من منا مر عليها يوم من غير أن تسأل نفسها أو زوجها أو أولادها: ماذا نطبخ اليوم؟؟
فكرتي بسيطة، بدلاً من أن نسأل ولا أحد يجيبنا، سنسأل هنا. ما أقصده أننا سنكتب كل يوم ما طبخناه في هذا اليوم. وبهذه الطريقة، في بداية يومك ادخلي هنا لتحصلي على أفكار من الأخوات المشتركات. وتتشجعي للطبخ. إما أن تكتبي إسم الطبخة فقط إذا كانت معتادة، أو تكتبي اسمها وطريقتها باختصار، أو تضعي الرابط المكتوب به الطريقة أو طريقة مشابهة.
سأبدأ أنا. طبخت اليوم دجاج بالبطاطا في الفرن. وهي عبارة عن:
- دجاجة مقطعة/ 5-6 حبات بطاطا متوسطين الحجم مشرحين أصابع سميكة/ كمشة كزبرة خضراء/ 6-7 فصوص ثوم مدقوق/ بهارات / كوب حامض.
- خلطت الكزبرة والثوم والبهارات والحامض
- سخنت الفرن على 400
- شقشقت الدجاج وأدخلت الخليط ثم فركت الدجاج بالخليط
- وضعت الدجاج والبطاطا في صينية الفرن، ورشيت على الوجه ملح، فلفل، بابريكا، اوريجانو.
- أضفت قليل من الماء في الصينية حتى ما ينشف الدجاج
- وضعت الصينية في الفرن حوالي ساعة وثلث.
وصحتين.
يالله استرياس، قوليلي شو طبختي اليوم أو شو راح تطبخي بكرة.
يالله ياريت الكل يشارك.
أنا جربت هذه الفكرة من مدة مع صديقتي شهدحياتي، وكانت فكرة روعة، لأننا كل يوم نوخذ أفكار من بعض شو نطبخ اليوم أو اليوم اللي بعده.

يا اهلين بايمان

شو ها لطبخة الحلوة يا ايمان ولا الفكرة الاحلى

اليوم انا عملت ملفوف بس عن جد اليوم طلع اطيب من كل مرة

وهي الوصلة

http://www.lakii.com/vb/showthread.p...threadid=17913

واليوم طلعت اطيب لاني حطيت دبس الرمان ليس تمر هندي
شو رايك ايمان خانم

ريته صحتييييييييييييييين يارب.
أنا ما في شي بالدنيا بحبه قد الملفوف. ببلد زوجي بيعملوه بدبس الرمان دائماً، وبيطلع طيب، لكن أنا ما بعمل شيء بدبس الرمان. وللأسف زوجي ما بيحب الملفوف أبداً ولا بيحب أي شيء بالدبس. لما بروح عند أهلي بطلب من أمي أول شيء الملفوف، لأنه صراحة ما في شيء بيعلى على ملفوفات أمي.

صحيح والله يا إيمان ملفوفات إمك طيبات ،،بالنسبة لإلي ما طبخت شئ اليوم ،،بس بكره راح أعمل باذنجان محشي وجنبه سلطه وصحتين على قلبكم

انت ذقتيهم والا أخوكِ قال لك
تسلمي سينو. أنا ان شاء الله رح أعمل شوارما، أو مسقعة باذنجان على طريقة بلد زوجي، بيسموها طاجن، مش طاجن مثل عنا بالسمك، هاي غير. بكرة ان شاء الله بقلكم شو عملت.

اليوم يا ايمان باذن الله عاملة منزلة باذنجان

وهذه وصلتها

http://www.lakii.com/vb/showthread.p...threadid=17370

أمووووونة فكرة بصراحة حلوة كتير .....

أنا اليوم طابخة كبسة سعودية ....

على فكرة , أنا حتى ما ادخل متاهة التفكير بطبخة اليوم , كاتبة على ورقة كل الطبخات اللي بعملهم , ومعلقاها على التلاجة , وببساطة بروح بتطلع بالورقة وبحدد شو أطبخ , وأحيان حتى أريح نفسي أكتر من التفكير , بجيب ورقة تانية وبحدد كل الأسبوع شو بدي أطبخ كل يوم بيومه , وإذا بدي مواد مو متوفرة بجيبها من اول الأسبوع ,

بس فكرتك حلوة كتير وبنتعلم من بعض اكتر إن شاء الله بكتبلكم شو بطبخ بإذن الله ....

صحتين يا استرياس وقطر الندى.
تشوف أنا بما اني عندي أغراض الباذنجان، يمكن أعملها.
قطر الندى، فكرتك كثير ممتازة، بس أنا ما أعتقد اني رح أتقيد فيها. رح أجربها شي أسبوع، وأشوف اذا بتسهل علي التفكير.

يالله وينكم.
أنا اليوم طبخت طبخة من بلد زوجي اسمها طاجن. وهي مثل المسقعة عنا لكن على أبسط بكثير.
باذنجانة مقطعة مكعبات/ نصف باوند لحمة مقطعة صغير/ حبتين بطاطا متوسطين ومقطعين مكعبات/ بصلة كبيرة/ علبة بندورة متوسطة مقطعة مكعبات أو 4 حبات بندورة ناضجين منيح وحمر مقطعين مكعبات، حوالي كوب ونصف / بهارات.

اقلي البصل، أضيفي اللحم، بعد ما يتغير لون اللحم أضيفي البطاطا وقلبيهم ثم الباذنجان ثم البندورة. أضيفي ملح وفلفل أسود وبهارات مشكلة، قلبيهم. غطي الطنجرة وقلبيهم كل شوي. يعني بتوخد حوالي نصف ساعة.

وعملت كمان فطائر جبنة بالزعتر.

اليوم أنا طابخة فاصوليا خضرا ........