اخواتي حبيباتي

ما هان عليه اقدم لكم شيشبرك كذاب والاصلي موجود ومعروف وان شاء الله رح يعجبكم فوق ما تتخيلوا

المهم شدو الهمه ويالله نبدأ

المقادير
2 كوب دقيق ابيض عادي

رشة ملح عالطحين

ماء للعجن

نص كيلو او حتى اقل من هيك لحمه مفرومه معصجه مع بصل وفلفل اسود وملح

اقلي شوية صنوبر وحطيها عاللحمه

حوالي 7 او 8 فصوص ثوم كبيره

نص كوب كزبره خضراء مفرومه ناعم

الطريقه

اعجني العجينه عادي وخليها وسط مش جامده كتير ولا طريه

اتركيها حوالي ساعه (غطيها طبعا )

على طاوله نظيفه او سطح بلاط بس يكون واسع شوي افردي نص العجينه تقريبا بالشوبك (النشابه )

افردي على قد ما تقدري وحطي طحين تحت وفوق علشان ما تلصق

ابداي قطعيها باصغر فنجان قهوه في البيت بعدين شيلي اللي قطعتيه في صينيه واحشي كل واحده لحالها بشوية

حشوه واقفليها زي القطايف بالضبط بعدين لمي اطرافها بيصير شكلها زي البرنيطه (اللي عي الطاقيه المدوره )طبعا صغيره بتكون

المهم خلصي المقطع كله وافردي باقي العجينه وبنفس الطريقه كملي

لما تخلصي الان بدنا نطبخ اللبن

المقادير

4 اكواب لبن زبادي

4 اكواب ماء

ملقه كبيره نشا (دقيق الذره )

بيضه ........رشة ملح .......مكعب ماجي

حطي اللبن عالنار وحركي بالسلك ما تشيلي ايدك منه

في الوقت هادا بتكوني صفين برانيط الشيشبرك في صواني ودخليه الفرن بس لمدة 5 دقائق يعني بس العجينه تنشف شوي

لما يغلي اللبن ابدأي بوضعه في اللبن وخليه يغلي حوالي ربع ساعه على نار وسط

اطحني الثوم او دقيه واقليه بشوية سمنه او زيت وزيدي عليه الكزبره الخضراء وديريه عالشيشبرك وطفي النار

هيك بتكون الاكله جاهزه يممممممممممم حاجه بتشهي

قدمي جنبه رز محمر مفلفل مع شعيريه

الف صحه وهنا




(اللهم بارك لنا فيما اعطيت وقنا شر ما قضيت )

تسلم يدك يارب

أموت من جد بالشيشبرك

مشكوررررررررررررررررررررررررررررررة

تسلم ايدك اختي ام الأفكار على الشيشبرك الطعم


مانستغني عن افكارك

بسم الله الرحمن الرحيم ،،

يا عيني عليكي يا أم الأفكار والله شهيتيني الششبرك وعلى فكرة أنا نفس طريقتك بالضبط لكن من غير بيض، تسلم إيديك حبيبتي.

هو فيه بعد الأصلى يا ام الأفكار الحلوة
تسلمى يا اصيلة انتى

ya mommie i love shusbarak so much much .this is the best meal for me ican eat shusbarak for breakfast, lunch and dinner
yeslamoooooo ya om elafkaaakar.

تسلملنا افكارك يا ام الافكار

يعطيكي الف عافية

تسلموا حبايبي

وما تنسونا من دعاءكم احنا على وجه اختبارات

(اللهم وفق شباب المسلمين وبنات المسلمين الى ما تحب وترضى يا كريم )

من أول ما تزوجت وزوجي يصر علي بأن أعمل له ششبرك وأنا أتحجج بعدم معرفتي للطريقة مع حبي له بقصد للششبرك ولزوجي قبله طبعاً
المهم مشكورة كتير كتير كتير على الوصفة اللي ما كنت بعرف لها طريق إلا بسببك
جزاك الله خيراً

اليوم سويتة وطلع شووو زاكي واللة كان بشهي وانا كنت من حالي قبل شوي في امطبخ ولا واحد شايف ولا عارف خلصت على باقي الطبخة واخ يا مماتي من وجع بطني يسلمولي اياك ام الأفكار