المطلوب

لبن رائب
نشاء

لحمة شقف مسلوقة انا افضل الموزات

بصل صغير مسلوق مع اللحمة واذا غير موجود بصل مقطع


بتسلقي اللحمة والبصلة مع قرنفل والفلفل الاسود والهيل وبتتركيهم على جنب

تقريبا كيلو لحمة يلزمه نصف كيلو لبن مع ملعقتين طعام نشاء
بتجيبي اللبن بتخلطي معه النشاء وبتصفيه فوق الطنجرة على النار الهادئة حتى ما يلتصق وتبدء بالتحريك لحين بتماسك مع بعضه وليس يجمد ثم تضيفي المرقة تبع اللحمة وتحركيهم مع بعض ايضا وتضيفي اللحمة والبصلة
وتتركيهم يغلو مع بعض تقريبا خمس دقائق

وبتشيليهم من على النار

ويقدم بجانبها رز مفلفل


وصحتين على قلبكم

السلام عليكم
تسلم ايدك على الشاكرية
افكر اسويها هالاسبوع بس بالدجاج
احب الاكل السوري .....طيب ومتنوع )))))))))))))))))))))))
واختى يعجبها اي شي باللبن
الشيشبرك واللبن امة والكوسا باللبن والشاكرية .......اخوان )))))))))))))))))))))
واول مرة اسوى الشاكرية
ممكن اسأل سؤال سوري )))))))))))))))))))
كيف اسوى شراب المتة ؟

الله يسلم ايديك
بحبها كتييييير هالكلة انا بعملها مرة باللحم ومرة بالدجاج
جربي خلي شوي نعناع يابس بطلع كتير طيبة

شكرا الك

اهلين اختي ميس شيف


اولا صحتين على قلبك بس انا ما جربتها بالدجاج ما بعرف ولا عمرنا اكلناها به

وبالنسبة لشراب المتة الحق انني لا اعرف ولا عمري ذقته بس مرة رايت احد معارفنا بيعملها
اظن اول شيئ بسخن الماء وبيحطوها بالاناء الخاص بالمتة وويضعوا المتة وبيسكبوا الماء فوقها
او بالحليب على ما اعتقد
هذا اللي بعرفه بس مالي متاكدة

كمان عزيزتي سارة عمري ما حطيت لها نعنع
ويمكن بجربها بشوف كيف بتطلع