المنتوا الكذاب تخبل عليه زووووووووووجي
حياكم اخواتي
حبيت اخبركم طريقتي في عمل المنتو الكذاب
جاتنا وحدة من قرايبنا وجابة معاها المنتو الكذاب
بس نكهة اللحم ماهي زي نكهة المنتوا اللي نشترية
من المطاعم
قمت اليوم الثاني شجعت نفسي
وقلت بحاولاسويه بنكهة المطاعم
المهم
جبت رقاق السنبوسة اللي من المخابز
وقطعت بصلك كبيرة
فرمت راسين ثوم
ولحم مفروم طازج
ملعقة فلفل اسود مطحون
ملعقه كمون مطحون
ملح
مقادير الصلصه
2طماطم
شويه مويه(عشان تساعدالطماطم على انه ينخلط)
ذرة ملح
ااخر مقادير هي
ملعقتين جنه سائله
ملعقه ونصف مايونيز
علبة قشطه
نخلطها بالملعقة حتى تتجانس
ونسكبها على وجه المنتو بعد استوائه(التفاصيل في الطريقه)
الطريقه
سخنت الزيت ووضعت نصف البصل(مقطع الى مربعات صغييييره) لين يذبل
بعدين الثوم لين تطلع ريحته
ومن اللحم وتحطي البهارات
لييييييييييييييين ينضج
نصف البصله الاخر تقطعينه حلقاااااااات
وتفرشيه على الصينيه(حاولي يكون البصل مغطي قاع الصينيه)
نطلع الرقاق وتقطعيه الى نصفين
وتحشينها باللحمه
وتلفيها على شكل اصابع
نرجع للخلاط
ونحط مقادير الصلصه(الطماطم المويه وذرة ملح وحطي بهار خفيف) لين تنخلط زين
ونسكبها على اصابع المنتوا
ونغطي الصينيه بالقصدير
وندخلها الفرن حول ربع ساعه او20دقيقة
لين ينضج الرقاق ويكون شكل الرقاق نفس
المنتوا حق المطاعم بس الاختلاف في انه ذا اصابع
ونفتح القصدير ونرجعه الفرن لين تنشف الصلصه(نشغل الفرن من تحت)
والنهايه
نخرج الصينيه ونسكب عليها الخليط(الجبنة والقشطو والمايونيز)
وندخلها الفرن لين يحمر وجهها
وبالهنا والعافيه
والله اول مررررررة جربته وضبط بدرجه زوجي بغى يتهبلعليه
وقال انه طعمه احلى من حق المطعم
ويا اخواتي شهادتي صااادقه وربي طلعت نكهته زي حق المطعم بالضبببببببببببط الفرق انه المنتوا الكذاب نحط خلطه على وجهه
جربوها وماراح تندمون واللي تجربها تخبرني وتخبر الاخوات
تحياتي
ملاحظه المقادير حسب صينيه صغيره
ملعقة البهار ملعقة شاي
ملعقة الجبن والمايونيز ملعقة اكل
رد مع الاستدلال
الروابط المفضلة