقطتين خل ولما المية تغلى تحطى وحدات الخرشوف حوالى عشر دقايق أو أقل لما تجسيها بالشوكة تلاقيها استوت من الوسط يعنى الشوكة بتدخل بسهولة تكونى محضرة خلطه العصاج باللحمه المفرومة طبعاً بالطريقة العاديه بصل وتوم ولحمه فرومة وبهارات وقرفة وتصجيها وبعدين تحطى عليها بقدونس مقطع وبعدين تحشى وحدات الخرشوف بالعصاج بعد ميستوى وبعدين تكونى عامله صلصة عبارة عن عصير طماطم وصلصة عاديه يوضعوا مع ملح وفلفل ومعلقه زيت على النار لحد متحسى انه قوامهم بقى غليظ شوية تحطى على وحدات الخرشوف بالمعلقة الصلصه من فوق وتكونى داهنه الصينية زيت وترصية وتدخليه الفرن وبالهنا والشفا .

شكرااااااا يا أختي حنان البحرين على المساعده الكريمه وعلى المرور اللذيذ جدا شكراااااااااااااااااا

عزيزتي tm تسلمي يا غاليتي على الشرح المفصل بس عندي سؤال معلش لما احطه في الفرن الصلصه تكون على الخرشوف بس ولا كمان حواليه ؟ وكمان أولع الفرن من فوق ولا من تحت تعبتك معايا معلش وجزاكي الله كل خير

السلام عليكن ورحمة الله وبركاته
شوفي يا أخت لولي 13 طريقة الخرشوف المحشي المصري
1- قشري القشر الأخضر الي على الخرشوفاية وقبل ما توصلي لنهايته اقطعيه من العنق الي بيبقى داخل لجوا شوية عشان تلاقي مكان فاضي كفاية تحطي اللحمة فيه.
2- بمعلقة صغيرة طلعي الأشواك البيضا الي بتبقى جوا الخرشوف ونضفيها من جوه كويس أوي.
3- تكوني محضرة قدر فيه (مية + دقيق + ملح) عشان الخرشوف ميسودش أول ما تنضفي تحطيه في الميه واحدة بواحدة على طول.
4- بعد ما تخلصيه خالص تسلقيه نصف سلقة في مية وملح وبهارات لو حبيتي (يعني يبقى جامد شوية).
5- تصفيه كويس من مية السلق وتبدأي تحشيه باللحمة المتعصجة الي انتي عاملاها مسبقاً بالطريقة العادية تحمري البصلة في زبدة وبعد ما تبقى ذهبي تضيفي عليها اللحمة وتضيفي الملح والتوابل الي تحبيها (فلفل أسمر - زعتر - ريحان ) زي مانتى بتحبي وتضيفي شوية مية بسيطة لو لزم الأمر.
6- بعد ما تحشي الخرشوف تحطيه في إناء على قدر الخرشوف وتصبي الصلصة فوقه ومن الأفضل إنها تكون كتير عشان تخلي الخرشوف طري ولذيذ.
7- وتسيبيه على النار لحد ما يستوي ومش حياخد وقت ان شاء الله لأن كل حاجة فيه بتبقى متسوية من قبل.
ممكن تسويه في الفرن من تحت وبعد ما يستوى تحمريه من فوق على شواية الفرن وممكن تسويه على نار البوتاجاز في الحالتين بيبقى لذيذ.
ويارب تعجبك (بالهنا والشفا)

أشكرك جدا جدا جدا ياعزيزتيsososo على هذا الشرح المفصل تعبتك معايا وكل سنه وأنت طيبه يارب

كتبت بواسطة لولي 13

عزيزتي tm تسلمي يا غاليتي على الشرح المفصل بس عندي سؤال معلش لما احطه في الفرن الصلصه تكون على الخرشوف بس ولا كمان حواليه ؟ وكمان أولع الفرن من فوق ولا من تحت تعبتك معايا معلش وجزاكي الله كل خير

أختى الحبيبة أنتى تأمرى، معلش أنا بقالى مدة مدخلتش المنتدى ، شوفى يا ستى بتحطى الصلصة بمعلقة ترشيها فوق وحدات الخرشوف نفسها من أعلى كأنه صوص، وبتولعى الفرن من تحت فقط حتى لا يحترق الجه بتاع الخرشوف هى سخونية الفرن بتحمره وبالهنا والشفا ياااااااااااااااارب.

السلام عليكم حبيت افيدكم بالوصفة اللي تعلمتها اليوم من النت وانا اليوم رح اساويها عالافطار :

خرشوف محشي باللحم

المطبخ: وصفات تركية
وقت التحضير: 45 دقيقة
وقت الطبخ: 30 دقيقة
عدد الوجبات: 2

المقادير

4 خرشوف (أرضي شوكة) طازج
4 شرحة طماطم
2 ملعقة صغيره زبدة
2 ملعقة كبيرة معجون الطماطم, مذوبة بمياه ساخنة
حشوة
150 غرام لحم غنم, أو لحم بقر، مفروم
4 ملعقة كبيرة أرز
4 البصل الأخضر, مفروم
1 طماطم, مقشرة ومفرومة
2 ملعقة كبيرة بقدونس, مفرومة
1 ملعقة كبيرة شومر (شبت), مفرومة
ملح حسب الذوق
بهار حسب الذوق


طريقة التحضير

1. يقشَر الأرضي شوكي مع المحافظة على بعض أوراقه الداخلية الطرية. تقص رؤوس هذه الأوراق بواسطة مقص، ثم ينظَف قلب الأرضي شوكي من الأشواك الداخلية بواسطة ملعقة صغيرة.

2. تنقع حبات الأرضي شوكي المنظَفة في الماء الممزوج بعصير الحامض للمحافظة على لونها الأبيض.

3. لتحضير الحشوة: تخلط جميع المكونات مع بعضها البعض.

4. تحشى حبات الأرضي شوكي بالحشوة، يوضع فوق الحشوة شرحة طماطم وقطعة زبده.

5. توضع الحبات المحشوة في طنجرة، تغمر بالماء الممزوج بصلصة الطماطم وتطبخ لمدة 30 دقيقة حتى تنضج. يضاف الماء عند الحاجة.

6. تنزع الورقات القاسية عند الأكل ويؤكل الكعب مع الحشوة. يمكن تقديمه مع اللبن المتبَل بالثوم.

اتمنى تعجبكم

كل عام والجميع بخير
غاليتي
الأخوات ما قصروا
ولكني أود إضافة شيء بسيط
خلي صلصة الطماطم تحت الخرشوف تكون بسيطة
أما فوق الخرشوف تعملي صلصة بشاميل خفيفة
وتصبيها فوق الخرشوف باللحمة المفرومة
ورشة جبنة موتزاريلا
وتحطيه في الفرن لمدة عشر دقائق
وبعدها تولعي الشواية لحد ما يتحمر وجهه
وبالهنا عليكم