بسم الله الرحمن الرحيم
اخواتي هادي اكلة ليبية واعتقد ان اهل تونس جيراننا يعرفوها
اولا ما هو العسلوز ??
العسلوز هي نبتة عشبية تظهر في بداية للربيع بها زهور صغيرة صفرا تجدينها في اي مرعىاومكان معشب لانها سبحان الله تخرج لوحدا بها رائحة زكية
ملاحظة: ان كنت لا تعرفي هده العشبة ممكن استبدالها بي ورق الكمون الحلو
ااطريقة::
-ناخد العسلوز نعسلة و انقرضة صغير صغير
-ناد الكسكاس و النحط فيه العسلوز
-ناخد الكسسي المغسول ونضعه فوق العسلوز
- وفي المقفول نض ااجزر واماء
- ونضعه في النار
- بعدين ناخد طنجرة وا انحط فيها التالي ::
* زيت ويسخن في النار
* ناخد توم هلبة يعني 2 روؤس كبيرة وتقرض شرائح او يمكن اتقضيها اقل لو ما اتحبوش وجودها في الصحن
طبعا تشكشك في الزيت
* تم نضيف عليها طماطم حكة ممكن ملعقة ونصف طعام
*وفلفل احمر مكن من ربع الى نصف ملعقة على حسب الحرارة
* ونظيف كصبر وكروية ناشفة على راس الملعقة
* وكمون حوت على راس الملعقة
* وشوية ملح وشوية ماء لطبخ لحين ـياب التومة
نطفي اعبيها
- بعدين اكيد الجزر طاب في المقفول نخرجه ونهرسه وبعدين انصبه فوق المرقة اللي في الطنجرة وانخلي النارهادية لحين يطير ماءه لاكن مش كلله لان نبو مرقة للسقو
طبعا اكيد طاب الكسكسي و العسلوز ناحده و نصبه في صحن التقديم تكون غارقة وناخد هان من المرقة و انحبب بيه الكسكسي
- بعدين ناخد ليم قارص و انصب علي الطنجرة الي فيه الجزر وبعدين انصب الصالصة على الكسكسي ونغطيها كلها بالصالصة
ملاحظة:: اليم القارص يكون كتير كتير مكن تلات ليمونات وطبعان نعصر اليم على الكسكسي اتناء التحبي وكدلك في المرقة
ملاحظة2 :: الكسكسي زم ابكون شارب و امحب اكويس منغير السقو اللي فوقه لازم ايكون امبحبح
ملاحظ3 :: اني انزيد في الكصبر و الكلاوية بعد ما اتطيب لصالصة وتمزج مع الجزر لانها تعطي نكهة لذيذية

انا انصحكم تجربوها لانها لذيذة جدا بالنسبة ليليبيا مشهورة جدا في فصل الربيع
ملاحضة4 تاكل سخونة او باردة
ملاحظة5 بدل ما ترمي اعواد الكمون الكثيرة استغليها في هده الاكلة المفيدة و البصيطة جدا
جربوها ولا تندموا ابدا

اخ والله حلوة هلبة هلبة هللللللللبة

تسلم ايدياتك يوخيتي تعرفي ليا يومين
هالكسكسي معشش في راسي وتجي انتي
اليوم وتكتبيه الحمدالله مش حاطة صور كان
هدا لي في بطني طلعو جري حرام عليكم مش عارفيني
حامل وخاطري في كل شي يتعلق بليبيا
وياحنه يعطيك الصحة قبل مش خاشة نشوف
وقلت لي بيصير يصير المهم حتي نشوفه كاني كليته

اخ ياااااااريتك بجنبي كانهدا راني درتهولك لكن هو سهل ديريه بورق الكمون الحلو حتى هو اقنين

نحب نديرو الكسكسي بلطريقه الليبيه هلبه

انشاءالله ياغالية نجربه بالكمون
ياريتك بس بجنبي كان هدا راني في نعمة

والله لو اتجربيها ما رح تندمي مع العلم ايقولو ان الكسكسي ايدر حليب الام

كتبت بواسطة ليبية مغتربة

انشاءالله ياغالية نجربه بالكمون
ياريتك بس بجنبي كان هدا راني في نعمة

ياااااااريت اسمعي كولي الكسكسي لما انشاء الله اتنوضي بالسلامة لانه ايكتر من حليب الام

لا يوخيتي ناقصة سمن بناكل كسكسي لكن نحاول ناكله سلم الفالحة

كتبت بواسطة ليبية مغتربة

لا يوخيتي ناقصة سمن بناكل كسكسي لكن نحاول ناكله سلم الفالحة

هههه ضحكتيني معليش بعدين ديري ريجيم اسمعي تقدري تاكلي الكسكسي بهدي الطريقة :
بوخي الكسكسي وبعدين حطيه في صونية صغيرة وصبي اعليهحليب كرنيش مخفف و طبعا سكر و زهر وكوليه حلو هلبة اسمي ما اتكتريش هلبة حليبلين ايلقلق يادوب ما يشرب اهو حتجةةخفيفة