السلام عليكم ورحمة الله وبركاته ..
الى اخواتي اعضاء المنتدى ..
اتشرف بتفديم نفسي اليكم فأنا عضو جديد واود المشاركه مع الجميع .. (ولكم تحيـــــــاتي)
عندنا عزيمه الاسبوع الجاي والله محتارحه وش اقدم للضيوف من (حلويات - واطباق رئيسيه - مقبلات .. الخ )
واتمنى انكم تفيدوني ..
ولكم خالص شكري واحترامي ..
أختكم الورد 22

انا بس عايزة اسئل يا اخت ورد نقولك على الاصناف فقط ولا الاصناف وطريقتهم وانا هفيدك انشاء اللة

مشكوره حبيبتي على المرور اتمنى انك تفيديني بالاصناف وطريقتهم ..؟
ولكي خالص احترامي لشخصك الكريم..

اولا يا ورد لازم اى عزومة اول ماتبداى تفكير تفكرى هتعملى صوانى اية لانها الاساس لذلك اول صنف هيكون صنية مكرونة بالبشاميل وطريقة عملها كالاتى هتسلقى المكرونة المقصوصة او اسمها مكرونة بنا وتحطيها على جنب بعد كدة العصاج هتجيبى طاسة فيها حبة زيت وتقطعى بصلة ناعمة تحطيها فيها وبعد ما يتغير لونها نحط واحدة ماجى ثم المفروم وم ك صلصة الى ان ينضج اللحم واثناء ذللك تزودى شوية مية ربع كوب كدة ولما تخلص حطية على جنب بعد كدة نجيب صنية ندهنها زيت خفيف ونحط نص المكرونة ثم العصاج ثم باقى المكرونة نيجى بقا للبشاميل انا رايى تجيبى كيس البشاميل بتحطى علية 2 كوب لبن كبير مع التقليب لحد ما تلاقية القوام تقيل ثم تتركيةيبرد وتصبية على المكرونة بعد كدةرشى على الوجة جبن رومى مبشور وقلبى بيضتين فى كوباية وافرديهم على الوجة وتدخل الفرن..............ثانى صنف صنية كوسة باللحم طبعا الاول هتسلقى اللحم نيجى للكوسة تقطعيها شرائح وتجيبى طاسة فيها شوية سمن ثم بصلة مقطعة شرائح لحد مالونها يصفر وبعدين تحطى عودين كرفس وواحدة طماطم مقطعة وتقلبى الكوسة فيها لحد متشرب ميتهم وزودى مرقة اللحم كل متشربها رودى وواحدةماجى ومعلقة ك صلصة وقبل ما تخاص سوا شليها خطى اللحم فيها وحطيها فى الفرن تكمل سوا...................اعملى جنبها رز............لازم يا ورد اى عزومة يكون على السفرة نوع شوربة على الاقل فحمرى شعرية وحطى عليها مرقة اللحم المتبقية غشان تكونى استغليتى كل حاجة وواحدة ماجى وتبقى كدة عملتى الشوربة .................نيجى بقا لاخر حاجة فى الاطباق الرئيسية وهو نوع تانى للبروتين فلا تكتفى بطبق لحوم واحد وهو اللحم بالبصل تجيبى بصلتين مفرومين وتحمسيهم فى شوية زيت لحد ميصفروا وتحطى اللحم المسلوق لحد ميشرب ميتة ثم البهارات والملح والشطة هيكون فى صوص فى النهاية متسيبهوش يتبخر................هحضرلك الحلوى والمقبلات وابعتها اليوم......وبالهنا

المقبلات سمبوسك باللحم واخرى بالجبن هاتى عجينة السمبوسك واحشيها عصاج انا قلتلك على طريقتة وحمريها والتانية احشيها نوع الجبن الموجود وحمريها ومتنسيش السلطة عموما السلطة الخضرا العادية بترضى جميع الاذواق ممكت تزودى جنبها سلطة بابا غنوج انتى هتشوى الباذنجان وبعدين تهرسية مع ثوم مفروم وخل وطماطم وفلفل حامى وم ك طحينة وملح وشطة وكمون .............الحلوى كاستر وهو سهل جدا هتزودى بس لبن وسكر وتقلبى على النار وتضعية بالثلاجة .....واذا كان لديك فواكة قطعيها وحطى عليها عسل ومكسرات وكريم شانتية وبالثلاجة لوقت التقديم اتمنى ان تكون افكارى عجبتك....ابقى قوليلى يا ورد بلدك اية عشان لو فية صعوبة فى كلامى احاول اسهل عليكى

مشكوره يا يويو من مصر ..
والله انا من السعوديه بس اللحين انا في بعثه في (باكستان)
والله يا حبيبتي فيه بعض الاغراض ما احصلها عندهم بس باحاول .. ؟
مع خالص شكري ..