السلام عليكم خواتي العزيزات ما شاء الله عليكن تعجبني الطبخات الي تحطوها هنا في منتدانا ...
لهذا احببت ان استشيركن بموضوع العزومة الي راح اعملها يوم السبت الجاي ... لو تعطوني افكار ايش راح اعمل على الغداء مثلا الطبق الرئيسي ... وطريقة عمل اللحم او الدجاج والسلطة وكل شي يتعلق بالعزايم كمان لو تعطوني افكار على عمل الحلا لبعد الغداء ومش عارفة اذا انتم تقدموا حلا قبل الغداء ( العزومة تكون لصحبتي وزوجها وعيالهم ) وكمان عاوزة مثلا اذا جلسوا للعصر ايش اقدم الهم هذا ولكم مني جزيل الشكر

ونسيت اقول لكم زوجي دايما يقول لي انا بدك تتعلمي اشياء كويسه عشان تبيض الوجه وهو له اسبوع يسالني ايش راح اطبخ في العزومة ...

وكمان بدي اعرف ايش راح تكون قائمة المشتريات .... اخاف اني ثقلت عليكن
هذا والسلام عليكم

السلام عليكم ورحمة الله وبركاته


هلا ام عكاشه .. انا يوم السبت كان عندي عزيمه ل 52 شخص ..

راح اكتبلك شو عملت وانتي اختاري وكمان صبايا لك بيساعدوكي كمان بالافكار ان شاء الله ..




شوفو جزء من الحلويات الوحيد اللي قدرت اصوره اههههههههههههههه للاسف باقي الحلويات كنت عم فضي باقي الطاوله لاحطهم وعلى ما حطيتهم هجموا هجوم مش طبيعي ما شاء الله ..

عملت ..
سلطه فتوش
سلطه لبن بخيار
وتبوله

حمص ومتبل بادنجان
لوبياء بزبت

صينيه معكرونه بالباشاميل
صينيه كبه
صينيه كفته (طارت حتي اخر قطعه)
برياني بدجاج
3 فخده بالفرن ............بشهوووووووو
مقلوبه
كاري دحاح
كاري لحمه بطرق مختلفه
مسخن لفائف (قضي عليهم )

الحلو زياده عن اللي بالصوره كنت عامله ام علي و كيكه برتقال ..

والحلو اللي بالصوره هو :
ليزي كيك
رز بالزعفران
تشيز كيك فراوله
تشيز كيك توفي
كيكه ام هادي
قدره قادر
اصابع بقلاوه
واكيد فاكهه.

اذا بدك اي مساعده او سؤال انا بالخدمه ..

ما شاء الله عليكي طبختي ل52 واحد الله يقويكي ويعطيك العافيه... بس ما شاء الله على سفرة الحلا لما شفتها كنت اتمنى اني كنت من المعزومين... ههههههههه عشان اخذ من كل شي قطعة... او ثنتين

قائمة حلوة بس بدي اسال اشلون عملتي
سلطة لبن بخيار
وصينية الكفته
والافخاذ بالفرن
اما الحلويات دنا مش شاطرة فيهم

وكمان عند سؤال كل هذا طبختيهم بيوم بدي اعرف كيف عملت في هذا كله

كتبت بواسطة ام عكاشة

ما شاء الله عليكي طبختي ل52 واحد الله يقويكي ويعطيك العافيه... بس ما شاء الله على سفرة الحلا لما شفتها كنت اتمنى اني كنت من المعزومين... ههههههههه عشان اخذ من كل شي قطعة... او ثنتين

قائمة حلوة بس بدي اسال اشلون عملتي
سلطة لبن بخيار
وصينية الكفته
والافخاذ بالفرن
اما الحلويات دنا مش شاطرة فيهم

وكمان عند سؤال كل هذا طبختيهم بيوم بدي اعرف كيف عملت في هذا كله

الله يسلمك يا ام عكاشه .. يا ريتك كنتي كان عملتلك اجمل من هيك حبيبتي .

بالنسبه لسؤالك راح جاوبك وحده وحده .
اللبن بخيار :

جبت 2 حص ثوم دقيتهم مع رشه ملح ووضعت عليهم علبه لبن كبيره يعني المقدار اللي تحتاجيه وقطعت الخيار صغير صغير وخلطتو مع اللبن وزينتو بنعنع ناشف .

صينيه الكفته :

جبت لحمه مفرومه تكون فيها شوي دهن (شوي) حتى تكون طريه وما تنشف وفرمت بصلتين وضمه بقدونس وبهار وملح ورشه بقسماط او انقعي خبزه توست بشوي حليب واخلطيها مع اللحم والبقدونس والبصل والتوابل اللي بتفضليها .
بعدين اما بتعمليها اصابع او بتمديها بالصينيه ..بعدين اقلي بطاطا مقطعه دوائر وضعيهم واخيرا بندوره مقطعه دوائر كمان . بعدها صبي المرقه المكونه من معجون طماطم وحبتين ماجي ورشه بهار وسن ثوم مدقوق وضعيهم بالفرن لتتسبك الصلصه . واكيد ذوقي ملحها اذا تحتاج المزيد.



لي عوده

بالنسبه للفخده فهي فخده خروف ..

احضرت الفخده ونضفتها منيح منيح وبعدين وضعت عليها الاتي خل وملح وليمون وبهارات مشكله وعملت فتحات صغيره فيها وبكل فتحه وضعت سن ثوم وتركتها بكل البهارات من قبل بليله .
تاني يوم وضعتها بصينيه للفرن وشوي ماء وكم ورقه غار وكم حبه هيل وسكرتها منيح بورق القصدير وبالفرن لمده 2 ساعه . فظيعه طلعت .

بالنسبه للحلو اختي اعمليلك جوله بقسم الحلويات فيه اشياء سهله ومجربه ما تحكمي على نفسك كل وحده فينا تستطيع عمل كل شي ان شاء الله .

الاكل اختي حضرت الكتير منه قبل خصوصي الصواني عملتها ووضعتها بالفريزر والحمد لله الله ستر حتي الحلويات اخترتهم كلهم يكونو باردين ..

وموفقه اختي بعزيمتك قلبي معك والله يبيض وجهك يا رب .
اي سؤال تاني انا بالخدمه عيوني

تسلم لي عيونك اختي كريس
عجبتني سلطة الخيار باللبن شكله لذيذ ...
بس عندي سؤال في الكفته خليتيها بقاع الصينيه ولا من فوق البطاطا والطماطم...

واللحمه في الفرن نحن نسميه حنيذ بس طريقة حلوه اخليها من قبل بيوم في البهارات تبعها ...
بس عندي سؤال كمان يعني ما افتح على اللحمه بعد ما تنضج يعني تحمر قليل لاني اخاف تيبس علي...

اما الحلويات راح اشوف الي هو كويس بس ايش رايك بخلية النحل تنفع

اه نسيت ايه يعني الصواني مثل ايه عشان يكون عندي فكرة هذا اذا ما تعبتك معي اختي والسموحه ...

ام عكاشه عزيزتي انتي تامري يا جميل ..

شوفي يا ستي بالنسبه للكفته انا راح اقولك طريقتي وشوفي اللي بناسبك .

انا بعملها اصابع لانه معروف عن الكفته بتنكمش بعد التستوي لذلك بفضل اعملها اصابع واصفها بالصينيه حتى وقت الاكل كل واحد بياخدله اصبعين مع البطاطا والبندوره بمشي الحال . المهم بعمل اصابع الكفته وعلى قد ما تاخد الصينيه . يعني مش راح اقدر اقولك بالضبط مقاس الصينيه لانه على هوي الكميه اللي انتي راح تستخدميها بتعرفي .

المهم بتعملي الاصابع وبتحطيها بالفرن شوي شي ربع ساعه يعني على ما تقلي البطاطا وعلى فكره البطاطا ما بتحمريها يعني يا دوب تشقر . بس تشوفي اللحمه تغير لونها شوي ضيفي البطاطا والبندوره والصوص ..وترجعي تحطيها بالفرن شوي ليغلي ويتسبك .

يعني بتصير طبقه اصابع الكفته بعدين البطاطا بعدين البندوره بعدها الصوص


ماشي بالنسبه للكفته.


بالنسبه للحمه انا بخليها مغطاه وبتحمر لحالها بس اذا كشفتيها ولقيتهيا بدها تحمير حمريها شوي وسقيها شوي بالمرقه الي بتنزل منها .


خليه النحل ممتازه انا من عشاقها ابعتيلي كم حبه الله يسعدك .

واي شي تاني انا موجوده عزيزتي .

يسلموا ايديكي اختي كريس شرحتي ووفيت ...
بس هل ممكن اعمل اشياء قبلها بيوم عشان يكون معي وقت للعلم انه معي بنت صغيرة كل شوي تبكي لهذا حابه اعمل اشياء سهله تنفع لليوم الثاني .. هذا ومني جزيل الشكر اختك ام عكاشة...

بالمناسبة خلية النحل لازم تكونه ساخنة والا بارده

عزيزتي ام عكاشه عارفه انا بنتي عمرها سنه ونص وهلكتني ولو ما عملت وحضرت من قبل كان اجو ما لاقو شي بتضل تبكي وبدها ياني على طول شايلتها ..الله يعينك حاسه فيكي اختي>

سلطه اللبن بخيار بتكون الذ لو عملتيها باليوم السابق .

الكفته عمليها كلها لكن ما تضيفي الصوص وخليها بالثلاجه وتاني يوم صبي الصوص ودخليها الفرن .

وفخده الخروف كمان زي ما قلتلك انقعيها بالبهارات يعني تاني يوم بس الفرن

خليه النحل تؤكل دافئه او بارده انا بالنسبه لي بحبها كيف ما كانت .

موفقه .