المشاركة الرابعة
مجبوس دياي ....
من مطبخ قلب الامارات ....
المقادير ..
ديايه مقطعه 8 قطع ..
جيلة عيش مغسول ومودن ...
بصلتين وثوم وزنجبيل مطحون ..
بزار مخلوط او كاري ..
ملعقه ونص ملح ..
بطاط حسب الرغبه ...
ماي ....
الطريقة ..
نغسل الديايه ونبهرها شويه ونحمرها ونتركها ..
نحمر البصل ونحط عليه الثوم والزنجبيل المطحون والبهارات
الصحيحه ،، ونخليه شوي بعدين نحط عليه الطماط والبطاط والبهارات
الباجيه والملح ونخليه لين يذوب الطماط ويتحمر البطاط..
بعد ما يذوب الطماط نحطي عليه الدياي ونخليه شويه بعدين نصب
عليه الماي تقريبا دبة مسافي الكبيره ..ونسكر الجدر لين مايستوي
الدياي والبطاط ...
بعد مايستوي الدياي والبطاط نحط عليه العيش وندخله الفرن
حتى يجف الماي عنه ،، وهذا بعد ماطلعناه من الفرن ..
وهذا صحنا بعد ماجهز ،، ممكن نحط معاه دقوس البيت ،، وعليكم بالعافيه ...
تقبلوا تحية
الروابط المفضلة