بصراحة انا كنت اشتري علب الفول والحمص من الجمعية جاهزه

بس ماما كانت دايما تجيب الحمص حب وهي تقعو وتغلي ليستو ولما تسو يطلع الطعم الذذذذذذذذذذذذذذذذ بكثير من ما لما نجيب علب ونعملو بالبيت.

وكان الفول الأسود نفس الشي .

من شي اسبوع جبت كيس حمص وفول ونقتهم ليومين كل يوم اغير المي وبعدين ستويتو .

صحيح اخذ مني وقت لستوى بس صدقوني لما بسو الفول او الحمص شي رائع والطعم والله كثير لذيذ.

السؤال ؟

هل هناك طريق سهلة لسلق كل من الحمص أو الفول . وشو بينحط بالماء تبع السلق.

انا عندي طنجرة الضغط كليبسو ممكن اسوي فيها .

اللي عندها جواب تخبرني .

وشكرا

اختي الكريمة

انا بصراحة اضع مع السلق بعد ان تغلي الماء شوية بيكربونات الصوديوم فيه ناس بيقولوا انها مضرة
ولكن لم اقتنع

واهم شيئ وقت السلق ان لاتضعي الملح ايضا قبل ان تبدء الماء بالغليان لان ذالك سيؤدي الى تاخير المدة بالسلق
طنجرة الضغط لا تنفع مع الحمص والفول لانه تعمل على تفتيته ولا يبقى صحيحا

اخير اذابدك ماتحطي بيكربونات مع السلق يمكنك اضافتها الى ماء النقع يعني تنفعي الفول والحمص وتضعي لهم رشة بيكربونات وعند السلق تغسليهم وتسلقيهم

والله فكرة حكاية نقعهم مع شوية بيكربونات .

ان شاء الله رح اجربها بس لما تخلص الكمية اللي عندي

شكرا كثير استرلز .

بصراحه انا ما بستعمل بيكربونات لا للحمص ولا للفول
وبعدين بعمل الحمص والفول باطنجرة الضغط لانها كتيييير كويسة للسلق وسريعه وما بتاخد وقت كتير بس من 5 الى 8 دقائق فقط حتى يصير الحمص او الفول.....

عزيزتي استراس ليش مابتنفع بالعكس كتير كويسة انا معك انو بتعمل على تفتيته ولا يبقى صحيحا ....هي بس اذا ضل الحمص او الفول على النار مدة طوييييييلة ....

شوووووووو استعملها ولا ؟؟؟؟

طيب شوفو لأن انتو التنتين موضع ثقه فأنا رح اسوي الطريقتين .

بس بليييييييز استنو علي بس اخلص الكياس المفرزه عندي .

وبعدها رح اسوي الحمص بالضغط والفول منقوع مع البيكربونات قبل ما اغلييييي .

كيفني معكم .

روز

استعملهااااااا عزيزتي
مو بس للحمص في عندك كتير اشياء ...متل اللحم والدجاج ورق العنب ممتاز بيطلع فيها ...الشوربة متل العدس ممممممممم ووووو.....
على فكرة حتى المفرزه عندك بتقدري تسلقها ايضا باطنجرة الضغط...بس لا تخليها على النار مدة طويلة من 5 الى 8 دقائق فقط
بصراحه أنا أطبخ المحاشي بأنواعها فيها 25 دقيقة
محشي ورق العنب أيضاًمن 10-15 دقيقة
سلق الدجاج كمان نفس طريقة اللحمة لازم ترفعي الريم وأتغلقي القدر....
شوربة العدس من 6- 7 دقائق
سلق الذرة 15 دقيقة

سارة باين عليكي عندك خلفية كبيرة في استخدام الضغط.

طيب فيكي تقوليلي طبخات مختلفي كم وقت بتاخذ في الضغط لتستوي ، يعني الجاج كم وقت ليستوي ، اللحمي ، الرز ، البقول عامة ، ورق العنب ، المحاشي هيك شي الل بتقدري علي .

بس اذكريلي كم وقت بتاخد لأني بصراحة جبتها وهيها بتسمع حسك بالكرتوني لسا ما عملت شي فيها . ياللى يا حبيبتي همتك معانا .

روز

طيب عزيزتي بالكرتوني مافي معها كتيب صغير؟؟؟؟؟؟في معلومات عن الطنجرة ؟؟؟

في معلومات ( طنجرتي هي كليسبو من ساب النوع الجديد ) وفيها كتيب يحتوي على طبخات مختلفة بس انتي بتعرفي احنا اكلنا غير .

وبيني بينك انا جباااااااااااااااااااااااااااااااااااااااااااني يعني رحت واشتريتها وحطيت الـ 500 ريال واعطس رحمك الله ولحد الآن ما استخدمتها سوى اني هيأتها للعمل يعني سخنت فيها ماء مشان اقدر اعمل فيها وقت ما بدي ولحد الآن في الخزاني .

بس انا بقول بس تروح الخدامي تسافر اكيد رح استعملها وساعتها الفن كلو رح يطلع .

الله يستتتتتتتتتتتتتتتتتتتتتتتتر .

روز

اهلين بسارة خانم شو وينك غايبة

اذا بقلك ياسارة ما بتصدقي يمكن بتختلف نوعية الحمص من مكان لمكان
انا بنقع الفول والحمص مثلا وبعدين بسلقهم يعني تقريبا بحطهم على النار وبالطنجرة العادية دقيقتين بتلاقيهم ولا اروع على عكس لي اخوة في ليبيا بقولولي انهم بينقعوا وبيحطوا البيكربونات وبطنجرة الضغط ومع ذالك ما بيستوي الحمص
اعتقد تختلف من منطقة لمنطقة او حسب الماء او حسب نوعية الحمص


وبالنسبة لا ستعمال الضغط انا بحبها لسلق اللحمة والدجاج وشوربة العدس
وبعض اشياء بس الصراحة احسن شي الطبخ فيها لانها تحتفظ بالفيتامينا ت