السلام عليكم و رحمة الله و بركاتة اخواتى الحبيبات
عازماكم انهاردة على رز معمر و هو الذ اكلة من الريف المصرى
بس يا خصاره ما عندى كاميرا عشان امتعكم بشكلة الرائع

اقولكم تعالوا دوقوا علطول من غير بص و بحلقة

الاول بنجيب الحمام انا غشيت الرابط من كونتيسة و وضعتة لكم لإننى بعمل الحمام بنفس طريقتها "معلش يا كونتيسه الله يعينك على الغشاشين " بس انا بترك الكبدة و الاوانص بتاعة الحمام ما نضعها فى الفريك
http://www.lakii.com/vb/showthread.php?t=193884

و بحشى الحمام كلة و بكون غسلت الارز كويس و وضعتة فى البرام "طبق غويط من الفخار" و اضع فيه الحمام بس نى بدون ما يتسلق و اضع ايضا داخل الارز الكبدة و الاوانص و بعدها نحضر اللبن الحليب و نضع عليه الملح و الفلفل و يكون نفس عيار الارز ثم يوضع فوق الارز و الحمام و يوضع على الوجه ملعقتين سمن او قطعة زبدة نغطر البرام بورق فويل و يوضع بالفرن لغاية ما الرز يشرب اللبن كله بعدها نهدى حرارة الفرن لغاية ما يستوى الحمام بعدها نشيل الغطاء و نخرج البرام من الفرن و ما تطفيش الفرن خلية شغال ،المهم نضع على الوجة ملعقتين قشطة و ندخلة الفرن تانى نتركة حتر يحمر الوجة .

و يلا بقى اتفضلوا بالهنا و الشفا انا عن نفسى مش قادرة اقاوم الريحة عن إذنكم

تسلم دياتك يا رب

وعليكم السلام ورحمة الله تعالى وبركاته

وصفة روووووووووووعة

يسلمو ايديكي حبيبتي

هلا حبيبتي

تسلمي ياعيوني الله يعطيج العافية شكلها طيبة

تسلم الايادي حبيبتي ويعطيك العافيه

تسلم ايديكى يا قمر على الاكله

و عايزين ندوق بقا و لا هى عزومه مراكبيه؟

تسلم الأيادي .. حبيبتي .. ويعطيكي العافية

عبير القدس
الله يسلمك يا غالية و ميرسى لمرورك

يا هلا
يا هلا بأم الوصفات الحلوة نورتى الموضوع و ميرسى لمرورك

عذبة الاحساس
حنان (البحرين)

يا اهلين باستاذة الطهى الله يجبر بخاطركم نورتوا الموضوع

دندونة الامورة
الله يسلمك يا احلى دندونة

و عايزين ندوق بقا و لا هى عزومه مراكبيه؟

عيب ده احنا بلديات برده بس الحقيقة من حلاوته نسفناه انا و العيلة اوصفيلى فين بيتك و انا ابعت لك برامين يا ستى مش برام واحد

ام العلاء
الله يسلمك يا غالية و يعطيكى العافية