للي بيحبو السردين الطازج ... مش المعلب ... الوصفة دي جدا خطيرة ...

المقادير .. يلا معايا ..

- كمية سمك سردين تكفي لصينية حجم وسط ( العادي ) .. منظف من البطن ونفصل الرأس بس مش زيادة ..
- 1 راس ثوم كامل مقطع شرايح
- 2 ملعقة صغيرة خل ابيض عادي
- ملح + 1 ملعقة فلفل اسود صغيرة
- 1 ملعقة صغيرة شطة للي يحبها مشطشطة ...
- 2 ملعقة كمون صغيرة
- عصير 2 ليمونات كبار ( اللومي)
- 3 ليمون صغير مقطع شرائح رفيعة
- 1 حبة فلفل رومي مقطع صغيير ..
- 1 حبة طماطم متوسطة مقطعة صغيير
- 1/2 حزمة بقدونس مقطعة ناعم + 1/2 حزمة كزبرة خضرا كمان مقطعة ناعم .
- 1 بصلة صغيرة مبشورة ..
- 3 ملاعق كبيرة زيت زيتون او عادي حسب الذوق .
- 1 بطاطس كبيرة ( نعمل منها طبقة تحت السردين للي يحب ... بس انا ما بحبش احط مع السمك حاجة ... )

وبعدين الطريقـــة :

- اولا : نغسل السمك من الداخل والخارج جيدا بالماء الفاتر والخل والملح ..
- ثانيا نعمل من كل المكونات التانية ماعدى الزيت والليمون المقطع خلطة كله على بعض ..
- ابدأ احشي كل سمكة بكمية من الخلطة وارصها في الصينية جنب بعضها ..
- لما كمية السمك تنتهي ارش الزيت على وجهها كاملة ... واضيف شرايح الليمون تحت السمك و1/2 كوب ماء علشان السمك يستوي ..
- اغطي الصينية بالفويل ( القصدير ) واحطها في الفرن لحد ما تتم سواها (تنضج) ..
- بس تاخدو بالكم من انه ما تتهريش .. ولما تخلص خالص افتح النار من فوق واحمر الوجه شوية علشان تتدي اللون المشوي الجميل ...
- انا باحب احط فيها فحمة علشان تدي ريحة المدخن الخطييييرة ( تجيبي ملعقة سمن صغيرة وتطفي فيها فحمة مولعة وتغطي الصينية بالورق زي ما كانت وتتركيها في الفرن لحين التقديم )

يارب تعجبكم الطريقة .... وبالهنا والشفا ....

دعواتكم ... الله يباركلكم في صحتك وعافيتكم واهلكم ...

السردين حجم وسط معقول .. مش الصغير خالص ...

ما تنسوش ... !!

مممممممممممممممممممممممممممممممممممم


تسلمممممممممممممممممممم الايادى

مشكووووورة ام فيء على مرورك ...

والله يسعدك ... ان شاء الله تعجبكم الوصفات ...

وباحاول ابقى انزل الصور للطريقة كمان ....

في أمان الله ...

هلا عيوني

تسلمي حبيبتي الله يعطيج العافية على الطبق

تسلم ايديك يا رانيا

واقولك على حاجة

يا سلااااااااام لو جربتيه مشوى على الفحم

حاجة تانية

انا من الناس اللي ما كنتش باحب السدين خالص كنت باحس ان الزفارة فيه عالية شوية عن اي سمك


بس لما جربته مشوى على الفحم ما كانش ليه اي زفارة


الطريقة


ينظف السمك ويغسل ويتبل جيدا حسب الرغبة

انا باتبل بملح وفلفل اسود وكمون وشطة وزنجبيل وعصير ليمون

بس ممكن قوي تتبيلتك يا رانيا تبقى جميلة

ثم يغطي السمك بالردة او الدقيق مع البقسماط في حالة عدم توافر الرضه

يشوى على الفحم

وباقي التتبيلة باكون زودتها ميه واطلع فيها السمك المشوى ثم انشله فورا

ويقدم مع الطماطم المشوية والبصل والفلفل الاخضرالمشوى ايضا

وطبعا سلطة الطحينة

يارب تعجبكم

وبالهنا والشفا

يعطيكي العافية .. يا شيف

امممم السردين كتير لذيذ
لي ملاحظه صغيره ما تملحي السردين لانها بترفع الاملاح بالجسم
مشكوره عزيزتي على الطبق

مشكوره وتسلم يدك

انا كنت ما بحب السردين ابدا ..... بس مرة طلبه مني خطيبي ... ( الي هو زوجي دلوقتي .... )
وعملتها بالطريقة دي وطااااار عقله ....

ومن يومها شهد بإني طباخه ( جايز هو مالوش في الاكل .... ههههه )

طبعا انا آجي ايه جنب المشرفات الرائعات
وستات البيوت والطباخات المحترفات ... يادوب انا باجتهد ....

شكرا يا بنات على المرووووور الطيب يا عسولات ....
وان شاء الله اقدم ما يعجبكم في المستقبل ....