صينية الباميه

اللي بيحبوا الباميه هاي الصينيه بتطلع بتجنن نكهه وطعم غير شكل

الطريقه

قمعي الباميه وجهزيها واغسليها طبعا وقطعي بصله جوانح واقليها بشوية زيت زيتون لما تذبل قطعي حبتين طماطم مقشرين افرميهم بالسكين صغير وقلبيهم معهم مع 1 فلفل اخضر مقطع

قلبيهم كلهم الى ان يذبلوا واتركيهم

الان صدور دجاج قطعيهم راس عصفور واسلقيهم عادي في الماء مع بصله مقطعه ورشة فلفل اسود ومكعب

ماجي لما يستوو صفيهم واحتفظي بالمرقه (الشوربه )

حطي صدور الدجاج في صينيه عميقه شوي وديري عليهم الباميه واللي معها وحطي ملح

قشري كمية ثوم يعني راس او اكثر واقليه عالنار مع كمية كزبره خضرا بعدين ديريهم عالصينيه وحركيها شويه

بعدين ديري عليها المرقه بس اللي تغمرها وغطيها قصدير وحطيها بالفرن بعد حوالي نص ساعه افتحيها وحطي عليها حوالي نص كوب عصير ليمون وخليها تغلي شويه يعني حوالي 5 دقائق مع الليمون وهي مكشوفه

هيك بتكون جاهزه صدقوني اكله بتجنن يمممممممممممممممم

وصحه وهنا وما تنسونا من الدعاء

السلام عليكم ورحمة الله وبركاته
أم الأفكار الحلوة جايبالنا اليوم بامية عن جد طيبة كتير لأنه الوالدة الله يعطيها الصحة بتعملها لنا دوم
يعطيكى العافية والله يوفقك لكل خير ويسهل أمورك

الله يصبحك بكل الخير انت والوالده بركتنا كلنا الله يطولك بعمرها

اشهدي معي شايفه كتييييييييييييييير طيبه والباميه عموما بتجنن

تسلميلي والف صحه وهنا اكيد كمان من ايد الوالده اطيب اطيب اطيب

تحياتي بس وعود ما باعرف كيف هي والباميه ان شاء الله تعجبها

انا باحب اطمن على مستقبل بنات بلدي بالاكل خاصه ههههههههههههه

إطمنى يا أم الأفكار على مستقبل بنات بلدك وعلى مستقبل بناتك كمان اللى عندهم أم ماشاء الله عليها
أكيد راح يطلعوا شاطرات متلها
يلا يا وعود وينك،،،
بس يا أم الأفكار بتعمليها بتقلية الثوم والريحان ولا لأ؟؟؟

عزيزتي أم الأفكار مساء الخير، يعطيج العافية على هالطبق اليميييي ما شاء الله الريحه وصلت لعندي عن أكيد راح أجربه وأخبرج النتيجة.

يعطيج العافية ،،،

بصراحة صينية باميا بالدجاج ...
ما سمعت فيها
عادة باعملها باللحمة وكثير طيبة
وفي البيت بيفضلوها على اليخنية

بس عمري ما عملتها بالدجاج..

جبل النور
الصينية ما بدها لا ثوم ولا ريحان...

تسلمين حبيبتي ألله يعطيك العافية
زوجي من محبين البامية أن شاء الله بعملها قريبا مشكورة

جزاك الله خيرا

هلا الغالية

والله انا ادور شغلات تدخل فيها الخضروات لان زوجي من محبينها

بس لقيت موضوعج وشكله مشهي لذلك راح اعملها الغالية

مشكورة ويزاج الله كل خير

مشكورين يا اخوات وصحه وهنا اوعدكم بالخضار كلها

احنا كمان بنحب الطبخ بانواعه

تسلمولي على هالردود المشجعه

جبل النور انا باعملها ثوم وكزبره خضراء وجربيها يا وعود بالدجاج يعني تغيير ونكهه غير

سلملم