اتوسل اليكن اخواتي المغربيات ان تساعدنني في الطبخ، فرغم محاولاتي العديدة في الاجتهاد فاطباقي ليست شهية بل ليس لها مداق بعد7 سنوات من الطبخ بدون نتيجة، فمن ارادت ان تساعدني تقوم بالاتي جزاها الله كل خير:
بغيت كل وحدة عندها شي اكلة كديرها فدارها ديمة و تيبغيوها وليداتها ولا راجلها، تكتبهالي ، كيف ما كانت
حيت بغيت غير الاكلات العادية الي كانديرها باستمرار ماشي دوك الشهيوات الي كنقراو فكتب الطبخ
حيت مشكلتي مع الطبخ العادي اليومي ماكيجنيج بنين
فالي عندها شي وصفة كديرها كل اسبوع فالغدااو العشا وعارفاها كتجي لديدة تكتبهالي
كيف ما كانت بااللحم بالدجاج بالحوت بالخضرة باي حاجة غير المهم تكون لديدة حيت اللدة الي معنديش فطيابي
نزيد نعطيكم متال باش تعاونوني الله يحن عليكم:
كندير لوليداتي اللحم مبخر و محمر ومجمر والو واش كاينة شي لدة وفاش كيدوقو زعلوك او شلاظة عادية عند شي واحد، تيقولولي على لدة فيها عجيبة
الله يرضي ويحن وينور على كل وحدة جاوبتني

ياهلابك حبيبتي اليك هذا الرابط ان شاءالله يفيدك
http://www.lakii.com/vb/showthread.php?t=234797

اهلا اختي
انا كنت مثلك تماما والان و الحمد لله اصبحت اطبخ جيدا وذلك بالاستعانة بالله ورضا الوالدين..
سوف اكتب لك الاطباق اليومية التي اطبخها من اللحم والدجاج و السمك اطباق بسيطة واتمنى ان تساعدك.
اللحم.
اللحم بلاريكو.
خودي الكوكوط ديري فيها اللحم مع القليل من الماء وشعلي البوطة ثم اضيفي العطرية .شوية ديال اليبزار وشوية ديال سكين جبير و الزعفران والملح والزيت حسب كمية اللحم وخلطي مزيان ثم اضيفي بصلة مشلظة غليظة والثوم مدقوق مع التشحار ثم اضيفي مطيشة مشلظة ثم الماء الكافي وشدي الكوكوط لمدة 40 حتى 45 دقيقة ثم افتحي ثم اضيفي لاريكو المصلوقة قليلا باش تزول منها الريحةثم شدي الكوكوط باش طيب مزيان وفتحي عليها وتاكدي ان تكون مقلية شوية ثم اضيفي المعدنوس مقطع وبالصحة والعافية.
اللحم بالشيفلور.
ضعي اللحم في الكوكوط ثم العطرية الابزار وسكين جبير والزعفران و الزيت مع القليل من الماء باش يتشحر مزيان ثم بصلة مشلظة رقيقة والثومة مع التشحار ثم اضيفي الماء الكافي وخليه يطيب .خودي الشيفلور صلقيه شوية ثم زيديه على اللحم وحكي مطيشة وزيديها عليه وشدي عاوتاني مني يطيب حطي معاه الحامض.بالصحة والعافية.
سوف اكمل الباقي لاحقا

جزاك الله كل خير عزيزتي وكل الشكر لك

شوفي تيناف ان شاء الله مرة مرة ندخل نكتب ليك شي حاجة

تكون بسيطة و زوينة و اهم شي مفيدة و يا ربي تعجيب وليداتك و راجلك

و بغيت نقول ليك الطبخ كيبغي شوية الزعامة و شوية ليقامة و بزااف الحب خخخخخ

اليوم غاد نعطيك وصفة سااااااهلة>>>>حيت مغديري والو غير تشعلي البوطة

جيبي السردين>>>>شي 2 كيلو و يكون صغير و جديد مهم يكون جديد

تغسليه بلاما تنقيه ماتحيديلو لا راس لا قشور

خودي لاطة فرشي فيها بكية الملح و ستفي السردين و غطيه ببكية الملح

خشيه في الفران سخون و خليه تات حسي راه طاب>>>>غاد تشمي الريحة و الملح تكون تحمرت

هاد الاكلة اغلبية ديال السبت خخخخخ>>>>>ايه مات ديريه في الفرن حتى يقرب الغدا باش غير تجبديه
و تجمعو على اللاطة>>>>>>غاد تزولي الملح و غير تبداو تاكلوه القشرة غاد تحيد كاملة و تبقا الهبرة

مع هاد اللاطة غاد تسيابي شلادة>>>>جبي زوج خيزو+مطيشة+لفتة+خص+شويةملفوف+بصلة صغيرة او بصلة خضارية هديك الطويلة+بطاطا مسلوقة+بربا مسلوقة(بطبيعة الحال غاد تسلقي شوية و ديريه في الثلاجة و خذي منه وحدة)+اشنو مزال من خضرة تاتكاك خضرا ديريها>>>>>غاد تقطعيهم رقااق و طوال
و تغلطيهم في طاوة>>>>>في زلافة صغيرة ديري شوية الملح زيدي خل او حامض باش تدوب+زيت+مايونيز+كامون+شوية بزار غير شوية خلطيهم و خلطي بيهم شلادة حتى تبغي تحطيها
هاد شلادة راه تزيدي فيها لي بغيتي و تنقصي لي بغيتي>>>تزيدي ربيع تزيدي زبيب مرطب تزيدي بيض مسلوق او كاشير لي بغيتي>>>>>ايوا يا ربي تعجبك

ان شاء الله نرجع نكتب ليك طاجين

ياريت ياأخوات تكتبوا لها بالعربي الفصيح لكي نستفيد معها لأن اللهجه المغربيه صعبه علينا وجزاكم الله خير الجزاء

كتبت بواسطة دروره

ياريت ياأخوات تكتبوا لها بالعربي الفصيح لكي نستفيد معها لأن اللهجه المغربيه صعبه علينا وجزاكم الله خير الجزاء

نفس الرد

و الله اسفة ان شاء الله المرية الجاية

ام سو سوري

اهلا اختي
ساكمل لكي ما اعرف واتمنى ان يعجبك وسف اكتب باللغة العربية لتعم الفائدة.
اللحم.
اللحم بالخرشوف.
ناتي بطنجرة الضغط او الكوكوط نضع اللحم ثم التوابل الابزار وسكين جبير او الزنجبيل و الزعفران والملح و الزيت الافضل زيت الزيتون او مخلط مع القليل من الماء لكي تتشحر هذه المقادير ثم نضيف بصلة مقطعة رقيقة و الثوم كدلك ثم الماء الكافي ثم نحضر الخرشوف وينقى ويقطع مستطيلات صغيرة طولها لا يتعدى 8 سنتمتر ثم نضيفها مع اللحم مباشرة ويترك للطهي مدة40 الى 45 دقيقة.بالصحة والعافية.
اللحم تفاية باللوز والبيض.
نضع اللحم في الطنجرة نضع التوابل الابزار وسكين جبير او الزنجبيل و الزعفران الملح الزيت و البصل المفروم بصلتان ثم ناتي بورق القصبرة مربوطة بخيط وتوضع مع اللحم ثم نضيف الماء وتترك تضهى ويجب ان تكون الرق قليلة ثم نزينها باللوز المحمر والبيض الملوق المقطع في النصف.بالصحة والعافية.
كباب مغدور.
في طنجرة نضع قطع لحم مقطة مكعبات صغيرة اللحم بدون عضم ثم التوابل الابزار والزعفران والفلفة الحمراء المدقوقة و الزيت والسمن البلدي الملح ثم الماء ويترك يطهى جيدا عند النضج نضيف البقدونس والقصبرة مقطعين.بالصحة والعافية.
الدجاج.
الدجاج مشرمل.
في طنجرة نضع الدجاج ثم نضيف التوابل الابزار وسكين جبير او الزنجبيل والزعفران وفلفلة حمرة وهذه نوع من الملون يعطي لون احمر الملح الزيت والسمن البلدي فقط القليل بصلة مفرومة كبيرة والثوم كذلك والماء وتترك تطهى وعند التقديم يجب ان يكون الرق قليلا ويحمر الدجاج في الفرن ويقدم مع الرق الخاثر.بالصحة والعافية .
دجاج مبخرالشعرية الصينية.
ناخد الشعرية الصينية وتصلق في الماء حتى تنفك ثم تصفى .ناتي بالبقدونس و القصبرة طرية والثوم ويقطع الجميع ثم تدق مع الملح وتوضع في اناء يضاف اليها الابزار القليل من الزعفران والفلفل الاحمر المدقوق ومكعب الماجي وهنا يجب الحدر من الملح ثم زيتون مقطع والليمون المخلل او المصير وتضاف الشعرية المقطعة كذلك وتخلط جيدا وتعمر بها الجاجة وتوضع لتتبخر يغني الماء تحت والدجاج فوق .وتقدم مع ورق الخص.بالصحة والعافية.
وساضيف اطباق اخرى لاحقا. واتمنى ان يفهم الجميع كلامي.

عندي بزاف دالاكلات ولكن الاخوات سبقوني
الله يكثر خيرهم
عندك الشعرية دالسفة
هي الشعرية الرقيقة
هادي كتسقيها بحال كسكسو
1
كتديري* الحمص اللي بيتي فالماء*
خيزو
البصلة
الربيع*المعدنوس والقزبور*
واللحم الى بغيتي والى مبغتيش بلاش
والعطرية*ابزار وملح والتحميرة والزعفران*
كتقلي كلشي وتزيدي الماء وتقفلي عليها وخليها تطيب

2
كتديري الماء فالكسكوسة
كتجيبي الشعرية وخلطيها مع شوي دالزيت
من بعد حطيها فوق الكسكاس حتى تتفور شوي
كتنزليها فشي طبصيل كبير وتكبي عليها كاس دالماء فيه الملح
حركيها بيدك ورجعيها للكسكاس تطيب
عاودي نزليها وديري الماء ورجعيها تطيب
فالخر حطيها فشي طبصيل وسقيها بالمرقة ديال الحمص
او بالصحة


والله الى كتطلع بنينة
انا صدقات ليا من اول تجربة
والى وحلتي فشي حاجة يمكن تسوليني ونجاوبك
وباقي غادي نرجع نجيب ليك حاجات اخرين