انا اشتريت قدر الضغط جديد ومالي خبرة في استعماله واود مساعدتي في كيفية استعماله

هلا حبيبتي
ارد على سؤالج اقولج مثلا اذا حبيتي تسوين مثلا صالونه تحطين كل شي في القدر مع الماء مع البهارات مع الخضار يعني كل مقادير الصالونه بدون استثناء وبعدين تسكرين القدر جيدا يعني رصيه زين وبعدين تحطينة على النار .. المكان الي يظهر منه البخار فيه اتجاهين واحد يخلي البخار داخل والثاني يطلعة برع انتي بتشوفينة مرسوم عليه مثل صورة القدر مسكر يعني طبخ المهم وقت ما تحطين الصالونه على النار تحطين على الطبخ يعني الي يخلي البخار داخل طبعا تتريين لين ما يظهر صوت في القدر مثل الصواي من اول ما يظهر الصوت تعرفين ان الاكل بدا ينطبخ وتحسبين الوقت مثلا عن خبرتي اللحم يبا 45 دقيقة والدجاج 30 دقيقة بعد ما ينتهي الوقت تطفين النار وتترين 5دقايق وبعدين تفتحين مكان البخار تحطينه شوي شوي في الاتجاه الثاني بتلاحظين انه البخار يظهر لا تخافين عادي شوي وبيوقف (لازم تتأكدين انا البخار ظهر قبل لا تفتحين القدر ) وبعدين عادي افتحي القدر بالعافية .. وانتي بعد اقري النشرة الي مع القدر عشان تعرفين اكثر شو اقصد
والسموحة

اهلا عزيزتي شوا
مبروك قدر الضغط اولا ثانيا عزيزتي الكتيب اللي مع القدر يوضح طريقة الاستخدام
يعني اذا كان لحمه ما تعبي القدر الا نص القدر من الماء وتتركيه حتى الصافره تعلوا صوتها
ثم نقلل النار عنه مدة عشر دقائق ويطفى النار ويترك حتى تبرد قليلا ويفتح القدر
اما باقي الاطباق حسب نوع القدر وبعض الاخوات واضعين طرق طهي بقدر الضغط متل
الاخت ام رورو دائما تستخدم قدر الضغط

قدور الضغط من الأواني المهمة التي ينبغي ألا يخلو منها منزلك؛ لأنها تسهل مهمة ربة الدار. وهي ـ إذا استثنينا الغطاء الخاص بها ـ عبارة عن قدر سميك الجدران، حتى يتحمل الضغط العالي الذي سوف يتعرض له أثناء الطهي. ويمكن استعمالها مع أي غطاء عادي كقدر عادي، وفي هذه الحالة لن ترتفع درجة حرارة محتوياتها عن مئة درجة مئوية.
أما في حالة استعمال الغطاء فهو جزء مهم جدا في قدور الضغط؛ لأنه يحكم قفلها إحكاما تاما، فيحبس البخار داخلها، وبفعل ضغط البخار المتزايد ترتفع درجة حرارة المحتويات حتى تصل إلى 110 إلى 125 درجة مئوية، وبارتفاع درجة الحرارة تقل المدة اللازمة لنضج الطعام.
والسؤال الآن: هل تفقد الأطعمة قيمتها الغذائية عند طهيها في قدور الضغط؟!
والجواب: أعلن علماء في فرنسا وغيرها أن نسبة الفقد في فيتامين ج ـ وهو أكثر الفيتامينات تأثرا بعملية الأكسدة وبالحرارة ـ توازي 27.8% في حالة الطهي في قدور الضغط. بينما تصل في حالة الطهي بالطرق المعتادة إلى 33.6% في حالة الطهي بالطرق المعتادة. وإلى 48.7% في حالة التسبيك البطيء للأطعمة.
كذلك فإن الأطعمة المطهية في قدور الضغط تكون معقمة؛ لأن الحرارة المرتفعة تقضي على البكتيريا.
وسؤال آخر قد يتبادر إلى الذهن طرحه، وهو: هل تفقد الأطعمة في قدور الضغط طعمها ونكهتها؟
والجواب: إن الأطعمة يكون طعمها أفضل؛ لأنها لا تستغرق وقتا طويلا في الطهي، وكمية السائل تكون قليلة، وذلك يؤدي إلى احتفاظ الأطعمة بنكهتها.
مدة طهي اللحم في قدر الضغط 45 دقيقه (الماء لمنتصف القدر ويغطى وترفع النار حتى ظهور صوت الصفاره تهدا النار)
الدجاج 15 دقيقه
الارز 15 دقيقه
الحمص والبليله 30 دقيقه
تحذير هاااااااااااااااااااااااام
لا يفتح القدر فورا يكون خطر جدا وينفجر ما بداخله يكون حار جدا ويسبب الاحتراق يجب ازالة الصفاره والانتظار حتى خروج الهواء او وضع القدر تحت ماء الصنبور البارد بعد ازالة الصفاره ثم يفتح بهدوء

السلام عليكم ورحمة الله وبركاته
اظن ان الأخوات ماقصرو وأنصحك باتباع الكتيب الخاص
والطريقة باخدتصار انك ترفعي النار حتى يطلع صوت الصفارة ثم توطي على اضعف شيء وبعدين تحسبي الوقت
اللحم 10الى 15 دقائق
الدجاج 8 الى 10 دقائق
عموما لما تتعودي عليه ماراح تعرفي تطبخي بدونه
عمتي طبخت فيه حتى الشعيريه
ومرة اخوي طلب بيض مسلوق راح يجيب الصامولي من البقاله على ماوصل حصل البيض عالسفرة
اختراع بيض مسلوق في قدر الضغط في أقل من 5 دقائق
بس ماانصحك تسوي الرز أو حركات أمي وعمتي لأنهم خبيرات القدر عندهم من أكثر من 30 سنة ماشاء الله عليهم وانا جربت الورق عنب فيه وضبط روعة طلع