مقلوبــة الزهـــرة



هلا مقاديرها عباره عن
(طبختي وممكن تتغير المقادير حسب عدد الاشخاص)

2 دجاج
راسين كبار زهرة او قرنبيط
انا عادة بحط لعيلتي (2 كبار 2 صغار)
3 كوب ونص رز
بس ماما واخي كانوا عندي واخوي ما بحب الزهره
فزدت الرز وحطيت 5 كوب ونص رز
طبعا ملح و بهار
وانا بحط (اللي بعمل نكهتها روعه) م ص مسماراو كبش قرنفل
(مطحون طبعا)
لوز وصنوبر للتزيين

يلا نبدأ بسم الله


طبعا نظفت الدجاج وقطعته كل وحده لنصين وبعدين سلقته وبعد السلق حمرته في الفرن

[/IMG]-[/IMG]

الزهرة قطعتها لقطع متوسطه ... غسلتها وصفيتها وقليتها
(في خلال سلق الدجاج كنت مخلصة كل الزهره)

[/IMG]

قليت الصنوبر واللوز وغسلت الرز ونقعته لمدة ربع ساعة في
ماء دافئة

ما تروحو هلا برجع

هلا التطبيق بالتفصيل مش الممل

هلا انا بحط (للجداد في الطبخ) لكل كوب رز كوب ونص مرقة
ففي الوعاء اللي حطبخ فيه حطيت شوي من المرقة
زيديها ملح وبهار ازا بدها وبعدين حطيت كبش القرنفل المطحون

[/IMG]

صفيت فيها الدجاج ويكون الوجه لتحت وفوقيها الزهره
[/IMG]

اسكبي الرز فوق الكل وزيدي المرقه هلا (نسيت اقول اني زدت شوية كركم عشان اللون)
[/IMG]

انا بخبطها على الارض كم خبطه خفيفه منشان المرقة تتوزع بين الرز
بس ما بهزها عشان الزهره ما تطلع على الوجه (هيك قالتلي ماما)

طبعا حطيت المرقة مغليه فما استنيت عليها علطول غليت وسكرت
عليها لحد ما استوى الرز

** للجداد في الطبخ بتحطي ملعقه راسها لتحت وبتغطيها في الرز وبعدين بترفعيها
وبتشوفي ازا الرز مرطب فيه مرقة لسه بس ازا طلعت ناشفة يعني استوى

وهيك بنقلب الطبخة عشان هيك اسمها مقلوبه .. بنحط الصينية على وجه الحله
وبنقلبها
[/IMG]

هلا زينتها باللوز والصنوبر وعملت سلطه خضرا معاها
[/IMG]
وهاد المنظر النهائي
[/IMG]

وصحتين وهنا يا صبايا

جزاك الله خير اختي على هالطبق الرائع ان شالله راح نجربه ..

الصراااااااااااااحه تقديمك يفتح النفس (((((((((((:

جزاك الله خيرا على الطبق انا اعمل بالباذنجان والبطاطس بيطلع جنان نفس الخطوات تقريبا

جزاك الله خير اختي على هالطبق الرائع ان شالله راح نجربه ..

يسلمووو حبيبتي

تسلم الايادي طبق رائع وشغل مرتب الله يحفظك

روووووووووووعه المقلوبه عزيزتي تسلم ايديك

ممممممممممممممممممممممممممممممممممممممم...الل ه الله على الفن...تسلم الأيادييييييييييييييييييييييييييييييي...

رااااااااائع و الشكل مشهي تسلمي