كشري عدس اصفر...بالصور;))))
Hiiiii يا بنات طبق النهارده ىارب تعجبكوا
كشري عدس اصفر
2 كوب رز
1 كوب عدس اصفر
2 بصله متوسطه-2 فص توم
3 ملاعق زيت
ملح،فلفل،زعتر،كمون
5 ملاعق صلصه
2 ملعقه شطه
بالنسبه للصلصه
علي النار نحط الصلصه+ كوب ميه+ملح،فلفل،زعتر+الشطه
تسبيهم يغلوا و تطفي عليهم
نفرم البصل و التوم و بعد كده نحط الزيت علي النار نشوح البصل لغايه ما يبقي دهبي
نغسل الرز و العدس مع بعض و نحطهم علي البصل و نقلب
نحط التوابل ملح،فلفل،زعتر،كمون و نقلب لمده 5 دقايق
بعد كده نحط 4 كوبيات ميه و نقلب و نسوي زي الرز العادي
و ده شكله بعد الميه ما اتشربت
و ده شكله بعد ما استوي
و يقدم مع الصلصه و مخلل مثلا
و بالهنا و الشفاااااا
رد مع الاستدلال
الروابط المفضلة