السلام عليكم ورحمة الله وبركاته
جبتلكم اليوم اكله شعبيه من الجنوب (جنوب الملكه )
وهي تشبه المرقوق بس فيه اختلاف شوي ونسميها بالجنوب (دغابيس)
اول شي نجي للعجين
ناخذ مقدار من الدقيق البرالخاص بالخبز ونضيف عليه الملح والمويه ونعجنه
ويكون شوي قاسي مو لين ونتركه على جنب
ونبدى بتحظير المرق بالحم او الدجاج انا سويتها بالحم
نجيب البصل والثوم ونفرمها مع بعض ونشوحه على النار بشوي زيت
وبعدين نضيف الحم والبهارات (فلفل اسود او ابيض وشوي بهار مشكل مخلوط يعني وعود قرفه صغير )
والفلفل البارد
ونقلب ليما تنشف الحمه ثم نضيف الطماطم وشوي معجون طماطم اذا حبيتي
ونتركها شوي تتسبك ثم نضيف المويه وحبتين لومي ونتركها ليما ينضج الحم
استخدمت قدر الضغط ما اخذت الحم غير ربع ساعه لاني مقطعتها صغار
وبعدين نجي للعجين ونقرصه على اليد يعني بحجم الكف وما نخليه متين لا نخففه شوي
ونضعه على المرق بالقدر ويحرك بين فتره وفتره من شان ما يلص بالقدر
ولا توضع طبقه ليما تنشف الي قبلها
وبعدين يغطا القدر ويكون الماء كافي ويترك من ربع ساعه لنص ساعه لو بقدر الضغط
ولما يخلص تجيبي صحن وتجيبي طاسه للمرق وتصفي المرق بالطاسه وتوضع الدغابيس مع جوانب الصحن
والمرق بالنص وتوزع الحمه مع القرصان بالصحن
ويقدم وبالف صحه وعافيه
وهاذي صورة غداي اممممممممم
زوجي يموت بالاكله هاذي
اتمني تعجبكم وترا الشرح طويل بس الطريقه سهله مره
الروابط المفضلة