السلام عليكم ورحمة الله وبركاته
كيفكم شو أخبار الأكل معاكم
اليوم جبت لكم عمل الشيش طاوووق بطريقتي السهلة اتمنى تعجبكم
المقادير
صدور دجاج
بهارات
ملح
ثوم
كوب عصير ليمونه
زيت
خضار منوعة(بصل –بطاطس –جزر-فلفل رومي )
أعواد الشيش قصدير
الطريقة
تقطعي الدجاج مكعبات وتغسليه بماء وملح وخل
بعد كذا تضيفي البهارات المشكلة الي عندك و الملح و الثوم المفروم ناعم وشوية زيت وعصير ليمون على الدجاج
وتبليه بهذي الخلطة تمام ودخليه الثلاجة لليوم الثاني
أنا تبلته بليل واليوم الثاني عملته ع العشاء
جاء وقت تحضير الشيش طاووق
بتجيبي الاعواد وتدخلي قطعة دجاج او إثنين بعد كذا تحطي شي من الخضار وبعده دجاج وخضار الى ماتنتهي الكمية
بعد كذا تجيبي صينية فرن كبيرة وترصي الأعواد فيها وتضيفي عليها ماء بكاسة وسط يعني قليل وتضيفي كمان زيت
وتغلفي الصينية بالقصدير تمام وتعملي فتحات ع القصدير 4 فتحات كفاية (للأسف ما صورت هذي المرحلة)
بعد كذا دخليها الفرن بدرجة حرارة عالية إذا حسيتي إن الماء بدأ يغلي خفضي حرارة الفرن وإحسبي 30 دقيقه وشيلي القصدير وشوفي الدجاج إذا نضج خلاص وكان في ماء حاولي تصفيها من الصينيه بحذر وحمريها بالفرن من فوق مع التقليب حتى تتحمر كل الجهات وانتبهي لا ينشف الدجاج مررره وبس
بالهناء والعافية يارب
شفتي ما أسهله شيش طاااوق ربروبة
تفضلوا
.
الروابط المفضلة