اتمنى من احد الاخوات الماهرات ان تدلنى على طريقة عمل السجق من الالف الى الياء وبيتم حشوه فى اية بالضبط لان الاولاد يرغبون بشدة فية ولا اريد ان اشترية جاهز

السجق بالشمر

المقادير

2 رطل لحم مفروم
2 ملعقة شمر
2 بيضة
بصلة مفرية
4 أكواب فتات الخبز اللين
ملح وفلفل

الطريقة

يخلط اللحم مع فتات الخبز وحبوب الشمر والبصل والبيض ويتبل الخليط بالملح والفلفل وتشكل العجينة على هيئة سجق على قطعة قماش وتلف به وتربط من الجانبين وتوضع فى قدر به ماء مغلى لمدة ساعتين ونصف أخرجيه بحرص على طبق وفكى قطعة القماش واجعلى السجق ينزلق بلطف من القماش ثم لفيه في فتات الخبز الجاف واتركيه ليبرد


السجق الايطالى
المكونات:
قطع من السجق ساخن أو بارد.
(4-5) فلفل أخضر، خالي من البذر ومقطع.
(2) بصل محلي، مقطع.
(2) ملعقة مائدة من زيت الزيتون.
ملح وفلفل .

الطريقة:
قومي بتسخين الفرن على درجة حرارة 350 درجة مئوية .
أحضري صينية وادهني أسفلها بزيت الزيتون .
أضيفي الفلفل الأخضر والبصل والملح والفلفل.
أضيفي قطع السجق على سطح البصل والفلفل.
ضعي غطاء من الفويل على الصينية وضعيها فى الفرن واتركيها لمدة 45 دقيقة .
أزيلي غطاء الفويل واتركيها في الفرن من 7-8 دقائق .
أقلبي قطع السجق على الناحية الأخرى واتركيه فى الفرن من 7-8 دقائق


بيض بالسجق- السوسيس-

المقادير:
12 بيضة (تخفق جيداً)
1 كيلو سجق (سوسيس) يقطع إلى أجزاء صغيرة
1/2 كيلو جبن شيدر مقطع إلي شرائح
7 شرائح من الخبز الأبيض مقطع إلى أجزاء صغيرة
الطريقة:
- يخفق البيض جيداً ثم يصب في إناء لخبزه في الفرن بعد دهنه بقليل من الزبد (3/4الكمية فقط).
- يخلط السجق، الخبز، الجبن الشيدر (3/4 الكمية فقط) في إناء منفصل ثم يضاف للبيض. يمزج الخليط جيداً.
- ويرش علي السطح الجزء المتبقي من جبن الشيدر ثم يغطي الإناء بورق الألومنيوم (الفويل).
- يخبز في الفرن لمدة 15 دقيقة.
- ينزع ورق الألومنيوم، ويترك بدون غطاء لفترة قصيرة حتى يكتسب الخليط اللون الذهبي

بسكويت للإفطار




المقادير:
350 جرام سجق
1/8 كوب بصل مفرى
3 بيضات
3 ملاعق لبن
1/2 كوب شرائح جبن شيدر
عبوة عجين يسكويت جاهزة1/8 كوب فلفل أخضر مفرى
الطريقة:
- يدفأ الفرن حتى 400 درجة فهرنهيت.
- فى إناء عميق وفوق نار متوسطة الحرارة يشوح السجق والبصل والفلفل الأخضر مع التقليب المستمر حتى يكتسب السجق اللون البنى ثم يترك الخليط جانباً.
- تقسم العجين إلى عشرة قطع، تفرد كل قطعة ويوضع عليها خليط السجق.
- ثم يخلط اللبن مع البيض ويرش فوق عجين البسكويت مع جبن الشيدر.- يخبز البسكويت فى الفرن لمدة 20 دقيقة، حتى تمام نضج الحشو.

السجق الشرقى

نجيب نص كيلو سجق بلدى من عند الجزار ونقطعة مكعبات ونكون مجهزين معاه طماطتين كبار متقطعين مكعبات وكذلك فلفتين رومى على واحد احمر حامى وكله مكعبات

نجيب اربع فصوص ثوم مقطع صغير ونحطه فى شوية زيت ونشوحهم شوية وبعدين نضيف الفلفل الاحمر وبعدية الرومى وشوية ونضيف السجق ونقلب شوية لحد ما لونة يغير وبعدية مكعبات الطماطم والتوابل ( ملح وكمون وفلفل اسمر ) ونقلب على نار هادية عشان ما ينشفش وما نطرش نضيف مية..بس لو حسينا انه عاوز مية ممكن نضيف شوية صغننة جدا

ممكن للى بيحب البصل اكتر من الثوم ( دة مش تراجع عن مبدأى ولكنة ارضاء لجميع الازواق ليس للا ... ) يحط بصلة مقطعة مع فصين ثوم ..
كذلك ممكن نضيف ملعقة صلصة لو حنضيف مياة
وتعمليه في ساندويتشات بالطحينه

مكرونه بالسجق الشرقي
"مقدار 2 صينيه"

900 جرام سجق شرقي (حلواني اخوان)3 اكياس
1 1/2 كيس مكرونه (اي نوع صغيره)
2 بصل مقطع مربعات
2 فلفل رومي مقطع مربعات
1/2 علبه الطماطم المقشره جاهزه (او 3 طماطم مقطعين و معاهم ملعقه صلصه)
ملح ، فلفل ، زعتر ، سماق
للبشاميل:
3 ملعقه زيت
3 ملعقه دقيق
2 كوب لبن
1 ملعقه مسطرده
ملح
للوجه:
بقسماط
جبنه مبشوره

نسلق المكرونه عادي

و نعمل البشاميل عادي و بعد كده نحط معلقه المسطرده

علي النار نشوح البصل في شويه زيت

بعد كده نحط السجق و التوابل و نشوحه لغايه ما لونه يتغير

نحط الفلفل و يشوح

نحط الطماطم و كوب ميه

و تترك علي النار لغايه ما السجق يستوي من الشكل ده للشكل ده


نقلب المكرونه مع مقدار السجق

نحط الخليط في الصينيه

نحط البشاميل و نرش شويه بقسماط و الجبنه و تدخل فرن لغايه ما تحمر



لذيذه جدا من الاخت روني مع الشكر لها

السحق البيتى
نص كيلو لحمة مفرومة _ملح _ فلفل _ قرفة _ جوزة الطيب _ نص كوب ماء
_شطة حسب الرغبة المصارين وطبعا مش حوصيكى على التنظيف .
(( و اهم حاجة القمع المخصوص بتاع حشو السجق ))

الطريقة :
نضع التوابل كلها على اللحمة
اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة
اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان
فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك
تحطيهم فى اكياس نايلون و على الثلاجة و الف هنا وشفا

طريقة تسوية السجق

سجق _ 2 طماطماية كبيرة _ 2 فلفلة رومى _ فلفلة حامية ( حسب الرغبة )
ملح _فلفل _زيت او سمن

الطريقة :
بطرف السكينة اعمل شق صغير فى كل صابع سجق
اضع الزيت او السمن فى مقلاية على النار ثم اضع الفلفل رومى و الطماطم
تقليبة و بعدين احط وحدات السجق و اقلب اقلب ثم اضع شوية شوية ماء و اغطى المقلاية لحد ما يستوى اعلى النار واقلب السجق لحد ما يتحمر اروح طافية النار و نعمله سندوتشات بالمستردة او حسب الرغبة
ملحوظة :ممكن نعمل سندوتشات بيض بالسجق بتبقى حلوة جدا و من باب التغيير

السجق البانية
سجق
2 بيضة
بقسماط ناعم
ملح وفلفل
عصير نص ليمونة
سمنة للتحمير
الطريقة
نغسل السجق
نتبل السجق بالملح والفلفل وعصير الليمون
نضع السجق فى البيض المربوب بالشوكة
ثم نضعة فى البقسماط
نقدح السمنة ونضع فيها السجق وحمرية
بس تحمير خفيف
وبالهنا والشفا من عزيزتي الاخت دون

السلام عليكى اختى ام رورو انا مش عرفة اشكرك ازاى على مجهودك معايا بس الى اقصدة طريقة السجق النيى المجمدالى بتشترية من السوبر ماركت زى كيس حلوانى حضرتك ذكرتى الحشوة عيزة اعرف هما بيحشوها فى اية وجزاكى الله خيرا

مذكور في الطريقه الاولى(هيئة سجق على قطعة قماش وتلف به وتربط من الجانبين وتوضع فى قدر به ماء مغلى لمدة ساعتين ونصف أخرجيه بحرص على طبق وفكى قطعة القماش واجعلى السجق ينزلق بلطف من القماش ثم لفيه في فتات الخبز الجاف واتركيه ليبرد ) وممكن تستخدمي قصدير(ورق المنيوم)
انشاء الله يكون هذا قصدك
واذا كان قصدك الامعاء فهي طريقة دون تحشي امعاء الخروف بعد تنظيفها

لية نحط على المكرونة بالسجق بقسماط

مشكوره اختي ام رورو 4 على التعاون
مشكوره نفس طريقة السجق

بارك الله فيك ام رورو نعم انا قصدى الامعاء وجزاكى الله كل الخيرو انا جربت طريقتك وظبط معى بس المشكلة انة اتفك منى لما حطيتة فى الصوص تبعة وشكرا جزيلا

حاحطلك طريقتها مصوره باذن الله في موضوع لتنظيف المقادم والراس والمصارين