اليوم جايبالكم أكلة كانت ستي الله يرحمها تعملها وما بدوق اطيب منها من إيديها الله يرحمها
الأكلة عبارة عن خضار بالفرن ( الاسم التراثي لها مكمورة ) ما بعرف ازا الصبايا بيعرفوها بهالاسم والا لأ
بعدين هي بتنفع للرجيم
المهم هي عبارة عن :
المقادير:
نصف كيلو لحم مفروم صغير
وأنا زدت كمان لحمة مفرومة عشان تكون أزكى
كيلو باذنجان مقشر ومقطع مكعبات وسط
كيلوا كوسا مقشر ومقطع مكعبات وسط
كيلو بطاطس مقشر ومقطع مكعبات وسط
2 بصلة كبير ة
كيلو طماطم مقشرة ومقطعة صغير صغير
كوب حمص مسلوق
بهارات مشكلة ( قرفة ، حب هان ، بهار طبيخ ، فلفل أسود )
الطريقة سهلة وهي كالتالي:
أول اشي بطحطي شوية زيت في الطنجرة وتكوني فارمة البصلة مكعبات صغيرة وبتقلبيها شوي لحد ما تذبل وبعدين يا حلوين بضيفو اللحمة وبتخلوها تتشرب منيح لحد ما تستوي وتضيفي عليها البهارات ممكن اتضيفي شوية مي عشان تضمني استواء اللحمة منيح ( يعني ما بتعمليها شوربة شوية مي زعيرة ) لما تتأكدي من استواء اللحمة ضيفي باقي المقادير ( الحمص والخضار والبندورة ) وبتكوني مقطعة كل الخضار ( كبير شوي عشان ما تدوب ويضل شكلها مبين )
بتتركيها على النار ( وبتغطيها منيح " بتكمريها " هي سر التسمية يمكن ) عشان تستويها الخضار بميتها ، ما بتاخذ وقت كتير ، بعدين بتحطيها في صينية وعلى الفرن حمريها منيح وكل ما تحمر الوجه قلبيها عشان تتحمر واتصير ازكي .
وصحتين عافية ،،
على فكرة هي كتير سهلة وما بتاخذ وقت بس أنا كتير كبرتها
رد مع الاستدلال
الروابط المفضلة