..× طريقة الكبسه ×..

اللحم

تختارين لحم هبر وقطع كبار تناسب للعزايم ...

تسلقين اللحم شوي يعني 10 دقايق
حتى يطلع الوسخ وترمين المويه وتغيرينها بمويه جديده
بعدين تسلقين اللحم مره ثانيه مع بصله مقطعه الى 4

اعواد القرفه... هيل عدل _ مسمار والملح حطيه بعدين اذا حسيتي اللحم صار لين
تقريبا اغلي اللحم من ساعه ونص الى ساعتين
اذا خلص اللحم من الغلي طلعيه ... وحطيه في صينيه بايركس...
صبي عليه تقريبا 3 ملاعق طعام زيت وافركه بالزعفران طبعا يكوووون اصفر يعني منقع له كم يوم
وهيل مطحون وفلفل اسود مطحون وليمون اسود مطحون ... ودخليه الفرن تقريبا لمده ربع ساعه ...
لما تحسينه استوى وصار بنفس اللون الي بالصوره ....

..× طريقة الرز ×..

رز بسمتي تغسلينه مره كويس وتنقعينه بالمويه مع الملح تقريبا نص ساعه حتى يكون ابيض
بعدين عاد تطبخين الرز على موية سلق اللحم ...
ولما تحسين خلاص الرز بدا يستوي تصبين على نص الرز زعفران ,,, يعني يصير الرز مقسوم نصين اصفر وابيض ... وتحطين بوسطه الكشنه وتقفلين عليه بالغطا عشان يتبخر بريحة الكشنه وتصير رحته جناااان...

..×طريقة الكشنه ×..

تحمسين الزيت مع بصل مقطع مربعات صغيره وتحطين عليه هيل فلفل اسود وليمون اسود كله مطحون واذا شقر لونه تحطين حمص انا استخدمت المعلب...


وبالهناء والشفاء

ما شاء الله عليك
طبخه تهوس ان شاء الله باكر بسويها

وتسلمي يا الغاليه
بس ما شي صور في الموضوع

تسلم ايدينك حبيبتي

يا هلا ببنت بلادي وام خالد مروركم عطر صفحة موضوعي واوعدكم ان شاءلله انزلكم اكلات مع صورها وتسلموا

تسلمي يا ورد الجوري

مشكوره على مرورك

مشكورة ورد الجوري

وصفة شهية وفي انتظار الصور يا عسل

تسلمين ياورد الجوري
بس تراك ناسيه الملح في الاكل

مشكوره حبيبتي على الوصفه الطيبه

شكل الكبسة يجنن بيطلع ربي يخليك ويعطيك الف صحة بالمناسبة انا تعجبني الكبسة كثير بس مااعرف اسويها انشالله اتعلمها