السلام عليكم
عيدكم مبارك وكل سنه وانتم بخير

ابسألكم عن طرق عمل المحاشي وطريقه محشي ورق العنب ايش الافضل اسويها باللحمه او بدون
انا افكر اسوي محشي فليفله وبصل وبطاطا وورق عنب؟
شرايكم اسويهم مع بعض بقدر واحد ينفع
وايش الحشوات المفضله لهم؟ مع العلم ان الارز اللي متوفر معي بسمتي لانه ماحب انواع الارز الثانيه بحسها ثقيله
اتمنى تساعدوني

هلا بك عزيزتي اليك هذه الروابط http://www.lakii.com/vb/showthread.php? t=202949&highlight=%C7%E1%E3%CD%C7%D4%ED

http://www.lakii.com/vb/showthread.p...E3%CD%C7%D4%ED

وعزيزتي هذه طريقتي اعمل حشوة الفليفله اذا كان باللحم اخلط لحم مفروم مع ارز وابهره بفلفل اسود ودارسين وبهار حلوواضيف شوية زيت اكل
واذا كان بالزيت كيلو الفليفله افرمي له بصلتان متوسطتان وثلاث طماطات مفرومه وثلاث باقات بقدوننس مفرومه ونصف كوب ارز مصري وممكن تستعملين البسمتي بس يكون المقدار اقل لان البسمتي لما نطبخه يكبر
كوب زيت الزيتون رشة فلفل اسود ورشة بهار وعصير ثلاث ليمونات حامضه وتخلط المقادير كلها ويحشى الفلفل.
بالنسبه لورق العنب جربي بالزيت لذيذ جدا خذي لنصف كيلو ورق عنب اربع باقات بقدونس مفرومه وبصلتان مفرومتان وباقة نعناع مفروم وثلاث طماطات كبيره مفرومه وكوب وربع زيت الزيتون ورشة بهار حلو وعصير ليمونتين حامضتين واحشي ورق العنب وبعد ما تخلص الحشوه يتبقى العصير مع الزيت صبيه على ورق العنب وهو في القدر.
اما بالنسبه للبطاطس والبصل ما جربت احشيهم بتحصلين على طريقة حشيهم من الروابط ارجو يا عزيزتي اكون افدتك

اختي عفوا
مافهمت وش قصدك بالزيت؟

حبيبتي امي اليمن اقصد زيت الزيتون

هلا فيك اختي ومعليش تعبتك معاي
انا قصدي بالزيت في عبارتك (بالنسبه لورق العنب جربي بالزيت لذيذ جدا)
قصدي انه بدل الصلصه في نضجها تحطي زيت ولا كيف؟

حاضره لك حبيبتي نعم اقصد بزيت الزيتون مااطبخه على الصلصه ضعي شرائح البطاطس في قاع القدر وصبي على البطاطس شوية زيت الزيتون وبعدين صفي ورق العنب بعد ما تخلص الكميه رصيه بصحن حتى ما يفتح الورق معاك وصبي ماء حار بحيث يغطي ورق العنب الاول خليه على نار عاديه ولما يغلي الماء خففي النار من على ورق العنب وخليه يطبخ على نار هادئه وطبعا مغطى وعلى فكره حبيبتي لما تخلص الحشوه انتي بتشوفين ماء الطماطم والليمون والزيت صبيه على ورق العنب
ان شاء عزيزتي اكون وضحت لك واي سؤال انا حاضره لك وخبريني بالنتيجه

هلا فيك والله ماقصرتي الله يوفقك ويسعدك ياااارب
انا اللحين سويت محشي فليفله وفلفل حار وبطاطس وطماطم وبصل مع بعض وورق العنب ماكان عندي وقت اسويه جهزت حشوته لكن ولدي الله يهديه مابيخليني اسوي شي
المهم طلع رهيييييييييب وان شاء الله اذا لقيت فرصه بحط الصور اما عن المقادير فخبصت فيها لكن طلع حلووو
وان شاء الله اجرب ورق العنب عما قريب
العفو تعبتك معي

حاضره لك عزيزتي في اي سؤال