بسم الله الرحمن الرحيم
ابي طريقة المنسف الشامي بليييييييييييييز لا تخيبون ظني انا عارفه ان فيها لبن بس مش عارفه بالضبط كيف بيسووها
بليييييييييييييييييييز

هذي طريقة المنسف الاردني سهل بالمره...................
1/اسلقي اللحمه بالماء ثم اخرجي الزفره منه بعدين اضيفي البصل المفروم و الملح وحب الهيل والقرفه والقرنفل واتركيه حتى تستوي اللحمه تماما.....
2/اغسلي الرز المصري طبعا جيدا وضعيه في قدر واضيفي عليه من مرق اللحم بعد تصفيته واتركيه على النار حتى يستوي....
3/اضيفي للحم قليل من الكركم وعلبه من اللبن انااستخدم لبن شنينه بسمه وتركيه على النار حتى يغلى مع تحريكه باستمرار وبعدين اتركيه على نار هادئه جدا..حتى وقت التقديم .....
4\ طريقة التقديم يفرش طبق التقديم بخبز الصاج ثم يوضع الرز واللحم عليه ويرش يالمكسرات(لوز.صنوبر.كاجو)المحمصه ويصب المرق في صحن جانبي...وبالهنا والعافيه...................

مرحباأم عبدالله
أنا من الشام وهيك بطبخ المنسف وبطلع بشهي والله

هاي المقادير:

كيلو لحم ضان بالعظم قطع
2 كيلولبن
شوية سمنة وزيت لتقلاية اللحمة
ملح - فلفل
كركم أو عصفر
حب الهيل وقرفه وقرنفل لسلق اللحمة
مكسرات...لوز.صنوبر وبقدونس للتزيين
بيضة

الطريقة:

اولا - بقلي اللحم بالسمنة في الطنجرة شوي وبعدين بضيف ماء لسلقها ثم نخرج الزفره من على وش المرقة ونضع معه قليل البصل القطع والهيل والقرفة والقرنفل لنكهة أطيب والملح والفلفل حتى تستوي اللحمه تماما
ثانيا- نضع اللبن في وعاء آخر ونضع فيه البيضة ونحركه جيدا
البيضة رح تساعد اللبن ما يفرط
وبعد ماتستوي اللحمة نأخذ قليل من المرق ونضعه جانبا
ثم نصب اللبن فوق اللحمة والمرق مع التحريك حتى يصيرالقوام متجانس لا يكون خفيف ولا سميك
وهي عالنار طبعا لحتى تصير مرقة اللبن جامدة شوي ونضع العصفر الآن
وبعدها نرفعها من على النار
بهالأثناء بنطبخ الرز أو البرغل بباقي المرق
للتقديم يفرش صحن عميق بخبز التنور أو الخبز السوري إزا ما عندك تنور
ثم يوضع الرز ونسكب اللبن واللحم عليه ويرش يالمكسرات(لوز.صنوبر)المحمصه والبقدونس المفروم
وصحتين وعافية

اختي التفاحه الخضراء ،، اختي ماسه الدلوعه مشكورررراااااااااااااات رح اجربها اليوم وارد عليكن
جزاكن الله خيرا

بسم الله الرحمن الرحيم

رح اعطيكم طريقة منسف مضبوطه واصليه
المقادير
4 كيلو لحمة مع عظم مقطعه قطع كبيره
حبتين جميد (يكون على شكل كوره أو ممكن استبداله بجميد الكسيح السائل علبه واحده)
6 كاسات زر مصري
صنوبر و لوز
سمنه بلديه
خبز شراك
كركم - هيل - ملح - عود قرفه - فلفل اسود حب

الطريقه:
أول شيئ اذا كنت بتستخدمي الجميد الكور لازم تنقعي بالماء من الليل علشان يفك و يصير سائل والصبح بتمرسيه بايدك أو بتحطيه بالخلاط علشان يصير مثل اللبن الشراب
اما اذا كنت بتستخدمي الجميد السائل فاختصري هذه المرحله..
نسلق اللحمة مع البهارات ما عدا الكركم الى ان يقرب يستوي فبنحط عليه الجميد و بنخليه يغلي مع بعض علشان ياخذ اللحم من طعم الجميد مع مراعاة كمية الملح الموضوعه للحم لانه ممكن يكون الجميد مالح فما بنحط ملح كتير للحمه ( يعني ذوقي) و بس تستوي اللحمه مع الجميد و قبل ما تطفي عليها النار حطيلها معلقة سمنه بلديه عالجميد
الرز:
اغلي 6 كاسات و نص ماء مع 6 ملاعق صغيره ملح و ملعقه صغيره مش مليانه كركم و فنجان قهوه زيت و بعدين سقطي عليهم الزر المغسول و النقوع بالماي (أول شيء بتصفيه طبعا) و بس يغلي غلوه وطي عليه عالاخير و غطيه الى أن لما تفتحي الطنجره ما تقدري تسمعي صوت الماء بقاع الطنجره و بعدين سيحي معلقتين كبار سمنه بلديه و صبيهم عالرز من فوق و سكري الغطاء عالطنجره لحين موعد السكب
اقلي الصنوبر واللوز بالسنه البلديه
افردي خبز الشراك بسدر مدور كبير و بعدين صبي شويه جميد عالخبز يعني سقسقي الخبزات بالجميدو بعدين صبي الرز و سهمديه و شيلي اللحمه من الجميد و صفيها فوق الرز بعدين حطي الصنوبر واللوز
صفي الجميد بمصفايه و قدمي الجميد بصحن غميق على جنب و حطي عالسفره بصل مقطع ارباع منقوع بالخل يعني حطيه هو والخل عالطاوله و جربي و ادعيييييييلللللييييي

اختي الماسه الدلوعه والتفاحه الخضراء جربت طريقتكن بس ما ظبطت معاي
انا استخدمت زبادي شوفوا كيف سويت :
اولاما عندي سمنه فسويت زيت واضفت اللحمه بعد ما غسلتها وخليتها شويه وبعدين اضفت الماء وخليته يغلي وخرجت الزفره
وسويت الهيل وبقية البهارات الخاصه فيه
وبعدين لما نجحت اللحمه قد خلطت الزبادي 500جرام لاني سويت كمية قليله انا وزوجي بس ادعوا لي بالذريه الصالحه .. مع قليل من الماء بالخلاط واضفته لللحمه والمرقه بس خرجت ثلاثة ارباع المرقه تقريبا لسلق الرز وحطيت بقيةالمرقه مع اللحمه طبعا وبحرك الزبادي بعد ما اضفته
وخليته حتى يغلي وطفيت النار والرز جاهز
وطبقته الخبز وبعدين الرز وشربته مع الخبزوبعدين وسويت اللحمه فوقه بس كان التشريب قليل


قولوا لي ايش الغلط فيها هل المرقه قلت او لازم اخلي الزبادي ينضج كثير على النار
او السبب في نوع الزبادي
او كلهم واذا في عندكن افكار مع ايش تتقدم قولوا لي ومشكورات اخواتي وجزاكن الله الف خير

مشكوره اختي رنا سند شكلها بيشهي بس المشكله عندي بنوعيه اللبن مش عارفه ايش هو الجميد والكسيح وانواع كثير ه بتذكروها ما بعرفها عادي لو زبادي زي ما كتبت والسمنه هل هي ضروريه ؟؟؟
ومشكوره على اضافتك البصل للسفره بتخيل طعمه صحيح مناسب
مشكوره الله يعطيك الف عافيه وجزاك الله خير

حبيبتي الجميد هو عباره عن لبن مجفف و بعملوه على شكل كور لو تسألي اي حد اردني قريب عليكي ممكن يفرجيكي اياه و جميد الكسيح عباره عن نفس الجميد ماركة الكسيح متوفر بالسوبرماركت ما بعرف انت وين عايشه بس انا بالدوحه و هو موجود عندنا.. بالنسبه للبن ممكن تستخدمي اللبن الزبادي و انا بعمل احيانا هيك اذا ما توفر الجميد و مثل الاخوات الفاضلات بحط الزبادي بالخلاط (كثري الكميه شوي لانه لما تحطي عاللبن عالخبز بياخذ كميه منيحه منه) و بحطله ملعقتين كبار نشا و بيضه و بطبخه لحاله على النار اول شيئ لحد ما يغلي و بعدين بضيفه على مرقة اللحمه علشان اللبن ما يفرط.. بالنسبه للسمنه البلديه ممكن تستعيضي عنها بسمنه عاديه ( أصيل أو كيو بي بي) و ممكن استخدام الزيت بس بصراحه طعمة السمنه اطيب

مشكوره اختي على ردك
جزاك الله خيرا ،،انا في بلد اوروبي

تحياتي

السلام عليكم
أخني أم عبدالله
اللبن لازم يكون شوي ثقيل, وكمان نص كيلو لبن بتصور قليل
لاتنسي إنو اللبن بتخثر وبتقل والتحريك المستمر مهم جدا
انا هون ببلجيكا وبشتري اللبن من عند الأتراك
الله يرزقنا وإياكي الذرية الصالحة
اللهم آميـــــــــــــــــــــــــــــــــــــــــــــــ ــــــــــــــــــــــــــــن