كفتة اللحم المشويه
السلام عليكم ورحمة الله وبركاته
كيفكم ياحلوات؟ أن شاء الله طيبات..
عندي لكم كفته تأكلون أصبيعكم وراها..
ماأبغى أطول عليكم.
الطريقه والمقادير:
لحم مفروم
بصل مفروم أو مبشور
بقدونس مفروم
نص ليمونه مععصوره
ملح
{فلفل أسود,زنجبيل مطحون, كزبره ناشفه ومطحونه ,بهارات (مشكله)}
بقسماط
بيضه
ملعقة خل
الطريقه:
تخلطين كل المقادير بيدك الكريمه وتخلينها نص ساعه تقريبا
بعدين هاتي صينيه تيفال مدهونه بزيت
وشكلي الكفته على كيفك .. (دوائر, بيضاويات , أصابع أو على شككل الكباب)
والآن دخليها الثلاجه ساعه ساعتين ولا ليله ماعليها خطر لكن أهم شيء تتماسك.
صفيها في الصينيه وخليها متباعده عشان تقلبينه بين الحين والاخر وحطي معها صحن استيل فيه زيت وحطي فيه جمره عشان يطلع فيه ريحة الشوي وغطيها بقصدير زين عشان ماتروح الرائحه الشوي آلين تنضج الكفته
واخيرا افرشي صحن التقديم بالخبز والبقدونس وتحطين فوقه الكفته
ويفضل تحطين معها البصل المشوي والطماطم المشويه والبطاطس المقليه
وصلصة الطحينه وبالهنا والعافيه
اللي تعجبه طريقتي يدعي لأبي بالشفاء العاجل ويطول بعمره ويخليه لي
وأسفه على الاطاله
رد مع الاستدلال
الروابط المفضلة