زهرة بالطحيني زاكيه جدااااااااا اللي يحب الزهرة يلحئني

**موزي** · 20-12-2005, 03:05 PM

السلام عليكم ياصبايا كيفكم

اليوم بدي اعمللكم زهرة بطحيني يارب يعجبكم اكلي سريعه زي مابتعرفوني مابعمل شي شوي شوي عشان وئتي مابسمح ههههههههههه وكمان سهلي ومش مكلفي

ياحبيبي الله يفتحها علينا وعليكم اجمعين

المقادير :
زهرة
طحيني او راشي مابعرف شو تسمياتو بس احنا بنسميه طحيني
ملح
حامض

بنغسل الزهرة منيح وبنئطعها على شكل زهرات صغار صغار وبنملحها وبعدين بنئليها منيح وبعدين بنحطهم في بايركس او اي صينيه عندكم وبعدين بنعمل خلطه الطحيني واللي هي بنجيب صحن غميق شوي وبحط فيه طحيني وشويه حامض او رارنج وبنخلطهم مع بعض وبعدين بنحط عليهم مي بس قليل لحد مايصير كتل من الطحيني وبعدين بنحل الكتل بالمي من جديد لحد ماتصير سائل وبنحطها على الزهرة او القرنبيط بحيث تنغمر في الطحيني وبعدين بنغليهم على النار شوي لحد ما الطحيني تاخد طعمه الزهرة واللللللللللللللللللللللللللللللللف صحه وهنا على ئلوبكم يارب

موزي
مستنيه ردودكم وارائكم

المكونات:

**زهرالربيع** · 22-12-2005, 05:08 AM

تسلم ايدك اختي على الطبق اللذيذ انا بعملها دايما لكني اضيف اللحمة المفرومة المقلية و الكزبرة والثوم 00
وكيد تؤكل بالخبز 0
والله يعطيك الف عافية 0

**موزي** · 22-12-2005, 09:34 AM

الله يعافيكي يازهر الربيع اكيد بتكون زاكيه كمان الطريئه اللي انت بتعمليها
وشكرا الك وعلى زوئك وعلى ردك

**وعود الخير** · 22-12-2005, 10:51 AM

طبعا طيبة بدها كلام
وخاصة في الزنقات سريعة اسرع من البرق..
سلمت يداك يا موزي..

**Green eyes** · 22-12-2005, 10:57 AM

مممم اكيد طيبة بس شو رأيك نسلق الزهرة بدل القلي من باب تخفيف الزيوت اللي فيها
يعني بتوقع تطلع زاكية لو سلقناها مع ماجي

**موزي** · 22-12-2005, 11:02 AM

شكرا كتير ياوعود هههههههههههههه انت كاشفتيني انا دايما مزنوقه مثل ما الكل بعرف الوظيفي ووجع راس الوظيفي الحمد لله

**موزي** · 22-12-2005, 11:05 AM

اي وشو عليه حبيبتي يام العيون الخضر بنسلقها بس انا مابحب السلق لاسباب خاصه بس رح احكيلك سبب مهم انو ريحته وهو مسلوق وووووووووووووووووووووووو خليها سكته يالفته ههههههههههههه

**Green eyes** · 22-12-2005, 11:09 AM

انا متلك يا موزي دايما مضغوطة لاني مو بس عندي وظيفة... لأ وعندي كمان دراسة فبحب كل شي سريع

**موزي** · 22-12-2005, 11:15 AM

الله يعينك بتشتغلي وبتدرسي ليش شو بتدرسي
انا متزوجي وعندي طفلي وبيت وكمان شغل برا البيت بس انا جوزي اللي بدرس يعني مسوليه البيت على راسي تماما الحمد لله انا مقدمه على ماجستير وازا طلعلي تبقى طبلت على دماغي عن جد هههههههههههه الله موجود الحمد لله انا بس خايفي من التقصير مع بنتي لانها مابشوفني كتير في اليوم ولما تشوفني بكون تعباني يابشتغل يانايمي بس هاد اللي صاعب علي

**وعود الخير** · 22-12-2005, 11:26 AM

جرين آيز
صدقي بالسلق ما بتكون طيبة
جربتها
بس فيك تعمليها على طريقة الاخت بهيجة مع بيض وجبنة في الفرن بتكون كتير طيبة..

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: زهرة بالطحيني زاكيه جدااااااااا اللي يحب الزهرة يلحئني

أدوات الموضوع

العرض