سلام حبيباتي!!
اليوم عملت دجاج بالكاري والخضار , الطريقة تعلمتها من سلفتي التايوانية , بس الصراحة
كتيييييييير زاكية
نبدأ ..

صدور دجاج مخلية من العظم ومقطعة مكعبات
بطاطا وجزر وفليفلة وبصل مقطعين مكعبات و ثوم مدقوق
و مكعبات كاري زي اللي بالصورة وازا ما توفر بتحطي 1م ك طحين على الدجاج لما تقطعي
و على الدجاج والخضار بتحطي كاري بودره
ملح وفلفل اسود

بنحط عالنار طنجرة فيها شوية زيت و بنضيف الثوم ثم البصل مع ملح, بعدين بنضيف الدجاج ورشة
فلفل اسود .. بس يبدا يتغير لون الدجاج بنضيف الخضار .. بعد 10 دقائق بنضيف مكعبات الكاري
أو 2 م ك كاري باودر .. بنحركها شوي و بنغمرها ماء بس ما تطلع الماء عن الخضار ..
بنشوف ازا بدها ملح و بنغليها 15 دقيقة .. بتتقدم مع رز ابيض
و صحتيييييييييييييييييييين يا احلى صبايا !!

شكلها جنان هجرب وارد عليكى
مروة

روان ممكن بليزز تساعدينى أنا عضوة جديدة ولى سؤال لو ممكن تردى على ايه هو الدراسين وهل له اسماء بالمصرى ياريت تردى على احسن فى وصفات كتير حلوة ومش بعرف اعملها بسبب انى ما اعرفشى الدراسين
جزاك الله خيرا وسقاك من زمزم

يا سلام على الهمة لما تيجي...تسلم يداك على الطبق الاكتر من شهي...

جزاك الله كل خير
ويعطيكي العافيه

كتبت بواسطة mero17

شكلها جنان هجرب وارد عليكى
مروة

مشكورة عالمرور يا قمر .. و مستنية تطبيقك
و الدارسين هو القرفة

كتبت بواسطة لبنان وحبايبه

يا سلام على الهمة لما تيجي...تسلم يداك على الطبق الاكتر من شهي...

هههههههههههههه ... الله يسعدك حبيبة قلبي ..
ازا عالهمة دايما موجودة .. بس المشكلة بالفضاوة !
وانا الي أسبوع ما داومت بالشركة ,عشان هيك عم افضى انزل الطبخات
شكرا على ردك يا عمري

كتبت بواسطة سواد العيون

جزاك الله كل خير
ويعطيكي العافيه

الله يجازينا الخير جميعا يا رب ... و يعافي قلبك يا قمر!

يمي يمي
شكلها لذيذه

ايش هالحلاوة يا روان

اكلة كتير شهية وسهلة ان شاء الله اجربها

ولا تنسينا في الاكل الصيني والتايواني كمان ........................نحن في الانتظار

يسلموااااااااااااااااااا