انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 33

دقتى المحشى المصرى بجد؟ لو لا تعالى شوفى ولا اه تعالى يمكن نلاقى جيد مع بعض

(الأطباق الرئيسة - منتديات لكِ النسائية - الأرشيف)
بصى يا ست الكل ربعى كده وصلى على النبى وهاتى اى محشى انتى عاوزاه كوسة بدنجان ورق عنب كرنب وياعينى على ايام الريجيم اللى هتروح ...
  1. #1
    نوجا28 غير متواجد Registered User
    تاريخ التسجيل
    Oct 2006
    الردود
    487
    الجنس

    flower1 دقتى المحشى المصرى بجد؟ لو لا تعالى شوفى ولا اه تعالى يمكن نلاقى جيد مع بعض

    بصى يا ست الكل ربعى كده وصلى على النبى وهاتى اى محشى انتى عاوزاه كوسة بدنجان ورق عنب كرنب وياعينى على ايام الريجيم اللى هتروح هباءا يا ولدى
    مكونات الحشو
    خضرة محشى اللى هى عبارة عن شبت وبقدونس وكزبرة خضرة طبعا ودى بقى حسب الرغبة بس يعنى متقلش عن ربطتين من كل نوع لانها مفيدة وفى نفس الوقت بتدى طعم حلو بالذات الكزبرة والبقدونس
    ارز مصرى وده بقى حسب نظرتك للحاجة اللى هتحشيها يعنى حسب حجم الكرنبة او ورق العنب او البدنجان والكوسة والفلفل يعنى تبصى للحجم لو كانت كرنبة وللوزن لو كان بدنجان او فلفل او ورق عنب او كوسة وعموما مش هتخسرى حاجة الحشو اللى يفيض حطيه فى الفريزر لاى مرة
    1 كيلو طماطم
    3/4 كوب زيت
    3 بصلة كبيرة
    50 جرام ثوم
    4 قرون فلفل اخضر حامى او بارد
    توابل(كمون كزبرة ناشفة فلفل اسمر مطحون ولو فيه شوية ريحان ناشف او نعناع )
    الطريقة لاى نوع من المحاشى
    نضع قدر على النار وتحطى فيه الزيت وتخرطى البصل بعد ما تقشريه طبعا مش ناعم اوى ومش كبير اوى يعنى متوسط تقليه يعنى
    بعد ما يتحمر شوية يعنى يصفر بس مش يتحرق منك تضربى الطماطم والثوم والفلفل الاخضر فى الخلاط وتضيفيهم للبصل على النار الخضرة والارز ياريت يتغسلوا قبل ما تعملى اى حاجة ويتحطوا فى مصفى يصفوا ميتهم علشان الرز ميبقاش بايش وتلاقى المية عايمة على وش الخلطة
    بعد ما تتسبك الطماطم تضيفى الرز المغسول والخضرة والمتصفيين قبل كده للطماطم وتقلبيهم كويس وتضيفى التوابل علشان تفضل ريحها موجودة لان غليان الصلصة بيخلى ريحة التوابل تتبخر يا قمر
    مش محتاجة طبعا اوصيكى انك تقدرى تحطى ماجى وملح حسب رغبتك بس اعملى حسابك ماجى فيها ملح يعنى لو هتحطى ماجى قللى قصاده كمية الملح ودلوقتى فيه فى السوق ماجى ملح اقل
    كده يا قمر خلصنا الحشوة وفاضل نحشى وهنطلق قبل ما نتجوز لان حماتك هتشوف المحشى وهو مفكوك يا كسوفى يانا
    تيجى بقى للحشو
    طبعا الكرنب معروف
    بس هنقول بردوا على الله حد من اللى ضوافرهم مبرودة يفهم
    تجيبى يا اختى حلة فيها مية وشوية ملح صغيرين الحلة طبعا تكون كبيرة شوية اللى بنسلق فيها مثلا جوز فراخ وانتى ونظرتك بقى لحجم الكرنبة علشان هنحطها كلها ولو الحله صغيرة هتضطرى تقطعى الراقات من فوق من عند الراس علشان تحطى كل كام راق مع بعض
    وتسلقى الكرنب وتقطعيه مربعات متوسطة الحجم يعنى تقريبا الطول 7سم والعرض ممكن بردوا 7
    ورق العنب تسلقيه وتشيلى العروش تفرشيها تحت فى قعر الحلة علشان لو شاط يا قمر تحميه وحماتك متاكلش الاكل شايط
    الكوسة بقى والبدنجان والفلفل دول مش بيتسلقوا احسن تبقى خيبتك وزن تقيل دول يا ضنايا بيتقوروا بالمقوار وطبعا لو ضوافرك طويلة مش هتعرفى تمسكى المقوار بس خليهم لان جوزك هيضربك وهتحتاجيهم علشان تخربشيه
    المهم تحشى بقى اى نوع
    ورق العنب انا بفرش تحته طرنشات طماطم واى محشى بعمله كده بردوا منها حماية من الشياط ومنها بتخرج عصارة تدى طعم
    طبعا مش محتاجة اقولك لو كنتى جديدة اوزنى الرز علشان تعرفى تعايرى المية لانك هتحطى المية على حسب وزن الرز سيبك من حجم المحشى ده بيكون خادع لان فيه فراغت يعنى مش تغرقى الدنيا
    المهم بقى حشينا وخلصنا اوعى ثم اوعى ثم اوعى تدوسى على المحشى بايدك بعد ما ترصيه فى الحله علشان تحطى صف تانى وتخلصى الكمية كلها فى حلة واحدة لانه هيتكتم والفراغات مش هتتملى بالماء وهيستوى من فوق بس يا طعمة
    بعد ما تسقى المحشى هزى الحلة علشان الماء ينزل لتحت وحطيه على النار ممكن تضيفى مكعب ماجى للمرقة اللى هتزودى بها للطعم وبالهنا والشفا
    آخر مرة عدل بواسطة نوجا28 : 16-10-2006 في 01:10 AM

  2. #2
    omroro-4's صورة
    omroro-4 غير متواجد شيف مطبخ لكِ "أميرة المقبلات"
    تاريخ التسجيل
    Apr 2006
    الموقع
    السعوديه
    الردود
    22,950
    الجنس
    امرأة
    التكريم
    (أوسمة)
    تسلمي جزاك الله خيرمادام منك اكيد ميه ميه ما يحتاج تطبيق على طول تشمير وعالمطبخ

  3. #3
    حنان(البحرين) غير متواجد مشرفة اركان الاطباق
    تاريخ التسجيل
    Jan 2006
    الردود
    21,316
    الجنس
    أنثى
    التكريم
    • (القاب)
      • درة صيفنا إبداع 1431هـ
      • نبض وعطاء
      • طاهية متميزة
    (أوسمة)
    تسلم يدك حبيبتي على الوصفات الطيبه يعطيك العافيه

  4. #4
    نوجا28 غير متواجد Registered User
    تاريخ التسجيل
    Oct 2006
    الردود
    487
    الجنس
    شكرا ام رورو وميرسى لكى يا حنونة ربنا يخليكم لى والله انا بقول الوصفة زى ما بعملها فى البيت بالظبط

  5. #5
    نورا1980's صورة
    نورا1980 غير متواجد النجم الفضي
    تاريخ التسجيل
    Sep 2006
    الموقع
    القاهرة
    الردود
    1,785
    الجنس
    امرأة
    مين علمك الحاجات الجميلة دي يابت يانوجة ؟؟؟؟

    وصفات رووووعة زيك

  6. #6
    mesho_khalil's صورة
    mesho_khalil غير متواجد عضو نشيط
    تاريخ التسجيل
    Aug 2006
    الموقع
    مصر_أم الدنيا
    الردود
    291
    الجنس
    امرأة

    تسلم ايديكي يا نوجا

    على فكرة انا متابعة وصفاتك الحلوة مع اني اعرف اعملها لكن قريت كل الوصفات وحقيقي انتي شطورة جدا

    تسلم ايديكي يا قمر

    وطظ في الريجيم ويعيش المحشي

    وكل سنة وانتي واخواتنا طيبين



  7. #7
    نوجا28 غير متواجد Registered User
    تاريخ التسجيل
    Oct 2006
    الردود
    487
    الجنس
    نورا يا اللى واخدة اسمى مش هتصدقى لو قلتلك انى محدش علمنى خالص خالص خالص عارفة ليه
    لان والدتى اتوفت انا عندى 12 سنة وعايشة انا واخويا وبس اتعلمت فيه بس الحمد لله مستسلمش وميرسى ليكى يا احلى نورا ميرسى يا ميشو انتى اشطر يا قمر بلا ريجيم بلا وجع قلب احنا ينى هنعش كام مرة كل سنة وانتى طيبة يا عسل

  8. #8
    Rino غير متواجد النجم الفضي
    تاريخ التسجيل
    Jul 2006
    الردود
    2,062
    الجنس
    أنثى
    تسلم ايديكي يا احلى قطعة نوجا بالمنتدى بس عندي استفسار هل كل أنواع المحاشي ما بيدخل فيها اللحم و لا في أنواع بلحمة و أنواع من غير

  9. #9
    نوجا28 غير متواجد Registered User
    تاريخ التسجيل
    Oct 2006
    الردود
    487
    الجنس
    منورة يا رينو يا قمر بصى يا ستى من حيث موضوع اللحمة هو بصراة بيبقى حلو فى نوع ونوع لا
    يعنى مع الكرنب مش حلو هيبقى حلو مع البدنجان والكوسة وبس انا جربت فى كل الانواع طلع حلو فى البدنجان والكوسة بس وممكن تحشى الكوسة بس لحمة مفرومة معصجة وده اسمه شيخ المحشى وبعد ما تحشيها تسلقيها وتحمريها وبيكون طعها يجنن وبالهنا والشفا واى سؤال انا جاهزة يا قمر

  10. #10
    مرات اجمل زوج's صورة
    مرات اجمل زوج غير متواجد النجم الفضي
    تاريخ التسجيل
    Aug 2006
    الموقع
    اسكندرية
    الردود
    1,064
    الجنس
    امرأة
    اهلا يانوجا وطبعا المحشى دا اكلة المصريين الحلوين اوى بس انا عيزاة اساءلك انا بعمل محشى حلووالحمد لله بس سمعت ان ممكن تحطى لحمة مفرومة ياريت تجوبينى وكل سنة وانتى بصحة وسلامة يارب

مواضيع مشابهه

  1. ام حسين المصرى تعالى شوفى الحلاوة (فستان جميل جدا
    بواسطة ***السمحة*** في ركن الكروشيه والتريكو
    الردود: 14
    اخر موضوع: 01-08-2010, 06:43 PM
  2. عندك درج تعالي شوفي بالصور كيف يمكن تحويله
    بواسطة hanaa eslam في ركن الأشغال اليدوية والخياطة
    الردود: 35
    اخر موضوع: 31-10-2009, 03:38 PM
  3. **تطبيق متميز**تعالى يا نور الهدى شوفى تتطبيقى للصميط المصرى من شخبوطه
    بواسطة شخبط شخبيط في المعجنات والسندويشات والفطائر والخبز
    الردود: 45
    اخر موضوع: 26-04-2009, 11:21 PM
  4. ** تطبيق متميز**ام ليانة تعالي تعالي ..شوفي تطبيقي لي بيتزا النجمة مع شوية اضافات مني
    بواسطة سلـــــوى في المعجنات والسندويشات والفطائر والخبز
    الردود: 23
    اخر موضوع: 01-04-2009, 01:27 PM
  5. عندك اي مشكله لبشرتك لشعرك تعالي ندخل وباذن الله نلاقي الحل سوا
    بواسطة lolycat في العناية بالجسم والبشرة والمكياج والعطورات
    الردود: 78
    اخر موضوع: 06-07-2008, 10:28 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96