أسهل والذ برياني (بريـ الدجاج ـاني )
دجاجة منظفة ومقطعة الى اربع / 3-4 حبات بصل متوسطة / ثوم /3 حبات طماطم /
4-6 حبات فلفل اخضر حار/ زنجبيل اخضر مبشور ملعقة صغيرة / 4 ملاعق كبار زبادي
بهارات (فلفل - كمون- قرفة - قرنفل - هيل - كزبرة ناشفة- ورق غار- ليمون ناشف-
ملعقة كاري - نصف ملعقة صغيرة زنجبيل ناشف- ملح)ممكن اضافة بشر برتقال للي يحبوا
ملاحظة بالنسبة للبهارات: لطعم مميز في الطبخ انا اجيب البهارات كلها حبوب ووقت الطبخ اطحن المقدار اللي احتاجه واضيفها للطبخة وراح تعطيكي ريحة قويةوفي البرياني اطحن م ص فلفل - م ص كمون - م ص كزبرة وباقي البهارات حبات كاملة
زعفران وكركم للتلوين
ثلاث ونصف كاسات صغيرة ارز ابو كاس
اول شي نسلق الدجاجة عشر دقائق او اقل ونضيف شوي ملح وحبتين هيل واحتفظي
بماء السلق
اثناء السلق نقطع البصل قطع صغيرة جدا ونحمره في شوي زيت الى ان يذبل ونضيف
اليه قرنين فلفل الى ان يصبح لونه بني نضيف له الزنجبيل الاخضر والثوم
والبهارات ونقلب ثم نضيف الدجاجة المسلوقة مع قرن فلفل وغطي القدرلمدة عشر
دقايق مع التقليب من فترة لفترة ونضيف عليه الزبادي ويكون مقلب ومخفف
او ممكن تخلي اضافة الزبادي مع الكشنة وانا استخدم الطريقتين وممكن بدون زبادي
تعصري الطماطم وتضيفيه على الدجاج وتخليها الى ان تتسبك ويثقل قوام الكشنة
ممكن تشيلي الدجاج اذا شفتيه نضج
اثناء ماتتسبك الكشنة طبعا تكوني مغسلة الرز من اول صفيه واضيفيه الى موية
سلق الدجاج ولا تضبطي مويته او تكثريها لاننا مانبغى الرز يستوي مرة نص سوى
واضيفي قليل ملح ولا تمليحيه مرة لان الكشنة كمان مملحة ونضيف الفلفل معاه
نرجع للكشنة طبعا لا تخلي موية الكشنة تنشف خلى فيها شوية موية وبعد مانقفل
على الرز نضيفه فوق الكشنة
ذوبي ملعقة كركم في فنجان موية ووزعيه على سطح الرز
وكمان الزعفران سوي زي الكركم ووزعيه على الرز
ونغطي القدر ونخليه على نار هادية بدون تقليب او تحريك وبعض الاحيان احط
شرائح ليمون فوق الرز
من خمسة الى سبع دقايق وقفلي
اقلبي القدر كله في صحن التقديم
اذا كنتي بتقدمي في صحنين انا بعد مايستوي الرز والكشنة
اقسم الكشنة في قدرين واقسم الرز على القدرين واقدمها في
صحنين>>>>>>خخخخ قلبناها شعر
واللي ماتحب الدجاج راح يضبط باللحم
وماراح ننسى السلطات
سلطة الزبادي
زبادي تقلبيه وتضيفي عليه نعناع مطحون وفص ثوم صغير مطحون وخيار مبشور وملح وفلفل وشوي لبن
سلطة الطماطم
حبة طماطم كبيرة- بقدونس - ثوم- فلفل حار
تفرميها كلها بفرامة الطماطم الصغيرة اليدوية (ان شاء الله عرفتوها)
وتخفيفيها بشوي موية وتضيفي الليمون والملح
وبالعافية على قلوبكم
رد مع الاستدلال
كتبت بواسطة lanloon
الروابط المفضلة