كانتون

**زمــردة** · 05-03-2007, 02:59 PM

اهلين بنات ابغى اقول لكم سؤال مين تعرف مطعم كانتون

الصيني ،الي راحتله وجربته وتعرف طريقة عمل الدجاج الي فيه تقولي ولها الف الف الف شكررر

.

**زمــردة** · 11-03-2007, 04:48 PM

ليييييييييييييييييش كذا يا بنات

ردو علي يعني بس تشوفون الصفحة وتروحون بدون رد ولا شي

انا ما سألت على الفاضي

عشان تردون علي بأي شي والي ما تعرف تقولي ما تعرف عادي . بس ابغى اي رد . صراحة لي فترة انتظر ردود كل ما اجي الاقيه فاضي.

**ام هباااااش** · 12-03-2007, 01:31 AM

للاسف كنت اتمنى اساعدك لكن ما عندى علم ان شاء الله الاخوات يساعدوك بس شوية طول بال و شكرا

**solafy** · 16-03-2007, 10:18 AM

انا اعرفه يجنن وهو موجود فيصحاري مول وغرناطه

بس الصراحه ماعرف الطريقه

**رندوش** · 16-03-2007, 11:03 AM

كنت عايزه اساعدك بس ما عندي علم بيه اتمنى الصبايا يفيدوكي

**o0o123o0o** · 16-03-2007, 01:46 PM

وااااااااااووووووو على اكلهم ادمنت عليه حتى لقيت طريقة تشبه طريقتهم وبعد احسها الذ

اخذت الطريقة من الأخت أميرة الشوق من عالم حواء الله يجزاها الجنه يااارب اعتمدتها عندي

المقادير :
مقدار من صدور الدجاج ( استخدمت صدور رضوى كرتونة ونص **
نقطع صدور الدجاج مكعبات صغيرررررررة
ونتبلها بـ
ملح وبهارااات مختلفة ( كزبرة , كركم , فلفل أسود , كمون ,,,,,
نتركها شوووي

على بال ما نجهز الزيت للقلي

نغمس قطع الدجاج بالبيض ثم في الدقيق

ثم نضعها في الزيت الحار
ونتركها لحد ما يتغير لونهاااا
نطلعها على ورق ماص للزيت لحد ما نخلص من الكمية كلها

ألحين جاء دور الصوص
نجهز ما يلي :
بصلة مفرومة
ثوم مفروم
بصل أخضر مقطع صغير
جزر مبشور أو مقطع قطع طولية رفيعة
فلفل بارد مقطع قطع طولية رفيعة
كرنب إذا حبيتي

نضعها كلها في شوية زيت زيتون ونشوحها لحد ما يتغير لونها
نبدأ ( بالبصل ثم الثوم ثم البصل الأخضر ,, الجزر ,, وأخيراًالفلفل ابارد

نجهز ألحين 3 ملاعق نشا أبيض ونذوبه في 2 كاس موية
( ترى حسيت 3 ملاعق نشا كثيررررة فثقل الخليط عندي يعني ملعقتين راح تكفي إن شاء الله ...

نضيف له ( ملعقة كاتشاب ,, ملعقة صويا صوص , ملعقة خل أبيض أو اسود حسب الموجود
نخلطهم زين مع بعض ونصبهم على خليط البصل اللي على النار
ونحركهم زييييييييييين لحد ما يثقل الخليط
ولا ننسى نضيف مكعبين ماااااااااااااجي ****

( إذا حسيتي الخليط ثقيل ممكن تضيفي موية

والآن اضيفي قطع الدجاج وحركيها بشويش لحد ما تتجانس المكونات مع بعض
خليها تقريباً عشر دقايق على نار هاااادئة

ثم قدميها مع الرز الصيني أو السلطة الخضراء

**فاطمـــــة** · 19-03-2007, 02:31 PM

تسلم الايااااااااااااااااااااادي

**حواء الشرقيه** · 24-03-2007, 10:03 PM

والله انا اموت في كانتون انا سعوديه في المنطقه الشرقيه وما اعرف مكان غير مجمع الظهران جيان واذا رحت ما افوته

**زمــردة** · 27-03-2007, 10:27 PM

مشكووووووووورة الف الف الف شكرررر على جهودك الراااائع اختي o0o123o0o واكيد انه لذيييييذ مادام انتي قد سويتيه والله يجزاها خير الي عرفتي منها الطريقة ويجزاك..

طبعاً اكيييييد الف شكر للردود الثانية واتمنى اني اذا اي وحدة احتاجت مساعدة اقدر اساعدها وترى عادي لو ما لقيتو الطريقة اهم شي عندي الردود خخخخخخخخخخخ ..
تحيااااااااااااااتي للجميع