السلام عليكم يابنات كيف حالكم انشاءالله الجميع
بالف خير هدي اول مشاركة ليا بكتابة اكلة ليبية
انشاءالله تعجبكم هيا الي المقادير
معدنوس وشبت وياريت منه هلبه
قديد سمادينة شوية دقيق وطبعا
حرارات فلفل احمر بزار كسبر كروية
2 ملاعق صلصة الطماطم زيت وملح وفلفل اسود
ناخد المعدنوس والشبت بعد مانقرضهم ونحطهم في صينية
وبعدين ناخد كل المقادير ونخلطهم مع بعض ونديرهم زي الكفتة الكبيرة يعني علي حجم كف اليد وبعدين نجيب الكسكاس ونحطها هيا الاولي
ونحط فوقها الكسكسي وهيا اطيب مع الكسكسي وباعدين نسقي الكسكسي
ونحطها هيا في صينية بروحها جربوها وادعولي طعمها خطير
نستنا في ردودكم علي فكرة اسمها العبودة

شكرا حبيبتي

اهلين ياعمري شكرا علي مرورك الكريم

مشكوره حبيبتي على الوصفه الطيبه جزاك الله كل خير

اهلين ابلة حنان وشكرا علي مرورك الطيب

يسلمووووووووووووووووووووو يا حنا
يسلمها ربي تطيبها قنين ....

شكرا على الوصفة الرائعة كتير