أريد أطلب منك طلب إذا ما فيها غلبه < ممكن تكتبيلي طريقة حراق بأصبعه لأن زوجي أكلها في الشام و جاي على باله أسويها له وأنا ما أدري فإذا ما في غلبه ...و شكرا
للبحث في شبكة لكِ النسائية:
|
أريد أطلب منك طلب إذا ما فيها غلبه < ممكن تكتبيلي طريقة حراق بأصبعه لأن زوجي أكلها في الشام و جاي على باله أسويها له وأنا ما أدري فإذا ما في غلبه ...و شكرا
الأخت فاتنة
عذرا على تدخلي
لكن أحببت ان أساعدك اذا اردتي فربما الاخت
سارة مشغولة ولم ترد ..
حراق اصبعو اكلة: سورية/متلي/لذيذة جدا جداومفيدة
مكوناتها;عدس بني وبصل وعجين وكزبرة خضراء وقليل من تمر هندي
و دبس رمان او حبيبات رمان,,وهذه مكوناتها عنا اهل دمشق
اذا اردت ان اكتب لك الطريقة مفصلة ومفصصة انا بالخدمة بس
شاوري...
انا بانتظارك...سلام
وإذا حبيتي دواقة/ابعتلك صحن انا في امريكا ابعتلك سكبة بالبريد المستعجل fdex
تكرمي
تسلمي يا حنين و الله ما قصرت و إذا بها غلبه لو سمحت تكتبيلي الطريقة و جزاك الله خيرا . بس ودي أسألك إنت بأي مدينه بلك كنا جيران و ما ندري و الله يسلمك عزيزتي
عفوا لتدخلي اختي حنين ولكن تعودنا ان نساعد بعضنا وقالت لي سارة الشامي انك تريدين عمل الحراق باصبعه
عزيزتي خذي هي الطريقة موجودة بهذا اللينك لانني من فترة وضعته
http://www.lakii.com/vb/showthread.php?threadid=11389
اذا لم تفتح معك الصفحة اعملي نسخ على اللينك وضعيه على صفحة انترنت جديدة واضغطي انتر تفتح لك الصفحة
وصحتين سلفا واي سؤال انا في الخدمة عزيزتي
آخر مرة عدل بواسطة estrellas : 05-03-2002 في 02:32 AM
اولا اشكر الاخوات العزيزات حنين وestrllas من كل قلبي على المساعدة ...
يااهلين فيكي اختي fatena
بصراحه انا عندي طريقة عمل حراق بأصبعه اخذتها من صديقة لي بس ولا مرة طبخت هالكلة ...والطريقة يالي عندي نفس طريقة الاختestrllas ....
واذا عندك اي سؤال نحن في الخدمه fatena ....
شكرا الك اختي estrllas وان شاء الله راح جرب طريقتك ....
ويييننننك ياحنينننننننننننننننننن وين طريقتك ؟؟؟
تحياتي للجميع
آخر مرة عدل بواسطة ساره الشامي : 05-03-2002 في 11:25 AM
<embed width="300 " height="200" src="http://safyy.jeeran.com/movie36.swf " type="application/x-shockwave-flash">
مشكورات يالأخوات و الله ما تقصرون
يا عيني عليكم عارفين ايش اقصد ؟؟؟؟
الأخوات الكريمات:
جئتكم الآن بطريقة الحراء/ أصبعو على أصوله/
مثل ما بيطبخوا ستاتنا من زمان ...بالشام..
أول شي طريقة الاخت estrllas صحيحة وتطبخها كتير من نسوان حارتنا بس على حسب مابسمع دايما انو هي الطريقة بس للمستعجلة أو يلي طبختها لولادها وجوزها بس يعني تمشاية حال بالتقليد ..انا مجربة التنتين مدري ليش حسيتها متشتشة بالخبز يعني شوي مخبوصة
اما حراء اصبعوا العزايم بتتفنن في ست البيت وصدقيني من أحلى الايام يلي بذكرها ببلدي وكل ما بروح لعند أهلي بحرص عليها وبطالب فيها يوم طبخ الحراء اصبعوا لأنو متعودين تتجمع الخالات والقريبات لتحضيرها لكبر الكمية...
وبيكون وقت ممتع جدا ...وحدة تقطع العجين وحدة تعجن وحدة تقلي البصل يعني اشتراكية لا ينتج عنها حرق الطبخة بل بالعكس
متعة وتسلية وضحك....آه ه آآآهه ذكرتوني...
...يلا مارح طول عليكون واعذروني على الاطالة بس حبيت شاركون ببعض عاداتنا
الطريقة يا حلوات والمقادير كالتالي..
عدس بني , 2 بصل,{جوانح }
1كزبرة خضراء ,2سن ثوم
زيت قلي
رشة ملح
رشة كزبرة يابسة
وشوية كمون ناعم4/1ملعقة صغيرة
قطعة صغيرة تمر هندي
ملعقة دبس رمان..
العجينة:2
كاس طحين ,ملعقة ونصف ;صغيرة; ملح ,ملعقة صغيرة خميرة,
ملعقتين سكر صغار ,فنجان زيت زيتون/غنجان القهوة العربي/
يعني مو التركية لأنو اصغر،
نصف كاسة ماء.
الطريقة;
نترك قطعة التمر هندي منقوعة بقليل من الماء
تعجن كل المقادير/ تبع العجين بس انتبهوا لطحطو العدس ووو بس يلي قلت /
تترك قليلا... نحمي الفرن من فوق ...بعدين ناخذ العجينة نقسمها قسمين ,,4/ 1 والثاني 4/3 ناخذ القسم الكبير نفردها منيح على شكل مربع ثم نقطعها معينات مثل البقلاوة بس
قطع صغيرة وهي سهلة كتير وبهالوقت بنرشها طحين بعدين بنحطها بصينية ونتركها بالفرن شوي حتى تنشف ..نطفي الفرن لأنو مالو داعي هلأ وتترك المعينات على جنب..
ولبين ماتصير مناخد القسم الصغير بنفرده وهلأ بيتقطع دوائر صغيرة/عادة بنستعمل غطاء قنينة/زجاجة/دواء السعلة /نضيف/ أو الكشتبان/يلي بتستعملو الخياطة لتمنع غز الاصبع بالابرة/
ولما نخلص نرشها بالطحين وبعدين تقلى بالزيت الحار ومنظرها رائع جداكرات صغيرة منفوشة وهشة وطعمها أروع عادة بخلص نصها قبل ما كمل طبختي بس مشان دوء الطعم "K)( "K)(
وتترك على جنب ..
نقلي شرائح البصل حتى تصبح ذهبية وبعضها بني .. نضع نقات من
الزيت ويحمر الثوم مع الكزبرة بشرط ان تبقى خضراءلاستخدامها في نهاية التزين تترك على جنب
هلأ بنغسل العدس منيح وبنسلقه حتى يستوي بس ما يصير شوربة يعني كل حبة جنب اختها وبنخلي المرقة تكون زيادة عليه شوي نحط الملح والكمون نضيف منقوع التمر هندي بعد ماصفيناه وخلينا بس الحمض ونحطوه هو والدبس رمان واذا كان الحمض قليل نضيف ملح الليمون /عادة بيكون دبس الرمان شوي
لأنوه بيغمق لون المرقة /مشان هيك في ناس بتستغني عنه..أذواق نضع شوية كزبرة بالثوم
هلأ بنضيف معينات العجين ونتركها تغلي غلوة وحدة
وبعدين بنسكبها في صحون وتزين بالكزبرة نضع البصل الجوانح وفقاعات
العجين المقلي المقرمش /يمي يمي / كمان في ناس بيزينوها بحبات الرمان الحمراء الحامضة او الحلوة ..ومربعات خبز مقلي يعني حسب المتوفر والذوق.وشكلها بيكون بيهوس الوان رائعة تفتح الشهية وريحة تجنن..واو جوعتوني ..وتقدم ساخنة أو باردة وصحة وهنا... سهلة صح
يمكن اسلوبي المفصل بينها صعبة..
بس صدقوني اذا جربتوها رح تحبوهاومارح تندموا
ملاحظة/انا في بوسطن/ الى اللقاء مع اكلة جديدة ان شاء الله
آخر مرة عدل بواسطة حنين2002 : 05-03-2002 في 08:20 PM
الروابط المفضلة