برياني هندي ولا ألذ !

**UmAbdulla** · 26-09-2005, 02:41 PM

السلام عليكم بنات اليوم غدانا كان برياني دجاج على الطريقه الهنديه ...بس طعم شوووووووو؟!! ولا ريحه !!! يا سلام ياخذ العقل

بس للأسف مافي صوره

انا صورته بالموبايل والكاميرا الديجيتال ....بس المشكله اني ما اعرف كيف ادخلها على الكمبيوتر

المهم الطريقه والمقادير

تفورين الدجاج مع كركم + هيل + دارسين + مسمار + ورق غار + ملح
بعدين بصل مقطع جوانح يحمر في زيت ويضاف له ثوم مدقوق مع الزنجبيل + قرن فلفل واضيفي فوقهم حلبه حب تقريبا مقدار ملعقه كبيره ... يحمس ويضاف مكعب ماجي + بزار مشكل+ طماطم شرائح

اضيفي الدجاج الى الحمسه وقلبي خلاص الايدام جاهز

اسلقي الرز في ماي الدجاج (هذا وياد مهم عشان الريحه)

بعدين في قدر حطي الرز المشخول (بعد ما صفيتيه من الماء السابق) نصف الكميه
بعدين الحشوه بعدين بافي الرز وصبي فوقه ماء ورد بالزعفران و في الفرن 3\4 الساعه
وشـــــــــــــــــــــــــــــوفي الطعم والريحه بعدين

ترى بنات السر كله في الحلبه وانا من التاس اللي اقول حلبه؟؟؟ ياي مستحيل !! بس صراحه في البرياني طلع يخبل

يلا اتركم واذا جربتوا طريقتي ادعولي و لأمي

**UmAbdulla** · 26-09-2005, 11:13 PM

51 وحده تدخل الموضوع بس بدون تعليق !!!!!!!!!!!!!!!!!!!!!

والله ما حقيتها منكم بنات لك

راضيه تردون على الاقل تقولون ياااااااااه قديمه..اي شي بس عاد عبروني !!!!!!؟!؟!؟؟!؟!؟!؟

**um_abdallah** · 26-09-2005, 11:46 PM

تسلمين يا اختي ... بس الحلبه عجيب ؟؟؟
جزاك الله خيرا

**ام مودي** · 27-09-2005, 07:52 AM

تسلم ايديكي يا ختي ام عبدالله على هالبرياني الشهي..و يعطيكي الف عافية

و بانتظار المزيد من الاطباق الشهية.
تحياتي

**هنـــد** · 27-09-2005, 07:54 AM

مشكورة الغالية على الوصفة الرائعة

**سنفورة لندن** · 27-09-2005, 01:13 PM

برياني وحلبة؟؟؟ يبغالها تجربة هادي ان شاااااء الله

تسلمي!

**جريحه الحب** · 27-09-2005, 01:31 PM

اااااام عبد الله ما شا ءالله عليكى اقصر طريقه لعمل البريانى خلاص اعتمدت عندى

بس انتى ما اضفتى كزبره خضرا ولا نسيتى والحلبه ما تخلى الاكل طعمه مر شوى قولى لى قبل اتهور واروح اجربها هههههههههههههه امزحمعاكى تسلم ايدك

**UmAbdulla** · 28-09-2005, 11:31 PM

عزيزتي جريحه الحب
تقدرين اتحطين كزبره اذا تبين بس انا ما حطيت ... والحلبه طبعا تعرفينها حبوب صفر
ترى اذا كثرتي من الحلبه بيطلع مر مثل ما قلتي وعشان كذه انا قلت شويه مقدار ملعقه متوسطه تقريبا ...يعني يدوب تروحين ريحه الحلبه مع البصل عند التحميس ... والبزار يفضل بزار هندي
وانا اضفت مع الحشوه فلفل حار بعد عشان الريحه

**وهج الكويت** · 28-09-2005, 11:44 PM

الله يعافيج على هالبريانى العجيب بس آنا طريقتى وايد غير

**بثينة المغربية** · 29-09-2005, 11:25 AM

بسم الله الرحمن الرحيم
الله يجزاك خير و يخلي لك الوالدة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: برياني هندي ولا ألذ !

أدوات الموضوع

العرض