أنا من يوم ماكنت بنت وأنا أكره الطبيخ ,ممكن أغسل ,أكوي , أمسح ,أنظف ,وأسوي أصعب المهام إلا الطبيخ كان عندي عقدة منه حتى إني كنت خايفة جداً أني أفشل بعد زواجي,الحين أنا متزوجة صار لي سنتين ومازلت على حالي إلا قليلا.
ياريتكم تشجعوي وتعطوني أمل إني ممكن أكون طباخة شاطرة من خلال قصتكم وكيف صرتوا طباخات ماهرات,ماشاء الله عليكم.؟يعني من وين تعلمتوا وإيش اللي شجعكم وهل توجد أساسيات للتعلم وياريت كل واحدة كانت فاشلة مثلي تحكي لنا كيف خربت الدنيافي بداية تعلمها للطبخ وكيف صارت الحين ؟
يلا نبغى نستفيد وندردش

خخخخخخخ
انا تذكرت نفسي لما كنت في بيت أهلي لما أسوي شيء في المطبخ يطردوني إلا الحلى كنت معروفة في العائلة اني اتعلم واتقن الحلى
بعد الزواج طبخت كبسة .. الله ياهي كبسه ... طلعت عجينة وتفشلت من زوجي .. المهم زوجي واهله طباخين مررررررررة .. فعلمني كيف اطبخ الرز وقال انت عندك النت تعلمي منه ومن يومها وانا اطبق قد ماأقدر وانا صراحة اموووووت في الطبيخ يعجبني احسه فن اما بقية شغل البيت متعب
المهم لازم تثابرين على الطبيخ يعني مو من اول سنة او اثنين خلاص .. بالعكس كلما زادت خبرتك في الطبخ وجربتي بيدك تعرفي أسراره ومنتدانا روعه صراحة مليان افكار نيرة
خذي وصفات واعملي منيو كل يوم .. اشتري الاغراض وخبصي الين يطلع مية مية


تحياتي

والله توني تعلمت الطبخ يعني مو مره محترفه ولازم من التخبيص وفيه مره سويت كابلي وطلع لونه اصصفر اخذت الكركم من خالتي وحاطتلي نص كوب وقالتلي حطي شوي وعلى بالي ذا قليل واحطه كله واقلب واقلب (المفروض اني مااقلبه ) لين صار كله اصفر وانا فرحانه احسبه ضبط معي واحطه لزوجي ولما شافه قام يضحك وانا بكيت من القهر بعدين استسلم واكله .

مشكوره والله يساعدنا .

صباح الخير حبيبتي..
انا اشتكي من هالشي
كنت عند اهلي ماأطبخ ويوم تزوجت توهقت
حاول زوجي يعلمني لانه ماشاءالله مهير
بس للاسف ماعنده وقت يعلمني أكثر
انااللحين لي سنتين وطبخي مو قد كذا
لكن زوجي متحملني
وألله أعلم الى متى بيتحمل
لكن ابشرك اعرف كثير كانوا كذا والحمدلله مع الايام
ومع التجارب صاروا احسن
نصيحه اقدمها لي ولك انه تكثري من التجارب بدون خوف وانشاءالله ننجح..
...ok دلووووعتي...