منسفة الباذنجان الدمشقية اللذيذة وبالصور طبعا
http://
كيفكم يا حلوات اليوم عم اوفي بوعدي انو كل طبخة رح صورها ونزللكم ياها ان شاء الله وذلك ردا للجميل الذي
قدمه لي هذا المنتدى الراااااائع وهي الطبخة التانية هي اكلة شامية خفيفة وسريعة وطيبة كتير بسم الله نبدا
تابعوا الصور واذا في اي سؤال انا جاهزة مع اني رح اشرح كمان حتى ما تضيعوا
اولا جيبي باذنجان وكتريه شوي حتى لو عيلتك صغيرة لانو حيدوب اغسليه منيح واقطعيه نصفين بدون تقشير
لانو افيد متل الصورة بعدين مكعبات
بعدين قلي اللحمة بالسمنة انا استخدمت سمنة عربي بهالاكلة كتير طيبة وبتناسبها قليها منيح لتستوي مع ملح
وبهارات سورية لونها بني بيجي وكتريهم شوي اطيب وفلفل اسود بس وحركيهم متل الصورة شارحة حالها
بعدين حطي الباذنجان المقطع
وهون بيجي دور اسمها يعني منسفة ممكن بس اول ما تحطيها تحركيها بالملعقة
بس بعدين ابداااااااااااااا لاتحركيها بس امسكي الطنجرة المغطاة من اليدين بشكل محكم وقلبها متل البوشار
حتى ما تنخبص واستنيها لتستوي ما بتطول وهي شكلها بس تطلع قصدي تستوي ههههههههههههه
تقدم مع الزبادي والخبز العربي والمخلل مممممممممم طيبة وممكن لو طلعت فيها شوية مرقة او انت ضفتيلها شوية ماء تقدمي امامها
رز مفلفل والف صحة
وهاد الصحن لاحلى رد ههههههه
واتمنى تعجبكم وتجربوها
مستنية ردودكم ورايكم
سلام
رد مع الاستدلال
الروابط المفضلة