السلام عليكن يا اخواتي في المنتدي
النهارده جايبلكم كفتة خفيفة وتصلح لمتبعي الرجيم واصحاب ذوي الكلسترول او الدهون
المقادير:
نص كيلو لحم مفروم
بصله مفرومة...يا ريت تكون ناعمه قوي خاصه في الكفته عشان متظهرش في الشكل بتاعها
بهارات لحمة اي نوع_ قليل من الملح والفلفل الاسمر يعني علي طرف الملعقة الطعام
الاكثر استخدام الكمون مخلوط بالملح تقريبا نص ملعقه كبيرة .....ودا حسب ما تدوقيها علي طرف
لسانك وتشوفيها هيه محتاجه كفايه ولا لا
وحدتين ثوم مفرومين .......ودا حسب الرغبة
من كوب ونص او كوبين بقسماط......زي العيش الناشف ومطحون عشان يمسك اللحمة......وطبعا
هيختلف من حيث نوعية البقسماط اللي هتستخدميه
الطريقة:
في اناء بلاستيك نفرغ كيس اللحم المفروم ونضع عليه كل المقادير بالترتيب
ونخلط جيدا
لحين تتكون عجينة لحم متماسكة يسهل تصبيعها
وفي طاسة نضع بها القليل من الزيت زي نص ملعقه كبيره طعام زيت وترص صوابع الكفته نية في الطاسة
وعلي البوتجاز نعلي النار اول ما نضعهالحين نسمع صوت عالي وبدات الكفته تجيب ميه قليله
نضع كوب ماء بحيث يغطي الكفتة النية وياريت يكون بحرص علي جنب مش فوقيها علي طول عشان
متتبهدلش
ولحين تستوي خلال نص ساعه او ساعه الاربع وتنشف الميه نعلي النار ونشوح الكفته عالسريع لكي تاخد لون كانها مشوية
وبعد ما تخلصي تكوني مجهزي فحمة ساخنه حطاها علي فويل المونيوم وتضعيها في نص الطاسه او اي جزء وضعي عليها نقطتين زيت هتطلع دخان في الطاسه تقفلي بغطا عشان الكفته تاخد ريحه الفحم لبضع ثواني
والفحم دا اختياري ....بس بيدي ريحه حلوه للكفتة
وتقدم في طبق ساخنة مع سلطة طحينة
واي سؤال انا موجودة
وصحتين علي قلبكم
الروابط المفضلة