ابي اعرف كيف تسوون المندي بالحم و الدجاج لو سمحتو بليز

والله انا ماعمري سويته بس اعرف طريقته والسبب اني ماسويته هو اني مافظيــــــــــــــــــــــت
المهم هو الذ باللحم
طبعا كمية اللحم اللي تبينها تنسلق
و(المرقه)تطبخين بها الرز وتحطين بهارات مشكله(هيل-قرنفل-قرفه0000)
+السمن تكثرينه شوي عشان يكون الرز ندي مهو ناشف
بعد مايستوي الرز تحلين شوي صبغة زعفران او زعفران بمويه وتصبينه على اجزاء من الرز وليس كله
آآآآآآآآآخر خطوه عشان يكون المندي حقك بنكهة المندي تجيبين جمره بعد ماولعتي عليها تحطين شوي زيت في صحن حديد وتحطين الجمره فيه وتحطينهم في القدر مع الرز عشان ياخذ النكهه وتحكمين اغلاق القدر

وبكذا تكونين طبختي الذ مندي

وارجكي لاتحرميني من دعاكي

اهلا وسهلا بيك عزيزتي
اليك رابط لذيذ ومفيد ان شاء الله
المندي وصل باللحم من مطبخي باالصورღღ ( 1 2)

اشكركم بقوووو

شوفي يا أختي رح أقولك أنا كي أسويه و ان شاء الله يعجبك

المندي بالدجاج
تجيبي الدجاجة بحبتها و تغسليها كويس
و بعدين تحطي عليها البهارات ( ملح فلفل أسود قرفة و أهم شي هرد=كركم و شطة حمرة بودرة)

تكوني ناقعة الأرز قبلها بساعة تقريبا
تصفي الأرز من مويته و تحمري بصلة صغيييييييييرة بس لا تخليها مرة حمرة يعني بس تذبل و حطي الرز عليها و حمصي شوي و آخر شي حطي حبة طماطم صغييييييييييييييرة مقطعة و قلبي شوي
دحين ضعي الأرز في صينية و ضعي عليه ماء ساخن طبعا لا تنسي انك ناقعته فحطي موية أقل من العادة يعني مثلا و كنت مسوية كاستين رز حطي كاسة موية حارة
و غطي الصينية بالقصدير و اعملي فتحات في القصدير فتحات صغيرة وموزعة على الصينية
دحين حطي الدجاجة اللي بهرناها فوق القصدير
و غطي الدجاجة مع الصينية بقصديرة كبيرة
و دخليه الفرن لمدة ساعة أو أكثر

بعد ما يستوي تكوني ولعتي فحمة
سوي قصديرة صغيرة على شكل زبدية و حطي فيها زيت و فص مستكة
بعدين فكي القصديرة الكبيرة شوية و حطي الزبدية فوق القصديرة اللي غطينابها الأرز و اللي عملنا فيها الفتحات
و ارمي الفحمة جوة الزبدية و قفلي القصديرة الكبيرة بسرعة
خليه شوية يتبخر
و عند التقديم عادي حطي الأرزو فوقه الدجاج و بالهناء و العافية

مندي اللحم
و يصلح كمان بالدجاج

تحطي زبدة أو سمن في القدر و حطي معاه فص أو اتنين مستكة
حطي اللحم يتحمر شوي و بعدين حطي عليه موية حارة و كم فص هيل و فلفل أسود غير مطحون و حبتين قرنفل و خليها تغلي لين تستوي اللحمة

في هذه الأثناء حطي في كوب شوية هيل مطحون و ملح ليمون و زعفران مطحون و صبغة زعفران و حطي عليهم موية حارة كده نصف الكوب و خليهم ينقعو لين ما تستوي اللحمه

بعد ما تستوي اللحمة حطيها في صينية و رشي عليها من الموية اللي في الكوب اللي نقعناها و دخليها الفرن

في هذه الأثناء تكوني مغسلة الأرز و تحطيه على موية اللحمة لين يستوي

بعد ما يستوي الرز طلعي اللحم من الفرن و رصيه على الأرز في القدر و رشي من المرقة اللي في الصينية على و جه الرز و بخري القدر بنفس الطريقة زيت و مستكة و فحمه في زبدية

بعد التبخير طلعي اللحم و اغرفي الرز و رصي اللحم فوقه و بالهناء و العافية

أتمنا أكون أفدتك