السلام عليكم ورحمة الله
انا مشمش ..اقترحت فكرة هذا الجزء او الركن الخاص بالاكلات المصرية ....لكن للاسف الفكرة باءت بالفشل ولم يكن لدي الخبرةالتي تسعفني بان اضع كل يوم موضوع جديد لاني مثل ما قلت فوق انا محتاجة منكم انتم اللي يعرفوا يحطوا اكلات جديدة وهتبقي صدقوني موسوعة رائعة لاي بنتعايزة تتجوز ومش عارفة تطبخ
صدقوني فقدت الامل تماما في انيالاقي حد عارف
لكن حصل مفاجأة جميلة دلوئتي اني لاقيت وصفاتكم وانك اشتغلتم وحطيتوا فعلا اكل البيت المصري كله بيحبه
اختيالغالية جريحة الحب ..شكرا لك علي مجهودك وفعلا انا سجلتالطريقة وباذن الله اول تجربة ليا في عمل الرز هتبقي علي مسؤليتك خلي بالك هابقي اقول انك انتي الي علمتيني
اختي الغالية مروة الفتة خطيرة جميلة قوي وانا كتير بحبها يارب الاقيكي معانا دايما
اوعدكم اينهاحاول اخلي صفحتنا احلي ركن نسال ونجاوب فيه عن كل الطرق والاكلات وكل حاجة
بس ايدكم معايا

السلام عليكم اخوااتي
عايزة اقول لكم علي حاجة انا عملتها كانت جميلة قوي يمكن الكل بيعملها او مش بيعملها نتجية لاختلاف حتي الثقافات في المجتمع المصري تبعا للمكان
الاكلة اسمها مكرونة بالبصل
المقادير
كيس مكرونة - زبدة (معلقتين كبار) - بصلة متوسطة مبشورة_ملح ( نص معلقة كبيرة او اقل منالنص قليلا) _شطة _وطبعا طماطم (3 حبيات كبار طماطم)
الطريقة
تسيح الزبد في الوعاء نضع البصل المبشور نحمره قليلا ...حتي ييدبل وليس لدرجة التحمير كما في رز السمك
نضع عصيرالطماطم علي الزبدة والبصل ..ونضيف الملح والشطة
نتركها قليلا حتي تصبح (مسبكة) تصبح لها قوام الصلصة
نضع المكرونة بعد اطفاء النار علي الصلصة ونقلبها جيدا حتيتمتزج بها
شوفتوا سهلة جداجدا ...انا عارفة بس كل الحكاية اني جربتها بالبصل ولاقيت طعمها جميل فقلت اقول لكم يمكن في بنت زي مش كانت تعرف انها بتتعمل بالبصل
جربها صدقوني طعمها جميل جدا

السلام عليكم ورحمة الله وبركاته
مشمشة العزيزة
الموضوع لم ولن يفشل يا حبيبتى و أنا بالفعل قرأت هذا الموضوع منذ عدة أيام و لكنى كنت مشغولة شويه و لم أتمكن من أن أشارك فيه و سوف أبدأ من الآن أقدم لكن خبرتى و تجاربى و إن شاء الله تعجبكم و تستفادوا منها
و كما قلتى تكون البداية بالأرز و قد تم تقديم الأرز الأبيض و الأرز بالشعرية و سوف أقدم لكم العديد من طرق طهى الأرزالمختلفة حتى يكون لدينا ملف كامل للأرز بالطرق المصرية و سأبدأ بالأرز الواحدة و واحدة وطبعا كلكن تعرفوه و كذلك الأرز بالخلطة و إللى أغلبنا بيفضله فى الولائم و خاصة أن رمضان قرب و كل عام و أنتم بخير...

بداية أود أن أكتب لكم القاعدة الأساسية فى تسوية الأرز لإنى لن أكتب مقادير و سأتركها لكل واحدة حسب رغبتها و إحتياجها و أى سؤال أو إستفسار أنا تحت أمركن :-
1- كمية الأرز حسب عدد أفراد الأسرة ( 1 كوب عادة يكفى 2 فرد ) ..
2- كمية الماء تغطى الأرز وتزيد عنه بحوالى 2سم فوق سطح الأرز وتختلف الكميه هذه حسب نوع الأرز فالأرز الجديد يحتاج لماء أقل من الأرز القديم و الذى تخلص من الرطوبه جيدا و ذلك حتى لا يتعجن أثناء الطهى ..
3- بعد وضع الماء تكون النار عالية حتى يغلى الماء ثم تهدأ على أقل شيء و يفضل وضع صفيحة (طبعا كلكم عارفينها ) تحت الحلة و يترك الأرز على نار هادئة حتى يتم النضج ..

الأرز الواحدة و واحدة

1- يغسل و يجهيز الأرز كما سبق فى الأرز الأبيض ..
2- يقدح السمن أو الزيت حسب الرغبة و يضاف إليه حوالى 1/3 مقدار الأرز و يشوح فى السمن حتى يحمر لونه و يصبح بنى فاتح ..
3- يضاف باقى الأرز و يقلب مع الأرز المحمر جيدا ثم يضاف الملح و الفلفل و يقلب ..
4- يضاف الماء و يترك ليغلى ثم تهدأ النار حتى يتم النضج ..
5- يرفع من فوق النار و يغرف فى طبق التقديم و يقدم بالهنا و الشفا ...

الأرز بالخلطة / أرز بالمكسرات( الحاج أرز كما تسميه أبله نظيرة )
1 ـ تجهزى الخلطة (مكسرات يفضل أن تكون محمصة / زبيب / كبد / قوانص / لحمة عصاج ) حسب الرغبة والمتوفرعندك ..
2 ـ يسخن السمن ( يكون زائد عن المقدار الطبيعى حتى لا يحترق الارز ) ويوضع فيه الأرز ويحمر , يستمر فى التقليب حتى يصبح لونه بنى فاتح ..
3 ـ يصفى السمن من الأرز ويضاف الخلطة والملح و الفلفل ويقلب الأرز جيدا ثم يسقى بالمرقة أو الماء و يترك حتى ينضج بالطريقة العادية ..
4 ـ يغرف فى طبق التقديم ويجمل باللوز المحمص و بالهنا و الشفا ..
[ممكن تعمل منه فرشة تحت الديك الرومى أو فخذة ضأن ]

غدا إن شاء الله أقدم لكم الحاج أرز الأبيض و الأرز المعمر
و ياريت أعرف رأيكم فيما سبق و ما سيأتى .
لكم تحياتى

اختي بنبونة
تخيلي ان كلامك احلي من البنبون نفسه واثلجتي صدري والله عارفة ليه ؟؟
لاني فعلا حسيت اني مش فشلت وان الفكرةممكن تنفع بنات كتير صدقيني انا مشعملت كدهغير لاني فيه فعلا بنات كتير ومن ضمنيهم انا ببقي عايزةاتعلم واعرف وباتعلم اكترمن اصحابي اكتر من البيت حالة نفسية يظهر......ههههههههههه
عارفة الرز الي كتبتيه رائع جميل قوي وفكرة القوانص ديه جميلة قوي قوي زززالقواعد الي قلتيها فيالالو ديه انا محتجاها جدا بس ليا طلب عندك وياريت ما تصديني ؟؟؟؟؟كمية الملحححححححححححححححححح ؟؟؟؟؟؟ كل كوباية رز عايزة قد ايه ملح؟؟ لان الملح ده مشكلة حياتي لاني بانسي دايما
ومنتظرة اكلك علي احر من الجمر

صباح الخير يا مشمشة
الحمد لله إنك إستفدتى و أنا كان نفسى أنزل المزضوع بالصور لكن للأسف مش مجهزاها الآن
فأنا هأكتب لكم الوصفات و أول ما تجهز الصور هأنزلها إن شاء الله
و بالنسبة لسؤالك عن الملح للأسف عندنا ملح لو حطيتى ذرة منه يخلى الأكل زى المش و نوع آخرمهما تحطى ولا كأنك وضعتى شيء و على العموم إبدأى أولا بمقدار حوالى نصف ملعقة صغيرة إلى هى أصغر من ملعقة الشاى
و تذوقى الطعم و هكذا حتى تصلى للمذاق المطلوب و ثبتى عيارك و أنا عموما البيت عندى كله مرضى ضغط فلا أكثر من الملح و بأفضله خفيف و لو ممكن الإستغناء عنه بيكون أفضل هو فى الأول بيكون صعب لكن مع التعود بيصبح عادى و مقبول ..
سوف أواصل ملف الأرز فيما بعد .....

السلام عليكم ورحمه الله وبركاته
اهلا وسسسسسسسسسسهلا بعوده الاخت مشمش لانها تركت الركن وهربت من فتره لكن معليش اهم حاجه انها رجعت لبيتها الاول
تسلمين مشمش على ردك يا قمر وان شاء الله تلاقين وصفات تجنن
انا قاعده اجهز لكم وصفات عشان رمضان كل سنه وانتم طيبين ان شاء الله ما تحتارين فى وجبات فطار ولا سحور

والغاليه بنبوووووبه تسلمين على مشاركتك معنا
وكمان لو تكتبين حتى القواعد النحويه فى غسيل الصحون صدقينى راح اتبعها

ان شاء الله اكتب لكم وصفات اشياء جديده انا جربتها فى مطبخى

تسلم ايديكى

مممممممممم ما احلى الاكلات المصرية

السلام عليكم
ازيكم يااحلي اصحاب واخوات واحلي شلة كمان ....والله انا بقيت حاسة اني ليا اصحاب وكل يوم ننم في الاكل ونشوف هنعمل ايه ... خلتوني اتكلم وادرواعمل لكم حاجات مكنتش باعملها في الاول
اختي الحبيبة جريحة الحب ( ما تخلي بالك من نفسك بلاش الجروح ديه لحسن مش نلاقي مطهرات وتبقي مشكلة ...بس بيني وبينك ما فيش احلي منه) انا مش هربت والله انا لسه اهو موجودة بس كل الحكاية الفشل بيبقي وحش قوي ...ولما عدي اكتر من يوم حسي فعلا اني اتسرعت لما عملت كده لكن اختي بنبونة هي اللي هتنجح الموضوع باذن الله .... وصدقيني انا باتمني ان يبقي فيه كمان ركن للاكلات السعودية والخليجية ....علشان نبقي عارفين اكلهم وايه المشهور عندهم ...وانا عن نفسي نفسي اجرب كل الاكل واتعلمه....عيل فكرة احنا مستنين الفطار ورينا شطارتك بقي .....
ووالله عندك حق لو فيه قواعد ذهبية لغسل او بقي الافضل التخلص من الاطباق يبقي افضل كل يوم من الوه لاخرة غسيل اطباق ...مفيش قاعدة للتخلص منها ؟؟؟؟ انا بيتهئ لي اننا الافضل ناكلهم في ايديهم ولا ايه رئيك؟؟ ونبقي نغسلهم ايدهم بردك !!!!!!!!!!
الاخ محمد ..... فكرة جميلة قوي اننا نلاقي شباب في ركن الاكلات ...وده كان هدفي من الاول اننا نبدا بالاكل البسيط جدا علشان نعلم ونتعلم كلنا ...لان فعلا وانتم عارفين عندنا في مصر في شباب كتير بيضطروا يروحوا مدن جامعية ويخرجوا برة مدينتهم وبكده لازم يبقي عندهم وصفات سهلة ودقيقة لعمل الاكلات
اختي zeireda شكرا علي مرورك وانشاء الله هتلاقي هنا بمساعدة اخواتي كل الاكل المصري
فين الرز يا بنبونة احنا مستنينك ؟؟؟؟ ايه هكليه لوحدك ؟؟؟
عايزة بعد ما بنبوناية تنزل موضوع الرز ...نتكلم عن المكرونة بالشاميل ..... انا سالت اكتر من مرة عنها .... بس انا مش شايفة او مش لاقيه طريقة قريبة من الي بنعملها هنا فيالبيت ؟؟؟انا عايزاها تكون زي الكريمة البشاميل بتاعها وتكون كل حبايةمكرونة مش معجنة ويكون مش واضح فيها البيض ولو بتعمليها بالقوانص قولي ليها حلوة؟؟؟ واعملها ازاي؟؟

اهلا بكل الاخوات
ايه يا مشموشه المواضيع الجميله دى انتى بتلمى الكل وقاعده تعملى الاكل ومش بتعزمينى
بس انا عزمت نفسى وهاكتب طريقتى فى المكرونه بالبشاميل علشان خاطر عيونك
اولا المقادير
كيس مكرونه اقلام - نصف كيلو لحم معصج مع بصله صغيره وملعقة صلصه - كيلوونصف لبن 3ملاعق دقيق
3ملاعق سمن 2بيضه ملح فلفل بهار
الطريقه
تسلق المكرونه فى ماء كثير مع وضع ملح وملعقه زيت مهما كانت المكرونه جيده لازم الزيت علشان متعجنش
بعد ما تستوى تصفى فى المصفى وتغسل بالماء البارد
نعمل البشاميل
نسخن السمن ويوضع فيه الدقيق ويحمر على شرط الا يتغير لونه يوضع اللبن ويقلب وطبعا نضبط الملح ونقلب الى ان تصبح كريميه الملمس اول ما يبرد نضع البيض والفلفل ونقلب
ندهن الصنيه بالسمن ونضع طبقه بشاميل ثم طبقه مكرونه ثم العصاج ثم باقى المكرونه ثم البشاميل
نضعها فى فرن متوسط الحراره وتترك الى ان تحمر وتنضج وبالهناء مقدما
اى خدمه تانى انا تحت الامر

وعليكم السلام ورحمة الله وبركاته

إزيكم يا بنات أنا جبت لكم باقى أصناف الأرز و لو عايزين الأرز بالكارى و الأرز بالطماطم أنا تحت أمركم
و بعد كده ندخل على المعكرونة ثم اللحوم و الطيور و الأسماك .......إلخ لو تريدون ذلك أخبرونى
و أنا تحت أمرك يا مشمشة

جريحة الحب أهلا بك
بالنسبة للقواعد النحوية إللى بتسألى عليها
أهم حاجة إنك تدعكى بذمة و ماتطلسئيش