بسم الله الرحمن الرحيم
اليوم جايبتلكون اكلة انا بحبا كتير
و ما بعرف ازا حدا قبلي كتبها
انشالله تحبوها
المقادير
كيلو بطاطا مقشرة و مسلوقة
400غ لحمة مفومة ناعمة
بصلتين كبار
معلقة مارغرين ((سمن نباتي ))
كاري ملح فلفل كزبرة يابسة
كاسة مي
الطريقة
بعد ما سلقتي البطاطا اطحنيها بمكينة اللحمة ((انا ما عندي ماكينة لسا بس بعجن البطاطا و بهرسها منيح بأيدي ))
حطي شوية ملح بكاسة المي و ضيفيها فوق البطاطا شوي شوي لحتا تصير رخوة شوي
قلي البصل و الحمة مع بعض لحتى تستوي اللحمة و تنشف ميتها و بعدين حطي الملح و الفلفل و الكاري و كزبرة يابسة
افردي نصف كمية البطاطا بالصينية ((انا عم استعمل صينية الكيك لانها صغيرة))
و يعدين حطي اللحمة
و بعدين حطي باقي البطاطا هيك
بس لازم ايديكي تكون مبلولة بالمي منيح حتى ما تلزق البطاطا فيها
بس تحطي البطاطا كلها غطي ايديك بالمي كمان مرة و حاولي تملسي سطح الصينية شوي
قطعيها بالسكين ((حطي مي على السكين اول شي ))
حطي عليها شوي صغيرة مارغرين ((شوي بس لان البصل و اللحمة عليها مارغرين ))
و دخليها على فرن حامي 15د من الاسفل
و بعدين شغلي من فوق لحتى تحمر
و عافيةةةةة
الروابط المفضلة