الأخوات العزيزات

عندي سؤال حول كيفية طبخ اللحم ...
يعني لما أحب أطبخ لحم قطع صغيرة (ليس لحم مفروم) مع يخنات الخضار أو مع الأرز ... أقلبه مع البصل ولا أسلقه لكن يطلع عند انتهاء الطبخة اللحمة مشدودة شوية .. مش ذايبة زي ما يقولوا

الأمر الآخر عند طبخ قطع لحم كبير مثل مع الكبسة وطبعاً بعد سلقها وتحضير الطبخة يطلع عندي نفس المشكلة وهي اللحمة القاسية قليلاً ...

كيف أحصل على لحمة طرية في الطبخ ؟ لو قليتها في البصل أو لو سلقتها ؟

بانتظار اجاباتكم يا أحلى طباخات

السلام عليكم و رحمة الله و بركاته

أختي العزيزة

كل عام و انتي بخير و رمضان كريم

بالنسبة لسؤالك، المشكلة مش في طريقة السوا، المشكلة في نوع اللحم، انتي و انتي بتشتري اللحم اشتريه لحم صغير مش كبير (لا اقصد التقطيع، اقصد نوع اللحم) و الصغير ياخد وقت قصير في النضج و يكون لحمه اطرى. اما اللحم الكبير اعطيه وقت ازيد الى ان يستوي تماما. ممكن تسويه في طنجرة الضغط و تعطيه وقت زيادة بيصبح عندك مثل الزبد من طراوته

و اي سؤال احنا كلنا حاضرين و يا ريت اكون افدتك

كما قالت الأختNoody نوع اللحم الذي تستعمليه فمثلا لحم الغنم ليس كلحم البقر
فلحم البقر يتطلب وقت .
و على أي حال شخصيا اللحم أغلق عليه في الطنجرة الضغط( الكوكوث )
خلال نصف ساعة يكون اللحم و الخضر كله تمام التمام .

كما لا أنصحك بسلق اللحم لأن السلق يفقده تلك اللذة .

و إذا لديك أي سؤال نحن في الخدمة ما شاء الله منتدانا بناته مميزات

مشكورين جداً يا أحلى صبايا .... والله كلي ثقة الآن لما أطبخ ... علشان أي مشكلة تواجهني على طول أسألكم وأجد الإجابة بسرعة ... تسلمولي

نفس مشكلتي بس انا حليتها بأستخدام لحم الغنم لا غير

انا بخليها تغلي شي ساعتين بالنسبة للحم البقر..و بتطلع طرية جدا..و طريقتي اني اول شي بحط شوية زيت و بقلب بصلة و بعدين اللحمة بقلبها لحد ما يتغير لونها بضيف البهارات و بقلب و بعدين الماء..و بخليها تغلي لحد ما تقوول خلااص ارحمينا..انا بحبها تكوون كتير طرية ما تعلك بالاكل...و لما تمسكيها بايدك تنقسم من طراوتها..و بس..
تحياتي

نفس طريقة ام مودي...
ولو شعرت ان اللحم فضل على النار فترة طويلة ممكن تحطي ملعقة صغيرة سكر وتتركيه شي ربع ساعة وشوفي الطراوة بعدها.

عدين اللحم الطازج بيوخد اكثر من اللحم المجمد لانه المجمد بتتفكك خلاياه لما يتجمد ويستوي بسرعه
انا ما بطرخ اللحم لما يجبه زوجي وهو طازه بنظفه وبحطه في الفريزر وثاني يوم بطبخه
وفي طنجره الضغط ساعه بس كثري الماء علشان ما ينشف
طبعا في الاول زي طريقه الاخت ام مودي وبعدها اضغطها
وايضا الدجاج لما يكون مجمد ولو ليوم بيكون اسرع في السوى