جوزى اشترى لى وزه متنظفه وكويسه

مش عارفه اعمل فيها ايه؟؟ امبارح لما حطها فى ايدى كنت فاكراها بطه لما خرج وهو بيقول لى وزه يا حبيبتى كنت هعيط عمرى ما طبخت وزه ابدا ساااااااااااعدونى الله يخليكم

واله ياهبة ضحكتيني ....وخوفتيني علي حالي ..بس انا الحمد لله اعرف ان الوزة رقبتها اطول من البطة بكتير..مش تزعلي مني مش هاقدر اساعدك لكن اكيد الكل راح يساعدك بس ممكنتقولي اذا كانت مذبوحة ولا لا ...يعني نظامها ايه ؟

ازيك يا احلى هبه والله انا مش عارفه اقول ايه اصلى عمرى ما عملت وز مش باكله بس على ما اظن ينفع يتعمل زى البط
ولا ايه طب ممكن تقولى انتى عايزه تعمليها ايه وانا اقول لك يا حياتى

فى بيتنا وزة يامرحبا يا مرحبا

إعمليها زى البطة بس مش روستو

إسلقيها و حمريها أو دخليها الفرن تتحمر فيه لو عندك شوايه فى البوتاجاز بتكون أفضل

و إعملى ملوخية على شوربتها و ممكن كمان كشك يا سلام

و باقى الشوربة ممكن تشليها فى الفريزر لإستخدامها فى أى حاجة تانية

عموما خلى بالك الوز عظمه ناشف شوية عن البط يعنى ممكن تستوى وعظمها لسه متماسك

و بالهنا و الشفا أتمنى أن أكون أفدتك

حبيبتي انا اول مره اشوف الوزه الجاهزه للطبيخ لما جارنا جابلنا ياها هديه من مصر
طبعا عمري ما ذقتها و لا بعرف كيف بتنطبخ
سالت صاحباتي المصريات كل وحده قالت لي قصه
اللي قالت اسلقيها و بعدين حمريها بالفرن و اللي قالت قطعيها و اشويها
انا اللي عملته اني رجعت نظفتها بالملح و الليمون و بعدين غسلتها و نقعتها بالبهار و اليمون و الملح و حطيتها بصينيه و قعطت عليها بصلتين و رشيت عليها شوية زيت و شويه ماء وغلفتها بالقصدير و ولعت عليها عين الغاز من فوق لمده ربع ساعه تقريبا وبعدين حطيتاه بالفرن لمده ساعه و ربع و بعدين شلت القصجير و حمرتا و الحمدلله طلعت رائعه

و هذه تجربتي مع الوز

شكرا يا مشمش ويا عبير ويا بنبونه ويا لانلون على ردودكم بس انا ما لحقتهاش انا اسفه بس عملتها سلقتها وقطعتها اربع وحمرتها وعملت جنبها طاجن باميه فى الفرن وفريك وكانت حلوه اوى بس جوزى كان عايزها محشيه يالا بقى قدر الله وما شاء فعل عايزه اتعرف عليكم بقى ان شاء الرحمن على فكره انا كتبت لكم طريقه الحمام المحشى بس حد عنده فكره عن الحمام والسمان المشوى؟

الف صحة و هنا كان نفسي افيدك بس عمري ما جربتها صراحة..بس الحمدلله انك عملتيها و طلعت حلوة..و قولي لزوجك ما يعيدهاش عشان ماتعيطييييييش
سلام

مرة من المرات جارتي جابت لي وزة من مصر..
وقال لي اسلقيها وارمي المية
وارجعي اسلقيها من تاني
وبعدين دهنتها بالزبدة وحمرتها في الفرن
وعملت جنبها فتة وكانت طيبة..
طبعا انا حشيتها بالرز والمكسرات..

هبة لو عندك وزة مالهاش صاحب ابقي ارميها من الشاشة لعند اختك في الله..

شكرا جزيلا لكل الى رد عليا وعقبال الوزه الجايه شكلها قريب قوى